Pasal 16
Timotius riausara Paulus tutir Silas pa
1
Paulus tutir Silas, retena pa sunda so aniose Derbe, Janama sunda so anione Listra. Apa sundasamual siniotu vesanermitiar Jesus to manau pa esi nina, sano pa Timotius. Sinlani ma vavi Yehudi veve Kristen nina, vape tamani ma sinintu Yunani nina.
2
Kaiwasa Kristen venana aniose Listra tutir lkonium pasta, senduin toapa Timotius ma sinintu viate nina.
3
Apa Paulus siawi, ave riausara sandu nana sune rara pat, apa vie sunat Timotius. Paulus menan tojana pa, aso kaiwasa Yehudi venana uta yasia, senduina vura toapa, Timotius tamani ma sinintu Yunani nina paria.Apavo miayara atu paie vie sunat varami.
4
Nanapi Kota senda soa pasi, setopanariri Rasul pasia tutir Penatua verana Yerusalem passa, sene kavo senggavorae senggutu pasi maso karwasa Kristen pasia. E setono kavo sanepaya so kaiwasa veve Kristen to manau pasia, ave amamo senda ariri atoran pani.
5
Apa jemaat pasia sene sanetiar pasi sipaya, e raria pasi vura, sembe tamba sepau.
Paulus nie anamija pai
6
Wainunu Sren pai divisuara Paulus tutir Barnabas sandu, ave amamo sutopan Kavo Sie pai nana uta Asia vape moja. Apa surinda kara so uta Frigia tutir Galatia
7
Sunda suderiasi uta Misia, apa suro susua nana uta Bitinia, amana Wainunu Sren pai dioisuara sandu, ave amamo susua na wana vape moja.
8
Apa sunda kara uta Misia, e sunda so Kota Troas.
9
Nana Troas pa, dirupa ma Paulus dienamija. Nana anamija pal pa, Paulus sieyo sinlotu Makedonia pesi, diosa siwarie dioyo; "Ruama so Makedonia e vue tolong amal"
10
Paulus dienarmija tonine pa sawawarae amasasera ria, ave amamo amanda so Makedonia, aso nanapi anamija nei, amasanemitiar toapa, Sien Allah diemlas amave amamo amatopana Kavo Sie pai maso siniotu venana wasia.
Lidia sanetiar Sien Allah pa
11
Amasuvi nana Troas pa, amatapai nana Kapal pai avaru so aniose Semotrake nana nu pesi nina, e kausapa pa amasirieu nana uta Neapolis.
12
Nana Jana pa amanda so Pilipi, Kota retena visua so uta Makedonia paina. Kota Pilipi ma, sua nana kerajaan Roma pai, apa amanana wana raria pa esandu.
13
Nana raria ari pesi pa, amanda so maria venasiwara Kota pesi, e amamasoi nana maria dere pa. Aso uta janama, Yehudi pasia sembe nadi ora nana pana. Apa semasol nana janae amanggavavo tutir vavi veruir to manau pasia.
14
Vavi pa sia esi nina, I ma viova sis veve sianggono, sano pa Lidia, e vieva nana aniose Tiatira, i ma sanetiar Sie pai, apavo Sie pai sieva sane raro pa, ave tiepur Paulus nie kavo aniau tiopana soli pasi.
15
Apa Lidia tutir nie anioraro pa vura, sesoiv Kambu Sren pai. Sesamuai kambu Sren pal to manau pa, siau ama. Dioyo; "Aisinia pa mia, masi metator ya ve siniotu vesanemitiar Sien Jesus to manau mamo, isaue mendama tamasoi nana ine anio wai". Siau veivea pa amatinda ariri nie sau pa.
Paulus tutir Silas susamual hukuman bui pai nana Kota Pilip pa
16
Raria pesi nina pa, amanda ea so uta veve nadi ora nanawa, nana maria dere pa. Apa amanda samual vavi pesi, siemuai wainunu vekariria. I ma tiopa veruana pi nari veve diadi nana raña vepul Apavo nie pasia, sesamuai vait to baba vesiri.
17
Vavi nei dielsiusar Paulus tutir ama, e dumi e dioyo, "Siniatu nine sia ma, Sien Allah venana uta vetarial mo pai, nie womi pasiana. Sendama setopanariri ria so mia, ave amamo mesamual slamat pal.
18
Apa tawana, vavi nei riae dumin usara sia tojana vea. Apavo Paulus diediawa to kiembaral, upa diaraie kieve so wainunu vekariria paie dioyo: "Nanapi Jesus Kristus sano pae, jemus aue suvi vurusu vavi nei". Kievo tonine pa, wainunu vekariria pai suvi vurusu vavi pal.
