Pasal 17
Paulus tutir Silas, sunda so Kota Tesalonika pa
1
Paulus tutir Silas sunda na ria vera nana aniose Amfipolis tutir Apolonia pai e surinda so Kota Tesalonika. Amana anio ari Yehudi pesi niana jana.
2
Apavo Paulus ria sua nana anio ari pai, ariri ria so uta pesae, riasamuai anio ari Yehudi pesi niana uta jana mamo, sua nana. Avori kievavo tutir siniotu venana pasia. Nanapi ayat venana surat repo pasi. Nienari toapa jana nanapi raria ari pa toru.
3
Kievavo nanapi ayat venana surat repo pasie, tiopana aririasi dimberuana toapa, Raja vevediayara Slamat Sien Allah dierera pai, nari slemual kariria pal, e nari tienam riwanea nanapi voru pai, Paulus kievore dioyo; "Jesus itopana maso mia nini, I ma Raja vekor Slamat veve arer paina".
4
Kaiwasa viadiawa pa esia sesanemitiare setinda usara Paulus Silas sune aniau pai. E kalwasa Yunani vesanemitiar Sien Allah to manau pa esia, e vavi veve babae veve sano pa esia kota.
5
Amana Yehudi venana yasia senggasiou. Apa sendae senduira kalwasa verae viosa sararidioi nana riandaro pasia, ave amamo setono variriwi naria aniose raro pa. Apa setapai bur Yason nie anio pale sesasera Paulus Silas sandu, ave amamo senggor sanduaso kaiwasa pai.
6
Amana sesamuai Paulus Silas sandu va pa, setipapara Yason tutir kalwasa Kristen pa eslae, senggor sia so veve baba nana aniose raro pasia. Setumine setoyo; "Siniotu nine sia ma, setonae manasi na uta pesa va. Avori senda ea ma so tane utane,
7
E Yason kior sia so nie anio wal. Sia vurae sendawaina Kaiser venana Roma pai nie prenta pasi, aso senggavore setoyo, Raja vevesiei pa esi nina, sano pa Jesus".
8
Senggavo tonine pa, kaiwasa venana Kota pai vura, tutir veve baba pasiae, setingguja.
9
Apa veve baba pasia, setonae Yasoni tutir kaiwasa veve Kristen pa esia, e sembalt voria. Apa janama setavin sia.
Paulus Silas sunda so Kota Berea pa
10
Apa nana diru yani kotae, kalwasa Kristen venana Kota Tesalonika pasia, setamiasa Paulus tutir Silas, ave amamo sunda so Kota vesanomi na Berea. Nanapi Berea pa, susua nana naio ari Yehudi pai.
11
Kaiwasa Yehudi venana Berea pasia ma, sene kavo pasi siete rawai nanapi kaiwasa Yehudi venana Tesalonika pasia. Apavo setadiawa topanusara nanapi Jesus pai, tutir sane vesasie vesiri, e raria vura ma, setap buku repo pai, ave amamo senduina ariri Paulus so nie pi aniau pasi, sitindiya te pivai.
12
Apa sia esia, sepau sesanemitiar Jesus, e kaiwasa Yunani veve baba nana anioseraro pasia, mua to vavie sesanemitiar.
13
Kaiwasa Yehudi venana Tesalonika pasia setadiawa Paulus tiopana kavo Sie pal kota nana Berea pa, sendama so Berea, e setuva kalwasa pai, ave amamo setono variriwi na wana.
14
Apa sawawarae Kristen venana Berea pasia, senggor Paulus e sesové tutir i arau so sasi wa, man Silas tutir Timotius, sandu sunana Berea Silas
15
Senggor Paulus ra so aniose Atena pa janama sesovera so Berea, e senggor Paulus nie arer pa, so Timotius sandu, ave amamo sairae sundausar I.
Paulus niana Kota Atena pa
16
Nana rabua Paulus dienota Silas Timotius sandu nana Kota Atena pa, saneraro pa kariria vesiri, aso sieyo mana kanuar senanarie sesom pasi sipau veja, nanapi Kota Atena.
