Pasal 5
Ananias tutir Sapiral pa
1
Vape siniotu pesi, sano pa Ananias. Tutir vinie pai sano pa Sapiral, surombova sune kakopa pa rabua esa.
2
Apavo pipi pasi savaru rawesi pasi ma, suseverasi so matau sandu, mae rawesi paini suroni so Rasul pasia, apavo vinie pal sunggavo arirlasi to manau.
3
Apa Petrusi kievo soje dioyo; Ananias, aso vitopi buonae iblis pal siasai na sane raro pa veito buawi Wainunu Sren pale suevera manana kakopa pai nie vait pai savaru rawesi pai so mataun au pa?
4
Aya vuova kakopa pai varami pa, ima matau nomu pi pina. E kakopa pai vuovi to manau e nie vait pal kota, ima matau nomu pisina. Avori, aso vitopi sanepaya vekariria nini niana saneraro pae nuenari tonine pa? Ima buawi siniotu pesi va, vape buawi Sien Allah".
5
Ananiasi diediawa Petrusi kievone to masi mana, viorue tiawa. Apa kaiwasa vladiawa kavone pasla vura, sematai.
6
Avori katiei venana yasia, senda setavani nana sis, e sesariowie senggori sepiri na papi pai.
7
Manaue, worabua va mana vinle, pai sua riwanea. Vape aya ruina pi erine veve diadi to manau pa varami.
8
Apavo Petrusi dutanie dioyo; "Avo kakopa sawamui mumbova pal nie vait pai nine vurae? Amana Ananiasi vinie pal ruare dioyo: "Maite, vait pai nine vura."
9
Apavo Petrusi kievo so I, e dioyo; "Aso vitopi sawamui musanemi sirie musotoura Wainunu Sren pai pa. Ite suejo, siniotu vekor sawamuia sepiri na papi pasia, sesoverama setosa vorira wa. Nari senggor au sembe kubir au kota".
10
Kievo tonine to masi mana, Analasi vinie pai viorie tiawa nana Petrusi aropo pa. Apa katiei pasia sesua e sesajo mana viorue viata pa, sesariowie senggoria sepiri siwara sawani nie papi pal.
11
Apa kalwasa vesanemitiar pasia, tutir kaiwasa vevesiei viadiawa kavo nine pasia, sematal.
Pitandor Rasul pasia senanari pasi.
12
Rasul pasia sene nanaripi pasi, sivediayara pitandor pa pau vesiri maso kahwasa pai. Apavo kaiwasa vesanemtiar pasia vura, sesanemi sirie senduir sia nanapi Anio Allah pai nie andiraro vesanomi na; "Andiraro Salomo".
13
Mae kalwasa vevesiei pasia ma, sendama senduir tutir kałwasa vesanemitiar pasia va. Vape kaiwasa pai vura, tietuana kaiwasa vesanemitiar pasia,
14
E, raria vura ma, kaiwasa vesanemitiar pasia, sepau sesuae setutir sia, mua to vavi.
15
Veitoro kalwasa vepota pasia ma, sesariowa sia nana patar pasi a sembata nana riandaro pasi, ave amamo Petrusi ria nana ria wasi mamo, nie wainunu pai via rawain sia ve sepanaam.
16
Apavo kaiwasa vera nana aniose venasiwara Kota Jerusalem pasia, senggor sene vepota pasia, tutir siniotu veve pisavi pasia. Apa Rasul pasia setonae, sepanaam vura.
Setapur Rasul pasiae sesuna bui pai pa
17
Amana Imam Baba mo pai, tutir nie kalwasa verausari pasia, siama siniotu Saduki siana, Saduki, ima siniotu vesua nana Partai Politik pasiana, senggasiou.
18
Apa setapur Rasul pasiae, setonae sesua nana bui pal.
19
Vape diru pa ma, Sien nie Malaikat pesi, ria sieva rature bul pai, e suvir sia vurusu bus pai. Janama Malaikat pai kievo so Rasul pasiae dioyo;
20
"Menda metosa nana Anio Allah pale, metopanusara Sien nie kavo pai, nanapi tenam vevaru pal."
21
Apa Rasul pasia senanari ariri kavo Malaikat pai dierera so sia pasi. Kausapa vavoru mo pa mana, Rasul pasia senda so Anio Allah paie, setaniau kalwasa pai nana wana, Janama Imam Baba mo pal, tutir nie kaiwasa verausari pasia, senduir tutir veve baba nana Yehudi pasiae setono ruir baba pesie senggavo ariri kavo. Avori setamias sniotu pa esia, ave amamo senda senggor Rasul pasla nana bui pai maso sia.
