Pasal 27
Paulus dienatua so Roma pa
1
Yanama senggutu rarla pai to manau so amasuvie amanda so Italia pa, apa sesiwa Paulus tutir siniotu bui pa esia, so komandan vesanomi nana Yulius pai, vie baba
2
so tentara Roma sesaua ve; "Tentara Kaiser" pai. Amasa so Kapal pal nana aniose Adramitium, yanama amatapai nana kapal yani, aso dio riae suatitieri sawararo venana uta Asia pasi paria. Aristarkus, siniotu Makedonia vera nanapi uta Tesalonika pai diot ama kota.
3
Kausapa pa mana, amasirieu nana Kota Sidon. Vape komandan Yulius nienari pa vesie so Paulus pavo, diemiase Paulus viare riae sleyo nie siniotu, nana Kota Sidon, ave amamo pi vitopi Paulus dio slauwa mamo, setona so i pe.
4
Nana yana pa armatapai riwanea. Amana wana pal sio sun arma pavo, amatapai rebasa nu Siprus rawesi vemari katu pa.
5
Yanama amambatuwa rawana viet vediora uta Kilikia tutir Pampilia pal, e amatapaia so Kota Mira nana uta Likia.
6
Nana yana pa, komandan pai siemual kapal vera nana Alexandria pesi, dio ria so Italia, Apa dionae amasa nana kapal yani.
7
Raria pa toi ma amatapal mana amamasiar va, e amatapal sisieuna Kota Knidus veito, avori amasirieu. Vape wana pasi siso pa kariria rami pavo, armatapai tatera uta amanda soa pa ea va. Amatapal topula so nu Kreta, e amatari revu Salmone ave amamo amasamual vermari pal nanapi wana.
8
Amatapai siseun uta pa veito, avori yanama amasireu nana uta pesa, sano pa Sawararo viate, deriasi Kota Lasea.
9
Rabua yana, Yehudi pa sene raria baba Puasa pai, kiara to manau. Apavo Paulus diono kavo sanepaya maso siae dioyo;
10
"maneta pa mia, iruina mana tato tatapai vea mamo, nari tanggaririae nari tasamuai kariria, vape muatan nesi tutir kapal nei mesari va, vape nari siniotu ne tata kota tanai".
11
Amana komandan pai sanetiara siniotu verut vosasuru pai, tutir Kapten verut kapal pai, rawai Paulus nie kavo pasi.
12
Sawararo yani ma, ve diediru mamo kleriria, apavo sa kapal pasi sievoi nana va. Apajoma siniotu venanaripi nana kapal pasia sesanemi vesie sesuvi vurusu sawararo yani, e setosasera ve amamo senda sesirieu na Kota Peniks, ave senana wana to die diru pai kiara ri. Kota Peniks ma sawararo nina e aro tori, nanapi nu Kreta.
Diobara pai mun Paulus sia nana rawana pai pa
13
Raria yani ma wana dopui pal sio to vesle vesiri. Apavo venanaripi nana kapal pasia, setoyo nari amatapai ea. Apa sendait kamutu paie amatapai rebasa nu Kreta.
14
Amana worabua vae, ve diobara, wana sesaua ve Murandawana pai sio na dorei wa torau,
15
E biara amane kapal pai. Apavo diadi so amatapai sun wana pai va pavo, amatitavarira usara wana pai vea.
16
Amatavarira rebasa nu katu vesanomi nana Kauda rawa vetopul pa, apa amasamuai vemari pai katu. Apa amatosasera sikusi pasi so amanggasie tawanasi pa.
17
Sikusi pasi sisasana ajai so kapal pal to manau pa, kapal pal kota klesie tawana nana wai to karakuai wawarira. E amamatai amasuira nana vavotui vesanomi na Sirtis pa, sarawi pasi sikaparae kapal pai diediari usara wana pal vea.
18
Wana pai dimbe diobara, veito kausapa pa mana, sengge pisaseral kapal pal dierlauna pa rawesi na rawana wa.
19
Saar ea pa mana, venanaripi nana kapal pasia sendut pi setinanaripi nana kapal pasie, senggeasi rawana wa
20
Raria pa toi, amatisayotuwa wor pai va, siverere pasi va, e wana pai sio veito indawaina. Apavo amapir sanetiar so amatate pa ea va.
