1
Apa Imam Baba mo pai, kievore dioyo; "Kavo setimbe karak au nesi sive vatae?"
2
Amana Stepanus ruar toapa nine; "Aisinia pa mia, e ine maneta pa mial ite metadiawa ikavo ne. Tatapumi pa Abrahami, aja ria so uta Haran varami pa, nana rabua andia miesoi na uta Mesopatamia pa, Sien Allah vepaya nana pi vura pai, riama so i, e kievo so I,
3
e diayo: "Vuevu vurusu nomu aniose pa, e nomu kaiwasa pai, Rua so aniose nari jisatuira maso au pal
4
Apa Abrahami vievu vurusu uta Kasdim, e ria so uta Haran. Janama Abrahami tamani vioru to manau pa, Sien Allah dionae Abrahami riama so aniose nine, aniose rabua nine memasoi nana ne
5
Nana rabua jana Sien Allah diono uta nei rabua katu esa maso Abrahami ve pi nieu va; viono aereu siri sol va. Vape Sien Allah dierer toapa; nari dioni maso Abrahamie vie pi nieu tutir nie usapui pai. Rabua janama Abrahami siemuai atuma va.
6
Vape Sien Allah dierer soi toapa, raria pesi mamo, nomu usapui pai, nari setenam ariri siniotu wasa, nanapi siniotu vevesiei sine uta. E siniotu vene uta jasia senanari so sia ariri womi e setowawotu sia, taun utin at.
7
Vape nari ive hukum kaiwasa viono sia ariri womi pai, Sien Allah kievo toapa jana, e siama nari sesuvi vurusu aniose jana, e nari sesom jau, nanapi uta nine.
8
Sien Allah kievo tonine to manau mana, janama diono arer sunat pal maso Abrahami. Apa Abrahami atu isaki, siniani diavini to manaue, raria veve rimetorua pai pa, Abrahami vie sunati. Vepui janama Isaki vie sunata atu Jakopi. E Jakopi vie sunata atu suraemuandua pasia, asia sembe tapu so kaiwasa Yehudi nei pa.
9
Tatapumi nine sia, sesanemi pasi sikariria so Yusupie, sembovi ve womi nana uta Masir pa, Vape Sien Allah tutiri,
10
e tierir i vurusu kariria veter i pasi vura. Sien Allah diono pande verawai maso Yusupi nana rabua diosa nanapi Raja Piraon aropo pa, pa, veito Raja Piraun rusasanie vie Gubernur nana uta Masir, e dimbe baba kota nanapi Raja Piraon nie anio raro pa.
11
Vepui ineri vavisi baba pesi mun nanapi uta Masir tutir uta Kanaan vetutira, e kalwasa pai vura vievisi. Veitoro tatapumi pasia kota, sesamuai pisia setan va.
12
Janama Yakopi diediawa pas pai nana uta Masir pa, diemiasa atu pasia, tatapumi pasia, senda so wana retena moa pa.
13
Rabua senda ve muandua pa, amamo Yusupi tiopa veruana matauni so neta vava pasia pa, toapa, Yusupi andi i. Nana rabua jana vori Raja Masir pai ruin ariri Yusupi nie usapui pai.
14
Janama Yusupi dierera tamani Yakopi, tutir nie anio raro pa vura, ave amamo sembavu maso uta Masir. Sepau pa sembe sniniotu torue surai rim.
15
Apa Yakopi dieriaue vievu niana uta Masir, e vioru tutir tatapumi pasia na wana.
16
E sene sina pasi, senggo soverasia so uta Sikem, e sepisi nana kubir papone Abrahami viori nanapi siniotu Hemor pasia, nana uta Sikem pai.
17
Janama Sien Allah nie arer pir so Abrahami pai dieriasi ato, e tane kaiwasa Yehudi venana uta Masir pasia setipauwa to manau.
18
Vape ineri Raja Masir vavoru pesi ea, i ma ruin mojara Yusupi.
19
Raja jani diowawotu tane kalwasa pai veja e kieriria vesiri so tatapumi pasia. Dionae tatapumi pasia sengge sene atuma katu veve diadi vavoru pasia, ave amamo semboru.
20
Nana rabua Jana mamo, Musai vie diadi pa; vie atuma vesasie vesiri, apavo tamani siniani suraniwari nana anio raro pa veito sembai toru.
21
Janama sunggeaniwari, avori Raja Piraon atu vavi paini siemuai, apa kiorie dieumi ariri atu matau nina.
22
Dieniauwi ariri atuma Raja, nanapi Masir pa sene pande pai. Apavo vie atuma vepayae vebaba, nanapi kavo to pi nienari.
23
Nanapi rabua Musai vie umur taun siniotu muandu pa, janama dio riae siejo nie kaiwasa Israel pai.
24
Avori siejo samuai siniotu Masir pesi mun tatir siniotu Israel pesi; apa niavori siniotu Israel paie, mun siniotu Masir pai to vioru.
25
Musai miemo ma dioyo nari nie kaiwasa Israel pasia senduin toapa: Sien Allah diemiasi maso sia, ave amamo nia vori sia. Vape veruana toapa senduin toa va.
26
Kausapa pa ria ea, apa siejo mana siniotu Israel pa esandu, sumun sandu ea. Apa diet vedior sandu, e kievo so sandue dioyo: Manetai, mandu ma mumbe neta. Apavo mumun mandu vape moja.
27
Amana siniotu verora vene maneta pai, tiawa irara Musai, e dinggavorae dioyo: "Avo teini rusasana auwe vue mananire vue urus ama ne?