17
Apa nanapi anio ari Yehudi venana Atena pai, Paulus kievavo tutir Yehudi pasia, tutir siniotu veveslei vesanemitiar Sien Allah to manau pa esia, nanapi uta yana. Raria esi pasi ma kievavo tutir teina vea nanapi pasar wasi.
18
Apavo guru-guru vianiawa Epikorus tutir Stoa sune aniau pa esia, esi pasia senggavoe setoya; "Siniotu nei ma ruin piesasi mo va, e sore nei bieba veal Esi pasia senggavo towana pa ma, aso Paulus kievo nanapi Jesus, e dinggavo nanapi tenam riwanea nana voru pai pa.
19
Apa senggor Paulus aso ruir pai, nana suovavo vesanomi na Areopagus pai. Avori senggavo sole setoyo; "Amato amanduin ariri aniau vavoru tuopana pal.
20
Aso amatadiawa mana kavo kuevora so ama nesi, sivesiei vesiri. Apavu ite tuopan ariri sine taral pasi so ama.
21
Aso kaiwasa Atena pasia vura, veito vera ve wasa pasia, sia ma sesanemi vesie semasol to woririoisie senggavavo nanapi pi vavoru veve diadi ora.
22
Paulus siobataie kievo so kalwasa veruir nana Ariopagus pal pa, kievo so slae dioyo; "Kalwasa venana Kota Atena ne mia, isayo nana pi vura ma, mendutawana kavo aniau agama to karakuai vesiri.
23
Aso ira warira mene Kota nel pa, isayo ariri mene uta membe nadi nana nesi pa, isayo samual uta metinunu som nana pesi kota; sembui nana janae setoyo; "Maso Sien amanduin va pai". Joma Sien Allah mesom, e menduin va nini, andi itopani maso mia nine.
24
Sie venanari uta nei, tutir pi venana pasi vura pai. I ma Sie vene rorae kakopa paina. I ma miesoi nana anio siniotu sinanarie sisom karuar va.
25
I kota ma, dioyo ave siniotu siremiwari nanapi piesa va. Aso andi diono tenam pale, sarap wana sasie paie, tutir pi vura maso siniotu pasi.
26
Dionae siniotu pa siri veae, viediayarae kaiwasa borai, e diemiase semasoi pat dunia nei vetutira. Andi kutu ariri nana retena pa, raria tonina, e uta topina, a nari setenam nana pa.
27
Sien Allah nienari toapa jana pa, ave amamo sesaseral pe. Vape, sesaseral mamo, nari sesamuai. Aso ariri mo mamo Sien Allah ma vie kasau tata esi va.
28
Ariri kavo senggavorae setoyo; "Aso joma nie paya paini viediayarae, tatename, tamanaware, tanana dunia nei pa. Imasi ariri mene siniotu vevui kavo sosiau pa senggavo pa, e setoyo; "Tata vura ma, atu ni tata".
29
Janama ineri Sien Allah atu ni tata pavo, sa tatono Sien Allah ariri karuar siniotu sinanari na sine pande val Nanapi karuar barawae, karuar sarak taraie, karuar rovuki.
30
Tane nganggau rabua yani, Sien Allah karutareri to manau. Vape nine ma, diemiase kaiwasa vura nana dunia nei vetutira, ave amamo semanau nana sene tatar pasi, e senanari pi Sien Allah sanevesiena.
31
Aso Sien Allah kutu raria pesi to manau, ave amamo pir ariri hukum vetindi-tindimo, maso dunia nei vetutira pa, Sien Allah diri siniotu pesi to manau, ave amamo andi nienari pinine. E ave amamo kaiwasa sanetiar kavo nine pa, joma Sien Allah dionae siniotu jani e tienam riwanea, nanapi voru pai pa!"
32
Kaiwasa pai diediawa Rasul Paulus kievo nana tenam riwanea nanapi voru pal pa, esi pasia semari Paulus. Vape esi pasia kota senggavore setoyo, "Amasanemi vesie amatadiawa kuevo nana kavo erine pa riwanea".
33
Amana Paulus biatale vievu vurusu ruir pai
34
Vape esi pasia sene nana rawa Paulus, e sesanemitiar Jesus, Vesanemitiar pasia, Dionisius, I ma veve baba nana ruir Ariopagus pa esi nina, tutir vavi pesi sano pa Damaris, tutir esia ea.