¹ Amasa na rei wa tutir vesie to manau, avori yanama amanduina toapa nu yani sano pa Malta. ² Kaiwasa venana nu pasia, sene kavo pa siete vesiri maso ama. Senda vedior ama tutir vesiene, senduri adia pai so amae amanggaruri, aso rama pal mun, e uta pai riewas kota. ³ Apavo Paulus ruira ai-nganggamani pasie pisi arau so adia pai. Apa korou womanggaiti pesi suvi, aso adia pai siobara pa, e kierip Paulus nanapi vara pa. ⁴ Kaiwasa venana nu pasia sesayo korou pai kierip to dievakir nana Paulus vara pa pa, senggavo nana matau siae setoyo; "Siniotu nel ma, siniotu vemun siniotu nina. Apa tieisu vurusu kariria venana dorau pal to manau mana, Sie pai kiembarai dionae tienam ea pa." ⁵ Amana Paulus tietapa korou pai susa adia pai, e disanemiriruina vepota pesa va. ⁶ Setoyo nari Paulus vara pal biebara, pivai okatu vioru tandor e tiawa. Vape setanota to woroi mana piesa soi va pa, sene sanepaya pasi sivesiel ea, e setojo, Paulus ma Sie nina. ⁷ Amasirieu siwara Gubernur venana nu yani nie uta pa. Gubernur pai sano pa Publius. Vie trima ama ariri siniotu vera ve wasa, nana raria torua pasi to vesie vesiri. ⁸ Nana rabua yana, Gubernur Publius tamani piota, visie dinggeri veria. Apavo Paulus ria sieyon, apa vie nadi e disasana vara pasi rawain i. Apa yanama pienaam. ⁹ Kaiwasa vepota venanapi nu pasia, sesayo pa sendama so Paulus, apa dionae sepanaam. ¹⁰ Apa setono pi pa pau vesiri so ama, e amato amatapai pa, setariauna pi so ama nana kapal pai, nanapi amane rara pai. Vesuvi nana nu Malta, e vera so Roma pa. ¹¹ Amana nu Malta sembai toru to manau pa, amasa nana kapal vera na uta Alexandria pesi, dievoi nana nu yani, die diru vetutira pa siri. Kapal yani ma sembui karuar vekadidui pesi nanai, Kastor tutir Poluks. ¹² Amatavoi nana Kota Sirakusa, e ama nana yana raria toru. ¹³ Nana yana pa, amatapai rebasa ra so Kota Regium. Kausapa pa ma, wana dopui pai sio. Apa raria muandu veae, amandama so Kota Putioli. ¹⁴ Nana yana pa, amasamuai siniotu vesanemitiar Jesus pa esia, e sesau pa amanana yana tutir sia ari siri. Manau pa yarama amanda so Roma. ¹⁵ Maneta venana Roma pasia, vesanemitiar Jesus pasia, setadiawa ama pa, senda vedior ama ra so Pasar Apius, tutir Pasangrahan Toru pai. Paulus siemuai sia pa, vie trima kasih so Sien Allah, e saneraro pa manasi Paulus niana Roma pa ¹⁶ Amandama so Roma to manau pa, setonae Paulus miesoi nana anio pesi vesiei, e tentara pesi dierama vedior i. ¹⁷ Kara raria toru, yanama Paulus siau Yehudi veve baba venana Roma pasia. E senduir to manau pa kievo so siae dioyo; "Maneta pa mia I Inanari sasara pesa maso tane kaiwasa nei va, pivai irawain tane buai tasamuai nanapi tatapumi pasia pesa va. Toa saridioi e setapu ya nana Yerusalem, e sesiwa ya so siniotu Roma pasia. ¹⁸ E sembe urus ine kavo nei to manau pa, setoyo setonae isuvi, aso ivaro sasara vevediayarae sembe hukum yau, nana hukuman voru pai. ¹⁹ Vape ineri kaiwasa Yehudi pasia setoyo toa va, apayoma isaue ine kavo nei ave kievora nanapi Kaiser pai vea nana Roma. Inanari toyana pa, masi jisamuai kavo veve umaya pesa so jimbe karaka riwana ine kaiwasa pai pa va. ²⁰ Apayoma isau mia ve iruir tutir mia pa, ave amamo ikavo tutir mia. Aso isuae inana bui pai pama, aso yoma Siniotu Vekor Vesie, kaiwasa Israel pai sanetiara e dienota pai pana". ²¹ Apa senggavo sole setoyo; "Aya amasamuai surat pesi nana Yudeae, vitopana au varami. E masi esi ria na wana ma ve kior kavo pesae tera au va, pivai kievoro kavo vekariria pesae tera au. ²² Vape amasanemi vesie amatadiawa ariri buone aniau rua nana pai, aso ama vura, amatadiawa toapa, kaiwasa sisiayara nomu aniau rua nana pai pana.'' ²³ Apa yanama sia tutir Paulus e, senggutu ariri raria senduir nana pesi. Nana raria yani pa, sepau vesiri sendama so Paulus, nana uta níana pa. Apa Paulus kievo nana kausapa vavorupa, veltoro ravinena pa, e tiopana ariri so sia, nanapi Sien Allah, tutir nie Kerajaan pai. Kievavo nanapi ayat venana Musal nie buku pasi, tutir nabi pasia sene buku pasi. Paulus dioyo diona ve amamo sesanemitiar Jesus. ²⁴ Apa esia ma sesanemitiar kavo Paulus tiopana pasi, vape esia kota ma sesanemitiar va. ²⁵ Yanama semasiepar nanapi ruir pai, vape sene kavo pasi simanindiu vavera, nana Paulus kavo kievora so sia e dioyo; "Ka imasi tutira Wainunu Sren pai kavo kievora nana nabi Yesayai, maso metapumi pasia pai. ²⁶ Wainunu Sren pai kievore dioyo; "Rua ve tuopa so kaiwasa nei, toapa, nari metadiawa, vape sa menduin va. Nari metaduata, vape sa mesayo va. ²⁷ Aso kaiwasa nei, sesanemi raro pasi situp to manau, e sene taradiau pasi sipoja to manau, e sendemi pasi sitakumu to manau, toapa jana ve amamo, sendemi wasi sisajo vape moja, e sene taradiau wa siediawa vape moja, e sene sane paya wa siruin wape moja, ave amamo sesovera ea maso Ja vape moja, ave amamo jonae sepanaam vape moja. ²⁸ Manau pa Paulus kievore dioyo, "Maneta pa mia, menduin nanari mo, toapa, topanusara Slamat vera nanapi Sien Allah pai, rabua nine ma, tiopanusara maso kaiwasa vevesiei Yehudi va pasia to manau. Nari senggorusari!" ²⁹ Paulus kievo tonine to manau mana, Yehudi pasia sesobata siae, sembavure sembaririwi vavera Na matau sia. ³⁰ Taun muandu ma Paulus niana Roma, miesoi nana anio matauni viait pai. Vie tirima kaiwasa vera vetirai pasia, tutir sane vesie. ³¹ E tiopanusara so sia, nanapi Sien Allah, tutir nie Kerajaan pai, e nanapi Sien Jesus Kristus. Paulus nienaripi to masasop vea, e piesa so titituwi eava.