Pasal 4

Veve baba nana Agama Jehudi pasia setapur Petrusi Johanes sandu pa

1 Petrusi Johanes sanduya sunggavo so kahwasa pai rami mana, Imam Baba pasia tutir siniotu veve baba nana Anio Allah pai, tutir siniotu Saduki pasia, sendama so sandu. 2 Senggasiou Petrusi Johanes sandu, aso sutopa so kaiwasa paie suroyo, Jesus tienam riwanea nanapi voru pai pa. 3 Apa setapur Rasul ne sandue setonae susua nana bui pal. E idirua pavo, sunana yana to kausapa pa. 4 Vape kalwasa viadiawa Rasul ne sune kavo aniau pasia, sepau vesiri sesanemitiar to manau. Apa kaiwasa vesanemitiar pasia sepau pa vare sembe siaran-rnim. 5 Kausapa pa mana, ruir baba nanapi agama paie, veve baba nana Jahudi pasia, tutir guru agama pasia, senduir sia nana Jerusalem, 6 Senduir tutir Imam Baba mo pai Hanas, tutir Kayafas, Alexander, tutir kaiwasa vekota Imam Baba mo pai. 7 Avori senggor Petrusi Johanes sandua so sia, e setutan sandue setoyo; "Avo muronae siniotu vemarera pai pienam toane? Tutir tei nie paya, pivai tutir tel sanopi murinanari pinine. 8 Amana Wainunu Sren pai siasai nana Petrus to manau pavo, andi kievore dioyo; "Veve baba nana kaiwasa Israelne mia, tutir veve baba nana kuaruvi vekutu kavo ne mia, 9 raria nini amusamuai urusan so amunanari pi viate, aso amumbe tofon siniotu venarera pai, e aso metoyo ave menduin ariri siniotu nei pienam pa. 10 Apavo mia vura ave manduina, e kaiwasa Israel nel vura ave ruin toapa nanapi Jesus Kristus siniotu Nazareth mepa nana aitabat pai, e Sien Allah dionae siobatai vurusu vevoru pasia pa, nana sano pa e nana nie paya pai, e viediayarae siniotu nei piename diosa nana mendaromi po nesie mesayori nine 11 Jesus nini, andi surat repo pai rabua esa topanie oyo, "Rovuki tukang pa menggea pal, andi setisasiara anio pai samabu retena pai pa. 12 Siniatu pasi sisamual slamat pai nanapi Jesus mesari. Apajoma nana dunia nei vetutira, nanapi siniotu pasi vura, esi vesiei ea so siemuai paya nana Sien Allah ve diono slamat pal maso tata pa va." 13 Karwasa venana ruir baba vekutu kavo pasia, senggavousara veito, aso Petrusi Johanes sanduma sinotu biasa vea, suraniau va, vape sumbe barani vesiri. Avori janama senduin toapa; Rasul ne sandu ma, siniotu verausara Jesus pa esanduna. 14 Vape setinggavo kavo pesa ea va, aso sinotu suronae vepanam to manau pai andia diosa tutir sandue, setosa nana kaiwasa pai aropo pa pavo. 15 Apa setamias Rasul pa sandue susuvi vurusu andiraro ruir pal, avori senggavo ariri kavo. 16 Senggavore setoyo; "Avo nari tananari toane maso siniotu ne sandu? Aso kaiwasa venana Jerusalem nei vura, senduin toapa, sandu sunanari kavo baba viotandori nini. Nine ma sa taporas va". 17 Vape vesie pa tasuar sandu, ave amamo senggavavo nanapi Jesus sano pa so esi ea vape moja. Apino kavo nei miesiepare wopai so kaiwasa va pe. 18 Apa sesau Rasul pa sandue susua riwanea, setopa so sandu, ave amamo surap Jesus sano pa ea va, suraniau nana vape moja. 19 Amana Petrusi Johanes sunggavo so siae suroyo: "Ite matau mesanemipai usara, topi tindiya nanapi Sien Allah aropowa? Tanggorusara mene kavo pasi pa te, tanggorusara Sien Allah nie kavo pasi pae? 20 Aso sa amamanau amanggavo nanapi pi vitopi matau amasajora e amatadiawa to manau pa va.'' 21 Kaiwasa venana ruir pasia, sesamuai ria pesi so setimbe hukum Petrusi Johanes sandu ve. Apa senggavo so sandu to manau pa, janama setonae sumbavu, aso kaiwasa pai vura, sesom sanandika Sien Allah nana pi sunanari nine. 22 Siniotu vepanam nanapi ria viotandori nini, vie umur taun siniotu muandue rawai.