19
Vavi nei nie pasia, sesayo mana pi nari vevediayarae sesamuai pipi nana pai nia pa, setapur Paulus Silas sandue sepapara sandu bura veve baba nana aniose raro pasia.
20
Senggor Paulus Silas sandu so veve baba nana pemerintah Roma pasiae setoyo, Siniotu nine sla ma Yehudi siana. Senda setona kavo vepau nana tane uta nes
21
Setaniau kaiwasa, ave amamo senda ariri sene adat viombesiei, siniotu Roma ne tata ma, sa tandausara va pasi. Vape tata ma sa tanda ariri sene buai jasi va.
22
Apa kaiwasa venana jasia setau so Paulus Silas sandu. E veve baba nana pareta pasia seporabana sune sasu pasi, avori setamiase sendora sandu.
23
Sendora sandu veito sumbe kapapor, avori senggovara sandu apui so bul pai. Setamiasa veve baba nana bui pai, ave amamo dionae setarama sandu to karakual vesiri.
24
Apa dionae senggovara sandu apui so bul pai andiraro venana dopuimo pai, avori senggasie sundaemi pasi nana wangga pasi, tapura balak pasi.
25
Dirurabua pa, Paulus tutir Silas sumbe nadie sundoi sanandika Sien Allah. Apavo kaiwasa venana bui pasia, setadiawa sundoi pa.
26
Worabuavamana, mundiya pimasa pesi piot, apa anio bui pal sior veito rature pasi sitasasievae, wangga pasi sitaitu vurusu kaiwasa venana bui pasia sembarami pasi kota. Apa veve baba nana bui pai, tiendor veito siobatai. Sieyo mana rature pasi sitasieva pa, Piati nioi paie dio mun riwan i, aso dioyo kaiwasa venana bui pasia, nari sembavu to manau,
27
piati nioi paie dio mun riwan i, aso dioyo kaiwasa venana bui pasia, nari sembavu to manau,
28
Amana Paulus, siau asoie dioyo; "Mun riwana au vape moja. Ava amane vura
29
Veve baba nana bui pai siau obor paie diepaiaso bui pai, apa mietai veito ririojare, tiawa avav disanaebu so Paulus Silas sandu.
30
Janama kior sandue susuvi vurusu bui pai, avori kievo so sandue dioyo, "Tuani, avo ka inanari toane, ave amamo isamuai slamat pai?"
31
Amana Paulus Silas suroyo: "Sanetiar Jesus, apino suemuai slamat pai pe, au tutir nomu anioraro pa vura".
32
Apa janama Paulus tutir Silas, sutopanariri Sien nie Kavo pai, maso veve baba nana bui pai, tutir kalwasa venana nie anio raro pa vura,
33
Janama riois rurana sune kapor pasi to manau pa, suronae siemuai kambu Sren pai tutir nie kaiwasa venana anio raro pal vura.
34
Manau pa kior sanduaso nie anio pale, dionae surapi. Siniotu veve baba nana bui pai, tutir nie kaiwasa venana anio raro pasia vura, sesanemi vesasie vesiri, aso sesanemitiar Sien Allah to manau pa.
35
Sasaar pa kausapa vavoru pa, veve baba nana pemerintah Roma pasia, setamiasa Polisi pasiae senda so bui pal, ave amamo setamiase Paulus tutir Silas, susuvi nana bui pai.
36
Siniotu veve baba nana bui pai, tiopa so Paulus e dioyo; "Tuani, veve baba nana pemerintah pasia setamiase setoyo janama musuvi, apavo janama mumbavu.
37
Amana Paulus kievo so Polisi pasiae dioyo; "Ama ma siniotu Roma ni ama. Avori aya membe urus ama varamie, mendora ama nana kaiwasa re vepaue menggovara ama nana bui pai to manau. Avori janama setoyo setamiasa amae amabavu manana vea pa. Sa toa va, metamiasa veve baba nana pemerintah pasiae matau sendama so nine, avori setona e amasuvi".
38
Apa Poësi pasia senda setopana ariri so veve baba nana pemerintah Roma pasia. Veve baba pasla setadiawa toapa, Paulus Silas sandu ma siniotu Roma ni sandu, apa sematal
39
Apa janama senda sesau ampon nanapi Paulus Silas sandue, senggor sandu vurusu bui pai ari so vorira wa. Avori sesau tutir veslo so sandue, setamiase sumbavu vurusu Kota pai.
40
Paulus Silas susuvi rana bui pai pa, sunda sa Lidiai nie anio pai. Apa susamuai sinioti vesanemitiur to manau pa esia na wana. Apavo surono kavo sanepaya so sia to manau pa, janama Paulus Silas susuvie sunda.