Pasal 18
1
Paulus suvi nanapi Kota Atena pa, ria so Kota Korintus.
2
Apa siemuai siniotu Yehudi pesi nana yana, sano pa Akuila, vieva na aniose Pontus. Akuila tutir vinie pai sano pa Priskila, erine vori sunda nana uta Italia maso Kota Korintus, aso Kaisar Kladius veve baba nana negara Roma pai, diemias kaiwasa Yehudi pasia vura, ave sesuvi vurusu Kota Roma pa. Apavo Paulus ria so sandu,
3
E miesoi tutir sandu nana janae senanaripi vura, aso sene nanaripi siri vura, nanapi setawar tenda pasi ve anio pa.
4
Vape nana raria ari Yehudi pasi mamo, Paulus ria so anio ari Yehudi pasie, dieniau kaiwasa Yehudi tutir kaiwasa Yunani pasia, ave amamo sesanemitiar Sien Jesus.
5
Janama ineri Silas tutir Timotius, sunda na uta Makedonia ma pa, raria pasi vura ma, Paulus tiopanusara Sien Allah nie kavo pai maso kaiwasa Yehudi pasia, toapa, Jesus ma Raja vekor Vesie, Sien Allah dierera paina.
6
Vape kaiwasa pai kievo irarae, dinggavo sisiayara Paulus veivea. Apa Paulus sio tetapa wavu venana nie sasu pasi, ave veruana so sia, nanapi sene sasara jani. E dinggavora e dioyo; "Metera kariria pesa mamo, ima matau mene sasara paina. Ja ma iruin va. Rabua nine ma nari ira soapa kaiwasa Yehudi va wa sia. Apa janama Paulus ria vurusu sia, nana anio ari pal, e ria miesoi nana anio viosa siwara anio ari.''
7
pai. Siniotu vene anio pai sano pa, Titus Yustus, i ma siniotu Yehudi va nina, vape siom Sien Allah.
8
Mae Krispus, siniotu veve baba nana anio ari pai, tutir nie anio raro pa vura ma, sesanemitiar Sien Jesus. E kaiwasa Korintus esi pasia kota, sepau setadiawa kavo Paulus tiopana pai pa, sesanemitiar Jesus, apa Paulus sioiv sia nanapi kambu Sren pai
9
Diru pesi nina pa, Sien kievo so Paulus nanapi anamija pesie dioyo; "Muetai val Kuevo veivea, pueja vape moja.
10
Aso nari itutir au. Siniotu pesi sa diono kariria pesa so au va. Aso ine kalwasa pa sepau, asiaya senana Kota nini".
11
Apa joma Paulus niana Korintus taun sirie tamua, e tiopanusara Sien Allah nie Kavo pai maso sia pa.
Paulus Dihadapkan kepada Galio
12
Nana rabua Galio vie Gubernur nana uta Akhaya pa, kaiwasa Yehudi pasia, senduir sia e sembaririwi tutir Paulus, e senggoria so ruir baba vekutu kavo pai.
13
Sembe karak i e setoyo; "Siniotu nini, dieniau kaiwasa, ave amamo, sesom Sien Allah nanapi ria viambesiei, vurusu Sien Allah nie prenta Musai diono so ama pasi".
14
Erine vori Paulus dio siasana sore pae kievo pa, amana Gubernur Galio dinggavorae dioyo; "Kaiwasa Yehudi ne mia, mene kavo metimbe karakane, masi sasara verawal, pivai kavo vekariria, areto nari jediawa usara mene kavo nesi.
15
Vape nine ma variriwi nana kavoe wasae, nanapi matau metone buai, apavo matau mia mengga ariria. Ya ma ikambarai ikavo usara kavo vetoninesi".
16
Apa Gubernur Galio dietavar siae sesuvi vurusua.
17
Apa setitapu tawana Sostenes, siniotu veve baba nana anio ari pai, e sendorai nanapi meja ruir baba vekutu kavo pai aropo pa. Vape Gubernur Galio dimbe paduri tutir kavo yana va.
Paulus sioveral so Kota Antiokia pa
18
Manau na jana pa, Paulus miesoi to worol katu nana Kota Korintus. Avori janama siau so kaiwasa Kristen venana pasia, e suvi tutir Priskilai Aukilai sandu, e setapai nana kapal paiaso uta Siria. E nanapi aniose Kengkrea pa Paulus kias ru pai. Ava vir ru pai pavo dieroi veja. Dleriori ru pai e vir i pa aso pir arer maso Sie pai pana.
19
Janama senda so Kota Epesus pa, Priskilai tutir Akuilai sunana jana, e Paulus ma ria so anio ari Yehudi pai, e kievo tutir Yehudi venana pasia.
20
Apavo setoisuara Paulus, ave amamo miesoi tutir sia nana wanari, vape Paulus kiembarai.
21
Toa saridiole, raria dio suvi pai pa, kievore dioyo; "Sien Allah sanevesie toa mamo, nari isovera ea maso mia na nine!" Kievo tonine to manau pa, janama suvi nanapi Kota Epesus.
22
Janama ria so Kota Kaisarea to manau pa, ria so Kota Yerusalem, e tira Jemaat venana wasia, e siau so sia to manau pa, janama dinda so Antiokia.
23
Niana Antiokia raria pa esandu to manau pa, janama ria ea so uta Galilea tutir Prigia, e diedidina kaiwasa Kristen venana wasia, ave amamo sene sanetiar pasi sipaya.
Apolos niana Kota Epesus tutir Kota Korintus pa
24
Raria pesi na Epesus pa, siniotu rawave Alexandria pesi, sano pa Apolos, I ma siniotu veve pande vekavo nina, e dimbe pande vesiri nana surat repo pai umaja pasi.
25
E ruin ariri aniau nanapi Jesus nie topanusara pai to manau. Apavo Apolos dieniau to marui vesiri e kievo nanapi Jesus to vesie vesiri. Arora e erine vori ruina Yohanes nie kambu Sren visoiva pai vea rami pa. Apolos kievo to marui vesiri nana anio ari pai, apa Priskila tutir Aukilai, suradiawa nie kavo aniau
26
pasi pa, sunggoriaso aniao wa, avori sutopanariri soi to vesie rawai ea, nanapi Sien Allah nie ria viono vesie maso siniotu pasi nanapi Jesus pai.
27
Manau na jana pa, Apolos dio ria so aniose Akhaya, apa kaiwasa Kristen venana Kota Epesus pasia, setanatu surat pesi aso kaiwasa Kristen venana Akhaya pasia, ave amamo sembe trima Apolos tutir sane vesie. Apolos ríama so aniose Akhaya pa, veruana toapa, nie sanepaya pai bieba vesiri maso kaiwasa Sien Allah sanepayae, vesanemitiar Jesus to manau pasia.
28
Aso Apolos kievo to marui vesirie, vur kaiwasa Yehudi vekavo vavera tutir i, nana kaiwasa re vepau pasia. E tiopa veruana nanapi surat repo pai toapa, Jesus, I ma Raja Vekor Vesie, Sien Allah dierera paina