28
Apavo buojo ave amamo mun yauwe ivoru ariri, siniotu Masir ravine mun to vevoru paie?
29
Musai diediawa siniotu pai kievo tonine pa, mietaie vievu nana uta Masir ra so uta Midian e niana wana. Niana wana pa siemuai atuma pa sumbe muandu.
30
Musai niana wana taun siniotu muandu, avori Malaekat pesi riama so i, nana mapar veve rubua pai, deriasi suovavo Sinai. Malaekat pai vieruani so Musai, nana andia viane veveviar nana samue raro pai.
31
Musai siejo to tiendor, apavo dio ria dieriasi ve sieyo piwaria vava pa, amana diediawa Sien raopui pai riotu masoie dioyo,
32
"Tapumui sene Sie pa Ya nine; Abrahami, Isaki, Yakopi sene Sie pa Ya na". Apa Musai mietai veito ririoyar, e diadi so dieduata uta pa ea va.
33
Janama Sien kievo sole dioyo; Tita sapatu pasi vurusu aemu pasi, aso uta buosa nanane ma, kakopa veve Sren pina.
34
Isajo ine kalwasa pai to manau, aso setowawotu sia nana uta Mesir veito sepa va pa, e jediawa sene amuaus pasi to manau, e Iviar mesu to manau, ave amamo ipariri sia pana, apavo ruama. Nari jemias aue suovera so Masir.
35
Musa nini, Musa kaiwasa Israel pasia senduari vae setawa irari tutir kavo vioyo: "Avo teini rusasan aue vue mananire vue urus ama ne?" Vape andi Sien Allah diemiasie vie siniotu baba, vepaya, e vekor vesie pa, e Malaekat pai riama so i narna adia veveviar nana samue raro pai pa.
36
Musa jani andi kior kaiwasa Israel pale sesuwi vurusu uta Masire, dinanari pitandor verawai pasi nana uta Masire, nana rawana Kolsume, nana mapar rubua pai veito taun siniotu muandu pa.
37
Andi kievo so kaiwasa Israel paie dioyo; "Nari Sien Allah diono Nabi pesi maso mia, nari diri nanapi matau mia esi, ariri diri ya pa".
38
Musai, andi kaiwasa Israel pai niana mapar rubua wai mamo, niana rabuae kievo riwana so Malaekat vekavo soi nana suovavo Sinai pai, tutir tatapumi pasia pa. Andi kior Sien Allah nie kavo vetenam pale, tiopani maso tata pa.
39
Vape tatapumi pasia senggorusari va. Setawairarie setoyo ave sesovera vea so uta Masir.
40
Senggavo so Haruni e setoyo: "Nuenari karuar vevemanaya pesi so ama, ave amano amatoni ve Sie, e piepon arma. Ava Musai kior ama nana uta Masir ma, vape ama tinduin mojara ria toa pa.
41
Apa senanari karuar pesie vieva ve sapi atu, avori setono pi som soie semajale setisanandikan pi matau senanari pai.
42
Apa Sien Allah vievu vurusu siae tituwa siae sesom siverere venana rora wasi. Imasi tutira kavo vevul nana nabi pa sene buku pasi. Toapa nine; 'Menggutu binatane metisom nanapi taun siniotu muandua pasi, nana mapar veve rubua wai pa, ima metisom ya nanasi va
43
Vape ima karuar veriv pal Melek nie anio Kema pai ni menggori vavera tutir mene karuar siverere pai, andina Refan. Mene karuar menanari ve mesom paina. Apovo nari ike mia veito worol ra sol rawesi wa na uta Babel",
44
Anio Kemah pai, i ma anio Sien Allah riama so siniotu pasi nana paina, niana pa tatapumi pasia, nana rabua senana mapar rubua pal pa. Sien Allah matauni diemiasa Musai, e ditopanariri soi, so nienari Kernah pai toa pa.
45
Vepui janama tatapumi pasia senggor Kemah pal, nanapi rabua Yosual ria tutir siae setawara tane uta nei, vurusu kaiwasa Sien Allah dietavare vevau vurusu tatapumi pasia pa. Kemah pai andi na rabua jana, veito Dauti vie Raja pa.
46
Dauti dio sanevesieni so Sien Allah, e siau so Sien Allah, ave Sien Allah sane vesie mamo, Dauti nienari anio pesi so Sien Allah, Yakopi nie Sie siom pai.
47
Amana pivaie Salomoi, andi viauna anio pesi so Sien Allah.
48
Vape, Sien Allah vetarial mo pal, I ma miesoi nana anio siniotuvara sinanari va; Aso Nabi pai vui nana buku pai toapa nine;
49
"ine uta Imasoi nana pa rora wa, mae dunia nei ma, jisasiara ae nesi. Anio vitoni membauni so Ya ne? Uta Imanau marior nana pai topina?
50
Jokama Ya Inanari pi saserale vura mana?" Sien Allah kievo toapajana.
51
Mendumi pasi sikarakual vesiri, e metinggorusara Sien Allah va vesiri. Mene taradiau pasi sipoja vesiri. Memasi ariri metapumi pasia mo. Menggavo irara Wainunu Sren pai tawana.
52
Metapumi pa semun Nabi pasia. Semun Sien Allah nie womi papone vetopa sasara toapa, Sien Allah nie amias vetindia pai nari riana pa. Yanama rabua nine memun Sien Allah nie amias vetindia pai to manau.
53
Malaekat pasia setopana Sien Allah nie prentah pasi so mia to manau, vape metinggorusarasi val"