21
Raria pa toi ma kaiwasa pai diapi va. Apa Paulus ria diosa nana sene kasau rabua pa vori kievora dioyo; "Maneta pa mial Menggorusara ine kavo pae, tatavoi nana Kreta reto, sa tasamuai kariria vetoapa nini va.
22
Vape nine ma isau so mia toapa, mesun mesanemi pasi. Ava mia esi sa vioru va, mae kapal nei miesari, andi nari niai.
23
Aso radurane pa, Malaekat pesi ria nanapi Sie isom pai ma, Sie vene ya pai, riama so yau.
24
Malaekat pai kievo so yaue dioyo; "Paulus muetai val Aso nari rua ra so Kaiser wai aropo wa. E aso Sien Allah nie sanepaya pai maso au pa, vediayarae vesie maso kaiwasa metapai ne sia pa, aso joma au".
25
Apavo maneta pa mia, mesanemisasera va. Aso isanemitiar Sien Allah toapa, nari simasi vura ariri tiopa maso ya pa.
26
Vape nari tasuira nanapi nu pesi".
27
Nana diru veve suraeat pai ma, amatavoje amatavarira veivea nana rawana Adria. Diru rabua pa, venanaripi na kapal pasia sesanemiriruina mana, kapal pai dieriasi rei pa.
28
Apa setuwa rovuki pai na wai pale setitato vekarija pai. Amana vekarija pai vare meter siniotu -muandu. Worabua vamana setato riwanea, apa rabua yana karija pa vare meter siniotu sirie sura.
29
Apavo sematai kapal pai tura nana jar pasi pe. Apa setuwa kamutu pa at nana kapal pai wapui pa, e setitanota sairae sasaar pa.
30
Amana siniotu venanaripi nana kapal pasia, seto sembavu manana vurusu kapal pai. Apa sembiara sikusi pasi avav so sasi pae, setombe sengge kamutu pasi nana kapal pai rawa wapo wa.
31
Apa Paulus tiopa so komandan pai tutir tentara verana kapal pasiae dioyo; "Siniotu venanaripi nana kapal nesia, senana kapal nei va mamo, mia vura ma, sa esi ditate va".
32
Apa tentara pasia setaratuwa wai sikusi pasie, sikusi pasi sievarira.
33
Aya sasaar mo varamie, Paulus tuva kaiwasa pai vura ve setapi. Paulus dioyo; "Raria surae at ma metanota veivea nanapi sane vavisi paie metitan piesa va.
34
Apavo itopa so mia, ave amamo metan pi katu esa. I ma vesie so mia, ave amamo mepaya ea pe. Ava mia vura, nari metate, e sa esi tiera kariria pesa va.
35
Paulus kievo tonine to manau pa, dieka kior roti paie, yanama vie trima kasi so Sie pai, nana sendaromipo pasi vura. Yanama viov roti pasie setapi.
36
Yeama sia vura semamasar riwaea, e setapi kota.
37
Venana kapal pasia vura, sepau pa sembe utin muadu e siniotu toru e surae rime siri.
38
setapi vura to manau pa, sengge pas kapal pai dieriauna pasi avaw so rawana wa, ave amamo kapal pai tiepisa.
Kapal pai tura pa
39
Sasa vava to manau pa, siniotu venanaripi nana kapal paise, sesayo samuai rei pa, vape sesayo riruin uta pa va, saseyo samuai tu nina, tutir sasi dere pa. Apavo seto setona ve amamo kapal pai sia nana uta yana.
40
Apa setaratuwa wai kamutu pasie, kamutu pasi simarutu rawana wa. E sendeku wai vekasie tawana vosasuru pasi. Yanama setubara sarawi venana wapo mo pai, ave amamo setapai arei so sasidere pa.
41
Amana kapal pai tura nana rubua pai. wapo pai tura to karakuai vesiri, e wapui paini bata pa sitabisoi veito kieriria vesiri.
42
Tentara venana kapal pasia, seto semun kaiwasa vesamual buie setariauna pasia, ave semboru, aso setor arei so rei wae setimbavura pe.
43
Amana komandan pai suara eta sia, nana sene sanepaya yani, aso mietai vavori Paulus siemual kariria kota pe.
44
Apavo diemiase kaiwasa veruin vior pasia senggopa papo, e setor arei so rei wa; Mae vior moya va pasia, setor nanapi wonggia, pivai kapal pal nie wonggia vemasabu pasi. Apa amavura tutir vesiene amasa na rei wa.