Pasal 25
Paulus siau ve amamo siemual urusan nanapi Kaiser pai, nana uta Roma
1
Apavo Pestusi ria so wana raria toru, to manau pa, yanama riana Kaisarea so Yerusalem.
2
Apa Imam baba pasia tutir veve baba nana Yehudi pasia, setopanarini sene kavo setambe karaka Paulus pasi sol
3
Apa senggavo araria Pestusi vea, ave amamo Pestusi sanepai sia, diemiase senggor Paulus a so Yerusalem; aso setato kavo to manau, ave amamo semuni nana ria rabua wa.
4
Amana Pestusi kievo so siae dioyo; "Paulus ma niana bui to manau, nana Kota Kaisarea, e woroi va so isovera ea so wana pa
5
Apavo, vesie pa mene veve baba pasia, sendausara ya so Kaisarea, ave amamo setono parkara tutir i nana wana, masi menari sasara pesa ve vatamo mamo".
6
Pestusi niana Yerusalem raria rimetoru pivai sura toyana ea, avori yanama sioverai ea so Kaisarea pa. Kausapa pa ma diono ruir urusan, e vie prentae senggor Paulus a soi.
7
Yanama senggor Paulus a so ruir pai, apa kaiwasa Yehudi vera nana Yerusalem pasia, setosa wawariri, avori sembe karaki nanapi kavo vemarabat vesiri. Vape sesamuai kavo umaya vesasara pesa va.
8
Apa Paulus kievo rera mataunie dioyo; "Aya inanari sasara pesae rawain Sien Allah nie prenta Musai tiopana pasi va, pivai irawain Anio Allah pai va, pivai irawain Kaiser Roma pai va".
9
Amana Pestusi, dioyo diona ve amamo Yehudi pasia sesanemi vesieni pavo, dutan Pauluse dioyo; "Sane vesie rua so Yerusalem e suemuai urusan nana wanae jitadiawa ariri kavo setimbe karaka au pasie?"
10
Apa Paulus kievore diayo; "Kaiser Roma pai nie uta vekutu kavo paini josa nana ne. Apavo ine kavo nei kievora nana pa nine. Tuani matau ruin toapa, isasara so kaiwasa Yehudi nei va.
11
Apavo masi irawai atoran paie, inanari pi vevediayarae isamual hukuman voru pai mamo, ivoru mana, vape sene kavo setimbe karaka ya nesi, sitindi va mamo, sa esi pia siwi
12
Ya so sia va. Apavo isaue ine kavo nei kievora nanapi Kaiser pai vea".
Raja Agripa tutir raruo vavi Bernike sunda so Gubernur Pestus pa
13
Pestusi tutir nie veve baba pasia, setato ariri kavo to masi pa, yanama kievo so Pauluse dioyo: "Suaue buoyo nomu kavo nel kievora nanapi Kaiser pai pavo, nari rua so Kaiser pai".
14
Kara raria pa esandu, avori Raja Agripa tutir raruo vavi pai Bernike, sunda so Kota Kaisarea, ave sundu vara kat tutir Gubernur Pestus.
15
Sunana Kaisarea raria pa esandu, avori Pestusi tiopanusara Paulus nie kavo pai so Raja Agripa. Pestusi dioyo; "Nana rabua Peliks pa, siniotu vesamuai bui pesi, andia niana bui pal veito nine.
16
Inana Yerusalem pa, Imam baba pasia, tutir veve baba nana Yehudi pasia, sembe karak siniotu nini, e sesau so yau, ave amamo ipir hukuman soi.
17
Amana ikavo so sia toapa, siniotu Roma pasi ma, sa sive hukum siniotu sembe karaka pasia sararidiol va, ave siniotu veve karak paie, siniotu vie karaka waie, sunduir sandue sunggavore viadiawa ariri sune kavo wasi ri. E siniotu sembe karaka wal kievo rera mataun i papo ri.
18
Apavo raria sendama pai ma, jenotae woroi ea va, sendama e kausapa pa ma, jono ruir urusan pale, jemiase senggor siniotu pai maso ruir pai.
19
Yanama siniotu veve karaki pasia, sesobata siae sembe karaki. Apavo yosa nari sembe karaki nana kavo vesasara rawal mo pesa.
20
Armana piva, i ma senggavo vavera tutir i nanapi matau setone agama pai vea. E senggavo nanapi siniotu vesanomi nana Jesus pai. Siniotu nini ma vioru to manau, vape Paulus kierakuai veae dioyo siniotu nini tienam.
21
Apavo itatar, e jisamuai kavo vetindia pesa so kavo pai va. Apa jutan Paulus, so sane vesie ria so Yerusalem e sembe urus nie kavo nei nana wana pe.
22
Amana Paulus siau, ave nie kavo nei kievora riwanea nanapi urusan vetariai rawai ea. Apajoma Jemiase setonae miesoi nana bui pal, sasera raria toni nari jenatui so Kaiser wai pa".
23
Apa Raja Agripa kievo so Gubernur Pestusie dioyo; "Ya kota, isanemivesie jediawa siniotu jani mataunil" Apa Pestusi dioyo; "Kausapa vori buediawa".
24
Kausapa pa ma raja Agripa tutir raruo vavi Bernikei, sundama tutir sune marandi raja pasi, yanama sesua nana andiraro ruir baba vekavor kavo pai, tutir veve baba nana tentara pasiae, tutir siniatu veve baba na Kota pasla, Yanama Gubernur Pestus diemiase senggor Paulus so ruir pai.
25
Avori Gubernur. Pestus kievore dioyo, "Aisinia baba pa raja Agripa, tutir kaiwasa veruir ma ne mia vura. Siniotu nini ma, kaiwasa Yehudi nesia vura, venana Yerusalem to venana nine sia, sembe karaki ma so yau, setumine setoyo, siniotu nini ma tienam ea vape moja.
26
Vape isamual sasara pesa nana i so, vediayarae siemuai hukuman voru pa va. E aso matauni siau to manau, ave amamo nie kavo nei kievora nanapi Kaiser wai, apavo ikutu to manau so jenatuiaso Kaiser wal pa.
27
Vape aya isamuai kavo vetindia pesa so ivui na surat e, jitopana ariri so Kaiser wai pa varami. Apajoma ikori ma diosa nana mendaromipo nesi pa, rawai ma so aisinia baba raja Agripa. Isanemipai toapa, nanapi urusan nini mamo, diadi isamuai kavo vetindia pesa so ivui pa.