Pasal 24
Siniotu Yehudi pasia sembe karaka Paulus so Gubernur Peliks pa
1
Raria rim to manau, avori Imam Baba mo pai Ananias, tutir veve baba nana Yehudi pasiae senda so Kaisarea, tutir siniotu vetopanariri kavo nanapi urusan pesi, sanopa Tertulus. Senda so Gubernur Peliks, e setopanariri kavo setimbe karaka Paulus pasi.
2
Avori sesau Tertulus apo diosa na dopo wa e vie karak Paulus toapa nine; "Tuan baba Gubernur panaul Nanapi nomu pareta pai pa, amane uta nei mienasi pa. E aso vue ator to vesie pa, pi viate pa pau vesiri sinanari maso amane kaiwasa nei pa.
3
Ninesi vura ma tawana e nana topina vea, armambe trima tutir saneraro veve trima kasih to baba nanari vesiri.
4
Vape amamo tuani buenota e woroi vape mojae, isau so aue, ka buediawa amane kavo sope katu amatimbe karaka ne.
5
Amanduin toapa siniotu nei ma, nienari pi viono manasi pesa va vesiri. Na topina veao, dionae kaiwasa Yehudi pasi simanasi va, e andi vie baba so kaiwasa Nasaret pasia nana ruir vekariria, verawal pareta pai.
6
Andi dio diono rariai so Anio Allah pai pa, vape amatapuri, amatoyo ave amarno, amambe urus i ariri matau amane atoran agama pai
7
Amana Komandan baba pai Lisius, ria diewari vurusu ama,
8
e diemiasa kaiwasa veve karaki pasiae sendama so tuani au). Masi tuani buo suesera ariri so nie vava nesi mamo, nari tuani matau buediawa nie kavo pasi sitindi ariri kavo amatimbe karaki nesi".
9
Kaiwasa Yehudi venana yasia kota, sembe karaka Pauluse setinduara toapa, Tertulus nie kavo kievora pasi vura sitindia.
Paulus kievo rera matauni nanapi Gubernur Peliks pa
10
Yanama Gubernur pai diemias Paulus toapa, Paulus diadi so kievo, apa Paulus kievore dioyo; "Iruin toapa, tuani au vue baba veve urus kavo nana uta ne, woroi pa taun toi to manau. Apa yoma sane vesie vesiri so ikor kavo jinggavo rera matau ya ne, maso tuani au pa.
11
Nai tuani matau ruin araria to manau, toapa kara raria suraemuandu to manau pa nine, amamo ira ive nadi nana Yerusalem pa,
12
E, aya kaiwasa Yehudi vedia sia sesamuai jono variriwi tutir siniotu pesi pa va, pivai iruir siniotu so ruir vekariria va, nana Anio Alla pail to nana anio ari esi pasi kota, pivai nana topina vea nana Kota nel raro ne.
13
Sia kota sesamual kavo veve urnaja pesa va, nana kavo setimbe karak ya so tuani au nesi kota.
14
Mae itopa sasara so tuani au, toapa, ya ma isom armatapumi pa sene Sie pal, ariri Jesus nie aniau, setoyo vesasara pai. Vapa yane isanemitiar kavo vevui nanapi Musai tutir nabi pasia vura, sene buku pasi.
15
Ya kota ipir sanetiar so Sien Alla ariri sia kota, toapa, kaiwasa vura, vioru to manau mamo nari siobataie tienam riwanea-kalwasa viate to, kalwasa vekariria.
16
Apa joma tawana inanari to vesie mo, ave amamo sane raro ne varo rarial maso Sien Allah, e varc rariai maso siniotu pasi.
17
Isuvi na Yerusalem taun toi ato, apa yanama isovera ea ma ve, jono pipi so ine kaiwasa, e jono pi som so Sien Allah.
18
Nana rabua inanari pininesi pa mamo, yoma sesamuai ya nana Anio Allah pai pa, nana ive sren rurana ine tarai nei to manau pa, vape kaiwasa vepau pesia tutir ya va, e nana rabua yana kota, sawau pesa va.
19
Mae Yehudi pa katuesia, senda nana uta Asia-katu ma, sia sendama reto, ave sia sesamual kavo veve umaja pesa so setimbe karak ya pa mamo, setopana so tuani au pa.
20
Mae pivaio, siniotu viosa nine sia, setopanariri sasara vitosi setosamuaiasi nana ya pa. Nana rabua Yehudi pa sene ruir baba pai vie urus ya pa.
21
Nari mesamuai kavo siri ikavora nana ruir wai pa mesari, ikavo toapa; "Isamual urusan nana raria nini pa, aso joma isanemitiar toapa, siniotu vevoru pasi nari sitenam riwanea pa.'"
22
Avori Peliks, i ma ruin ariri Jesus nie kavo aniau pasi to manau ato pavo, andi siori kuaruvi pai, e dinggavorae dioyo; "Komandan baba pa Lisias, riama to manau mamo nari ya ikutu ariri kavo nei".
23
Yanama Peliks kievo so tentara pa sene veve baba vesayorora Paulus pal, ave amamo setarama vedior Paulus mamo, tutir arama vekarakuai vape moja. Ave vitopi dio siau nana nie maneta pasia mamo, senggor maso i pe.
Gubernur Peliks tutir vinie Drusilai suramiase senggor Paulus a so sandu pa.
24
Kara raria pa esasi, avori Peliks tutir vinle vesanomi na Drusila pai, sundama. I ma vavi Yehudi nina. Yanama Peliks diemiase senggor Paulus so sandu, ave diediawa usara Paulus so kievo nanapi sanetiar Kristus Jesus pa
25
Vape Ineri Paulus kievo na tenam nanapi vetindia pai pae manau soresisu vekariria pat pae, hukuman nana raria dopui pae, apa Peliks dimatalae dioyo "Manau nana yanae, rua to raria viate pesi ea avori yanama yemiase sesau au".
26
Arorae Peliks sanetiar toapa nari siemuai pipi nanapi Paulus pavo, apa joma diemiase nendiwanae senggor Paulus a sole kievavo tutir i ora pa.
27
Yanama taun muandu to manau pa, Perkius Pestus, vie Gubernur riwana Peliks. E Peliks dioyo ave amamo kaiwasa Yehudi pasia sesanemi vesieni pavo, dionae Paulus niana bul pai vea.