Pasal 26
Paulus kievo rera matauni, nana raja Agripai aropo pa pa
1
Avori raja Agripa kievo so Paulus e dioyo; "Yanama diadi so kuevo, ave kuevo rera mataun au pa". Apa Paulus siasana vara pasie klevo rera matauni toapa nine;
2
Aisinia baba panau, raja Agripal Saneraro ne vesasie vesiri, aso diadi ikavo rera matau yau, nanapi nomu aropo raja ne pa, aso kaiwasa Yehudi ne sia sene kavo setimbe karaka ya nesi,
3
Vindawai mo pa, aso au ma ruin ariri Yehudi pa sene buai tawawari pasi, tutir sene vava pasi to tindia pana. Apavo isau so aisinia raja panaue, sanevesie mamo, buediawa ariri ine kavo nesi, nanapi saneraro vemanasi.
4
Kaiwasa Yehudi nesia vura, senduin ine tenam nei, nana rabua ivavoru pa. Senduin toapa, rabua aya ivavoru pa, itenam tutir matau ine kaiwasa nei nana Yerusalem.
5
Senduin ya to woroi vesiri. E semayar reto nari setopa kota toapa, papo pa ma ya kota itenam ariri siniotu Parisi, e ira ariri amane agama pai, nie atoran vekarakuai mo pasi.
6
E josa nana nine ne isamuai urusan pa, aso isanemitiar arer Sien Allah pir ma so amatapumi pasia pai pana.
7
Arer jani, andi kaiwasa Israel pa sene usapui suraemuandua pasia, sesanemitiar i kota pa. Amamo Joma sesom Sie pai diru sasaar pa. E aisinia baba panau, aso joma isanemitiar arer jani pa, kaiwasa Yehudi ne sia, setoyo isasara pa.
8
Aso vitopi kaiwasa Yehudi ne sia, sesanemitiar Sien Allah va so, dionae vevoru pasi sitenam riwanea pa va pa?
9
Papo pa matau ya kota, isanemipai yoyo, yo sasera nana pi vura, ave amamo imu vedior Jesus nanapi aniose Nasaret pai.
10
Apajoma inanari toa to manau, nana Yerusalem pa. Tutir surat kuasa nanapi Imam Baba pasiae, ikovara kaiwasa vesanemitiar Sien Allah to karakuai pasia, nanapi bui pai, e ya kota sanevesie toapa ave sesamuai hukuman voru pai.
11
Pau vesiri imu tatir sia nana Anio Ari pasi, ave amamo seporasa sene sanetiar jani. E saneraro ne mas sia veja mamo, jusar sia ra so aniose esi pasi kota".
Paulus tiopanusara pi veve diadi soi nana Kota Damsik pai pa
12
Kavo nine kota, a onae ikor surat kuasa nana Imam baba pasiae jinda so Kota Damsik pa.
13
E ira ivetiai ria pa rabua pa, e raria rabua tojana. Apa, aisinia raja panau, isajo sasaar pesi nanapi rora wa, disanggapara rawai wor pai. Sasaar jani disambiar wawariri yau, tutir kaiwasa verausara ya pasia.
14
Apa amataw avav so kakopa wa. Avori jediawa raopui pesi, klevo so yau nana kavo Iberanie dioyo; "Saulus! Saulus! Aso vitopi mun tatira ya veivea pa? Buono ru karakuai veivea so viadidinae veve tuan so au pai mamo, nari buombeito mataun au puota".
15
Apa ikavore yoyo; "Avo tuanie, teini au? Amana Sien ruare dioyo, Yesus, siniotu mun tatira pai, andi Yau".
16
Suobataue buosal Iveruana Ya so au ne ma, ave amamo irusasana aue, vue amias so Ya pana. Ave amamo tuopanusara Yau so kaiwasa vevesiei pa sia, nanapi pi vitoni sueyori nana raria nini pa, e pi vitoni nari joisari ma so au, nanapi raria verama wasi ea pa.