22
Vape siniotu setamiasa pasia, senda so bui pai mana, sesamuai Rasul pasia nana wana va. Apa sesovera sia ea setopa sasara so ruir baba pal.
23
Apa setopa so siae setoyo: "Amanda so bui wai pa, amasajo pa rature pasi sisiori to karakual vesiri, e siniotu viosae viarama vediora pasia, asiaja vura. Vape ineri amasieva rature pai mana, amatisajotuwa siniotu pesi nana bui pai raro pa va."
24
Siniotu viarama vediora Anio Allah pasla sene veve baba pai, tutir Imam Baba pasia setadiawa pa senatale sesanemi sasera, aso pi vevava nine, oto vediayarae piesa ea pe.
25
Avori siniotu pesi riama tiopoa so siae dioyo: "Siniotu metonae vesamual bui pasia setosae setaniau kaiwasa wal nana Anio Allah wai wa.''
26
Apa siniotu viarama vediora Anio Allah pasia, tutir sene veve baba pai, senda senggor sovera Rasul pasia nana Anio Allah pai ea. Vape senggavo mas Rasul pasia va, aso sematai kaiwasa pai niavori Rasul pasia vo, setara siae semu tatira sia pe
27
Apa senggor Rasul pasia so Yehudi pa sene ruir baba vekutu kavo pai. Avori Imam Baba mo pai kievo so siae dioyo,
28
"Jokama amatoisuara mia to manau toapa: Sa metaniau nana Jesus sano pa ea vamana? Vape janama ite mesajo. Mene aniau nini metopanusari nana Yerusalem vetutira. E metawairara sasara maso ama, nanapi Jesus nie voru pai.
29
Amana Petrusi tutir Rasul esi pasla, senggavore setoyo: "Sie paini tanggorusari rawal nanapl tanggorusara siniotu pasi pa
30
Allah, tatapumi pa sene Sie pai, andi dionae Jesus memune mepa nana aitabat pai, siobatal riana voru pale, tienam riwanea pa.
31
E Sien Allah diona masasoi vetariale, paya vetarial maso I, arirt Raja, vevediayara Slamat pal, ave amamo kaiwasa Israel pasia semanau nanapi sene tatar pasie, sesamuai ampon pai,
32
Ama amambe saksi nana kavo ninesi, ama tutir Wainunu Sren Allah diorsa maso siniotu vekorusara nie prenta pai pasia."
33
Kalwasa venana Yehudi pa sene ruir baba vekutu kavo pasia, setadiawa usara Rasul pasia senggavo tonine pa, senggasioue setoyo semun Rasul pasia vesa
34
Amana siniotu venana Yehudi pa sene ruir baba wai sia esinina, sano pa Gamaliel, siniotu Parisi pa esi nina. Vie guru baba nana Agama Yehudi pai, e kalwasa vura tietuani. Biatale diemiase senggor Rasul pasia ari so vorira wa.
35
Avori yanama kievo so kalwasa venana ruir baba paie dioyo; "Ine maneta kalwasa hranl pa mia, mesanemipaya to vesie mo, nana pivitopi meto menanari maso siniotu nine sia pa.
36
Aso papo pa, siniotu pesi sano pa Teudas, blataie dioni ve sinlotu baba, apa siniotu verausari pasia, vare sembe utin at. Amana semuni to vioru, e verausari pasia setimasasleparae nie ruir pal dinai.
37
Yana manaue, nanapi rabua viator kaiwasa pai pa, Yudas siniotu Galilea pai biatal ea. Apa piapara siniotu pa sepau vesirie sendausari, vape i kota vioru, e kaiwasa verausari pasia setimasasiepara,
38
Apavo rabua nine, nanapi kavo nine kota, isau toapa: metono piesa maso siniotu nine sia vape moja. Vetituwa sia vea. Aso sene aniau nel, vieva nanapi siniotu mamo, okatu nial. metosasera sta toanetoi yo, aniau nini sa niai va.
39
Mae sene aniau nini vieva nanapi Sie pai mamo, sovera ea mamo, meto sasera membe marova tutir Sie pai pana". Apa ruir baba pai ruara Gamaliel nie kavo pa.
40
Yanama sesau Rasul pasiae senggor sla so ruir baba pai, avori sendora siae setitatarera so sia, ave amamo setitaniau nanapi Jesus sano pa ea vape moja.
41
Rasul pasia sesuvi nana ruir baba paie sembavu pa, sesanemi pasi sietate vesiri, aso Jesus sano pa vediayarae sesamuai airora pa.
42
E raria vura, setaniau nana Anio Allah pai, to nana anio pasi, e setopanusara Sien Nie Kavo Vesie pai, toapa; "Jesus ma Raja Vekor Slamat, Sien Allah dierera paina".