Pasal 4
1
Maneta veve tuan pa mia | Isau ve menanarivesie maso mene womi pasia to tindi mo. Mesanemipaya, toapa mia kota, mene veve Tuan so mia pai nia rora wa.
Paulus diono ria so sia pa
2
Isau membe nadi to karakuale metitaramana, avori metimbe trima kasih so Sien Allah.
3
Membe nadi kota so ama, ave amamo Sien Allah diono ria vesie maso amae, amatitopana Kristus nie Kavo vianiwara pasi. Aso joma kavo nine, a ona mamo, rabua nine inana bui nei raro ne pa.
4
Membe nadi, ave amamo diadi so itopana sasaar kavo veve aniwara yasi to sisasaar mo, ariri sivava pa.
5
Meto menduir tutir siniotu vesanemitiar va pasia mamo, menanari ariri to vesie mo, e memeir raria pasie sinai sararidioi vape moja.
6
Isanemitiar toapa, pi vitosi menggavorasi ora pa, siono sanevesieni e sikor siniotu sane. Isanemitiar toapa, kavo vitosi siniotu siutan mia nanasi pa, menduin nari menduar aririasi so sia pa.
Kavo vule vimanauae, disau tabe pa
7
Tane mambeneta pa Tikhikus andi nari tiopana ariri ine vava ne maso mia. I ma nienaripi to vesie vesiri tutir ama, maso Sie pai.
8
Jemiasi maso mia, ave amamo menduin ariri amane vava ne, ave mesanemi pasi sikariria vape moja.
9
Nari Onesimus ria tutir Tikhikus; Onesimus ma miesi tutir mia. I ma siniotu vekorusara kavo nina, e ima amasanemipai. Onesimus tutir Tikhikus, nari sutopanusara pi veve diadi nana uta inana nel maso mia.
10
Aristarkus, siniotu vena tutir yau nana bui nel rarone, dienatu tabe maso mia. Toapana kota Markus, Barnabas ano pai andi amatarer matu so mia sol pa, toapa: riamatu so mla mamo, membe trima i pa.
11
E Yesus vesanomi nanapi Yustus pai kota, dienatu tabe so mia. Nanapi kaiwasa Yehudi vesanemitiar Sien Yesus to manau pasia pa, setoru semesari, senggot yaue, senanaripi tutir yau, nana Sien Allah nie nanaripi pai. Setoru senggot yaue, senanaripi to pota vesiri.
12
Epafras dienatu tabe so mia kota. I kota ma miesi tutir mia. I ma Sien Yesus Kristus nie womi veve nadi tawana to karakuai vesiri maso mia nina. Siau so Sien Allah to marui mo, ave amamo mene sanetiar pasi sipaya, e mematu ve vata mo pa ave, amamo, menda ariri Sien Allah nie sanevesie pai to vesie mo.
13
Matau isayo subata, toapa nienaripi to pota vesiri maso mia e maso kaiwasa venana Laodikia tutir Hierapolis pasia.
14
Dokter Lukas siniotu tasanemipaya pai, tutir Demas, suranatu tabe so mia.
15
Metopana amane tabe ne so kalwasa Kristen venana Kota Laodikia pasia, e maso maneta pa Nimfa, e maso jemaat veve ari nana nie anio pai pasia.
16
Surat nei diap maso mia to manau mamo, metona ve diap maso jemaat venana Laodikia pai kota. Toapana kota, nari matau metap surat vienatua na jemaat Laodikia maso mia pai.
17
E metopa so Arkipus; "Rua nanaripi rut pai to vesie mo, aso kuor usara Sie pai pa.
18
Tabe nanapi yau Paulus, matau ya ivui kavo nine. Meparo va, toapa yane inana bui nel rarone Isaue Sien vie berkat mia.