Pasal 3
Suniotu vemarera pai pienaam pa
1
Raria pesi pa Petrusi tutir Johanes, sunda so nadi venana diam toru ravinena pai, nana anio Allah pai.
2
Sunda sumbetiai rature sore vesanomi nana: "Rature Viate" pai, apa sunda samuai siniotu vene tarai marera pesi, mierera nana retena siniani diavini pa. Raria vura senggo siniotu neia, miesoi siwara rature sore wa, ave amamo dionusara pi nana kaiwasa vera vesua nana Anio Allah pasia.
3
Apavo siejo mana Petrusi tutir Johanes, suro susua pa, siau so sandu, ave surono piesa soi.
4
Apa suraduat I, avori Petrusi kievoe diojo: "Bueduata nandu I"
5
Apavo siniotu nei dieduata sandu, e pir sanetiar toapa nari surono piesa soi.
6
Amana Petrusi kievo soi e dioyo: "Ya ma ivaro pipi, vape, vitopi isamuai pa, nari jona so au. Apavo tutir Jesus Kristus siniotu Nasaret pai sano pae, suobataue rua I"
7
Yanama Petrusi dieka rut nana siniotu vemarera pai vara vata pa, e piosasana i. Apa siniotu pai ae pasi tutir aekamai pasi, sipaya.
8
Avori ria usara Petrusi tutir Johanes e sesuapui so Anio Allah pai. Apa riae kiekopa e disanandik Sien Allah.
9
Kalwasa vesorum pasia vura sesajo riae disanandik Sien Allah pa.
10
Avori sesajo riruin I so, andi miesoie dionusara pi ora nana Anio Allah pai nie rature sesau ve; "Rature Viate" pai pa. Apa kaiwasa pai kievo usara veito, aso pi veve diadi maso siniotu vemarera pai.
Petrusi dienlau kaiwasa pai nana Anio Allah pai pa
11
Apa siniotu vepanam to manau pai dindausara Petrusi Johanes sandu. Apavo setoru senda sembetial andiraro sesaua ve; "Andiraro Salomo", nanapi Anio Allah pai, amana kalwasa pai siorum a so setoru, aso kavo ne ono tandori veja.
12
Petrusi siejo kaiwasa pai siorum pa, kievo so siae dioyo; "Kaiwasa Israel ne mia, aso vitopi metandore menggavousara siniotu nei veja pa. E aso vitopi metaduata nandu veivea pa, metoyo sa nandu amusamuai paya, pivai amunggorusara Sien Allah, apa joma amurona e siniotu nei piayae ria ne pe. Piva.
13
Vape, Abrahamie, Ishakie, Jakopie, tutir tatapumi pasia, sene Sie sesom pai, Sie nini, andi vieruana nie paya pai nana Jesus pa. Jesus nini, andi mesiwi a so veve baba paslae, metawa irari nana Gubernur Pilatus aropo pa, nana rabua Gubernur Pilatus dio suviri vurusu kariria pai pa.
14
I ma vie Sren e diete, vape metoi pidiari, e menggavo amias Pilatus, ave amamo suvir Barabas siniotu mamuna pai so mia.
15
Memuni to manau, arorae i ma tenam pai umaja paina, maso kaiwasa vura. Vape Sien Allah dionae tienam riwanea nanapi voru pai. E matau ama amasajo subata kavo nine.
16
Paya pai nanapi Jesus nini sano pa, a vediayarae siniotu vemarera nini playa pa. Pi mesayora veve diadi nie ma, aso joma vesanemitiar sano pa pana. Aso sanetiar Jesus pa joma siniotu nei pienaam riwanea e mesajo ne.
17
Ine maneta pa mla, janama iruin toapa, mia tutir mene veve baba pasia, pi senanari maso Jesus ne, menanari pa aso menduin ariri pi menanari wa va pana.
18
Apa joma rama inggota pi papone Sien Allah tiopan ariri to manau nanapi nie Nabi pasia pa, toapa dierera pai, nari siemuai kariria pai. Raja vekor slamat, Sien Allah
19
Apavo ine neta pa mia, memanau nana mene tatar pasie, mesovera mia so Sien Allah, ave amamo vie ampon mene tatar pasi pe.
20
Nari Sien riama so mia, e nari mesamuai Wainunu Vesie. E nari Sien diemiasa Jesus e riama so mia, aso Sien Allah diri to manaue, vie Raja vekor Slamat so mia,
21
I ma nari niana rorawa, veito raria Sien Allah dionae pi vura sivavoru pino, ariri Sien Allah tiopana maso nie Nabi pasia, nana raria vepapo pa.
22
Musai tiopa to manau, toapa, nan Allah mene Sie pai, diemias nabi pesi nanapi matau mia esi ariri amamo metadiawa nabi yani, kavo kievora so mia pasi. yau, e riama so mia,
23
Vape teini diediawa nabi yani nie kavo pasi va mamo, nari suvi vurusu Sien Allah nie kaiwasa pai e niai.'
24
Nabi vetopanusara Sien Allah nie kavo nei pasia, nanapi nabi Semuel, tutir nabi esi vepui pasia, sia vura setopana kavo nine.
25
Sien Allah nie arer nabi pa setopana pasi, ave sitopana maso mia. Nanapi Sien Allah nie arer pir maso metapumi pai pa, Sien Allah kievo so Abrahami tonine, "Nari nomu usapui pai viediayarae ive berkat kaiwasa venana dunia nei vura', arer nini viata maso mia kota.
26
Apajoma Sien Allah diri nie amias paie, diemiasi papo maso mia pa, ave amamo vie berkat mia pe. Vie berkat mia nana dionae mesovera mia vurusu mene tenam vekariria pasi pa."