Siniotu vesanemitiar pasia sembe nadi Sesau paya nana Sie pal pa
23 Yanama Petrusi Johanes susovera ea ma so sune maneta esi pasia, e sutopana anri Imam Baba pasia tutir veve baba nana Jehudi pasia, kavo senggavora so sandu pasi. 24 Sune maneta pasia setadiawa kavo sutopana pasi to manau pa, yanama senduir siae sesanemi sirie sembe nadi so Sien Allah. Sembe nadie setoyo, "Sien Au nuenari rorae, kakopae, rawana nel tutir pl venana pasi vura. 25 Ruama nana nomu Wainunu veve Sren paie kuevo nanapi amatapumi Dauti, nomu amias pal kuevare buoyo; "Aso vitopi siniotu veruin moyara Sie nesia, senggasiou ne', aso vitopi kaiwasa nel pir ariri kavo sararidiol ne? 26 Raja venana dunia nesia seto sembe marova, e veve baba pasia senduir siae semamu tutir Sie pal, tutir Raja Vekor Slamat pai. 27 Aso raja Herodes tutir Gubernur Pontius Pilatus, surono ruir tutir siniotu veruin Sie va pasia, tutir kalwasa Israel venana Kota Jerusalem nel, senduir sla, ave amamo setomamu tutir Jesus, nomu amias vetindia, rusasanae veve Raja Vekor Slamat pal. 28 Sembe siri, ave senanari ariri pi buerera na papo, toapa nari sive diadi. E Au kutu nana nomu paya pai, e mataun nomu mayar pai. 29 Yanama, Sien, suejo setavakadur ama ne, e buonae nomu amias ne ama, amasamual paya so amatitopana nomu kavo nei pa. 30 Buona nomu tolong pai, ave amamo siniotu vepota pasi sisamual panam pai, e pi viotandori tutir pi vindawaina pesasi sive diadi tutir paya nanapi Jesus sano pa, nomu amias veve Sren pal. 31 Sembe nadi to manau mana, uta setosa nana pa manawar. Apa sia vura sesamual Wainunu Sren pai, e yanama sesamual paya so setopanusara Sien nie Kavo pai pa.
Siniotu vesanemitiar pa sia setenam nana sanepaya vavera pal pa
32 Siniotu vesanemitiar to manau pa sia setenam nana sanepal vavera pai. Sia esi nie pi mesari va. Pi vitopi sesamuai pa, seneu vura. 33 Rasul pa sia sesamual paya verawale setitopanusara Jesus biatai vurusu voru pai pa. Apa Sien Allah vie berkat sia to baba vesiri. 34 Apavo sia esi dimbaro pi va. Aso siniotu vene kakopa, pival anio pasia, sembovo kakopa pai, pival anio pal to manau mamo, senggor sine vait pala so Rasul pasia. 35 Avori sia sembov aririasi so kaiwasa pai. 36 Apavo Yusupi kota, viovo nie kakopa pai, e pipi pasima kinsia dionasi so Rasul pasia. 37 Yusup nini ma vieva nanapi Lewi nie usapui pai. Rasul pa sesaul kota ve Barnabas, tandiwa nana tane kavo mamo; "Viono sane vesleni"