17
Nari yonae tueisu vurusu kaiwasa Israel pasia, tutir kaiwasa Yehudi va pasia. Nari jemias aue rua so sia,
18
Ave sivu sendeni pasi, ave amamo sesuvi vurusu vekumuar paie, sesu nana vesasaar pal, ave amamo setaisu vurusu iblis pai nie paya paie, sendausara Sien Allah. Ave sesanemitiar Ya mamo, sesamuai ampon so sene tatar pasi, e sembe siri tutir kaiwasa Sien Allah diria pasia".
Paulus tiopanariri nie nanaripi pai pa.
19
"Apavo aisinia baba panau raja Agripa, tawana yosasera ve amamo, inanari ariri pi veveruana e isamuai nana Sien Allah to manau pal
20
Itopasasara maso kaiwasa, ave amamo semanau nanapi sene tatar pasi, e sesovera so Sien Allah, e semberuana nana sene tenam pasi toapa, sesovera vurusu sene tatar pasi to manau, Itopana kavo nine retena nana pa Kota Dansik, vepui ea pa nana Kota Yerusalem, e nana Yudea vetutirae, maso kaiwasa Yehudi va pasia kota.
21
Apajoma kaiwasa Yehudi nesia setapur ya nana Anio Allah paie, setoyo ave semun ya pa.
22
Vape Sien Allah andia tutir yau, veito raria ninio. Apa jane josa nana nine ve itopanariri pi isajorae iruina, maso kaiwasa vura-baba to katu. Pi itopana nine, ima nabi pasia tutir Musai, setopana nana papo to manau;
23
Toapa Raja vekor Vesie Sien Allah dierera pai, nari siemuai kariría pai, e andi vie siniotu retena vetenam riwanea nanapi voru pai, ave amamo andi tiopana sasaar pai-andina Slamat pai-maso kaiwasa Yehudi to kaiwasa Yehudi va pasia".
24
Paulus andia kievoro kavo dinggavo rera matauni pasi rami mana Gubernur Pestus dumina soi e dioyo; "Paulus, vue pisavi to manau. Nomu pande vepau vediasi sionauto vue pisavi vedia".
25
Amana Paulus kievo soie dioyo: "Aisinia baba panau, ive pisavi va, kavo ikavora nesi ma sive vata, e sisuvi nanapi ruwera vesasaar.
26
Aisinia raja Agripa, mataun ruin ariri kavo ninesi ve vatamo. Apa joma ive barani ikavo sivu kavo nesi maso raja au pa. Isanemitiar toapa, tuetar piesa nanapi pininesi va, ruinasi vura to manau, aso pininesi vura ma sivava nanapi uta vianiwa pesa va.
27
Aisinia baba panau, raja Agripal Apa buosanemitiar kavo nabi pa setopana pasie? Isanemipaya mana au kota sanetiarasil"
28
Avori raja Agripa kievo so Paulus e dioyo; "Apavo matau buoyo nari diadi so buono sawawara yaue ive siniatu Kristen nanapi diam sope katu nine veae?"
29
Amana Paulus dioyo; "Sawawara te woroi te, ive nadi so Sien Allah, ave amamo raja aue, tutir kaiwasa raria nini viadiawa ya ne mia vura, membawa ariri ya kota, mae mesamual wangga nesi pama moja.
30
Manau pa yanama raja pale, Gubernur pai tutir Bernikei, tutir esi pasia vura, sebata sia.
31
Sendari so vorira wa tomasi vori, senggavo vavera nana matau siae setoyo; "Siniotu nei ma nienaripi vevediayarae siemuai hukuman voru, pivai hukuman bui pesi va vesiri".
32
Avori Agripal klevo so Pestusi e dioyo, "Siniotu nei kierakuai veae dioyo, nie kavo nei kievora nana Kaiser wai pana, areto diadi suvi nana bui pai to manau".