Pasal 6
Setiri slamas rimemuandua pasia pa
1
Nana rabua yana, siniotu vesanemitiar pasia sepau pa saira vesiri. Apavo siniotu Yehudi rawa ve Yunani pasia, senggavo vavera tutir rawa ve Yehudi tarai pasia. Aso pisia sembov maso inar pasla, sesamuai mana masi vaveri va. Inar Yehudi rawa ve Yunani pasia, sesamual katu vea. Mae inar Yehudi tarai pasia sesamual to rawal.
2
Apa Rasul suraemuandua pasia senduir siniotu vesanemtiar to manau pasiae, senggavo tutir siae setoyo; "Amandemiwari pisia vevov nei veae, amatopana Sien nie Kavo nei va mamo kariria.
3
Apavo metiri siniotu pa sembe rimemuandu. Siniatu vene tenam viatene, vesamual Wainunu Sren paie, veruin ariri pi to vesie. Ave amamo amandusasan siae, senanaripi usara pininesi.
4
Mae ama ma amananaripi atapua, nana nadi pale, amatitopana Sien nie Kavo pai vea."
5
Apa kaiwasa pai vura, senduara Rasul pasia sene kavo pa. Apa setindusasana siniotu nine sia: Stevanus I ma siniotu vesanemitiar Jesus to karakuai mo pa esi nina, e dionu tutir Wainunu Sren pai, Pilipuse, Porkoruse, Nikanore, Timone, Parmenase, Nikolaus nanapi Antiokia, i ma siniotu Yehudi nina va, vape sua nana agama Yehudi pai.
6
Sinlotu rimemuandua pasia, senggor sia so Rasul pasia, avori Rasul pa sembe nadie sesau Sien nie berkat pai so sia.
7
Apa Sien Allah nie Kavo pai miesiepare bieba, e kaiwasa vesanemitiar venana Yerusalem pasia, sepau rawal ea. E Imam Yehudi pasia sepau, sesanemitiar Sien Jesus e sembe Kristen kota.
Setapur Stepanus pa
8
Stepanus siemual paya nanapi Sie pai pavo, nienari pitandor pa pau maso kaiwasa pal.
9
Vape siniotu pa esia sembaririwi tutir l; siama siniotu venana anio ari sesauwa ve Anio Ari Kaiwasa Veve Bebas paina. Siniotu venana anio ari jasia ma, siniotu Yehudi vera nana Kirene tutir Alexandria siana. Sla tutir siniotu Yehudi vera nana Kilikia tutir uta Asia pasia, senggavo vavera tutir Stepanus.
10
Apavo setoyo sembur nie kavo pasi, amana diadi va. Aso Sien Allah nie Wainunu pai diono paya sol so dinggavora pavo.
11
Apa sembait sinlotu pa esla, ave amamo asia setawiae setoyo: "Amatadiawa siniatu nini, kievo sisiayara Musai tutir Sien Allah."
12
Apavo senggavo amias kaiwasa pai, tutir veve baba nana Yehudi pasia, tutir Guru Agama pasia toapa jana. Apa janama senda setapur Stepanus, avori senggoria so Agama Yehudi pai nie ruir baba vekutu kavo pai.
13
Apavo senggor siniotu veve saksi viawia pesia kota, ave amamo asia senggavor kavo viawia wale sitera Stepanus. Apa siniotu veve saksi pasia senggavore setoyo: "Siniotu nini tawana kievo sisiayara Sien Allah nie anio veve Sren nei, e sisiayara Sien Allah nie Prentah Musal tiopana pasi".
14
Amatadiawa kievore dioyo: "Jesus nana anlose Nasaret pai, nari ruran Sien Allah nie anio nei, e riwa tane adat tawawari Musai pir maso tata pasi".
15
Kalwasa vesorum nana Yehudi pa sene ruir baba vekutu kavo pai pasia, sia vura setaduata Stepanus. E nanapi diam jani, Stepanus re pasi sivava ariri Malaekat re.