Pasal 15

Ruir venana Yerusalem pal

1 Paulus tutir Barnabas sanduya sunana Antiokia pa, siniotu pesia senda nana Yudea maso Antiokiae, setaniau kaiwasa Kristen venana pasia, ave amamo sembe sunat, arin Sien Allah nie prenta Musal tiopana pasi. Aso piva mamo, sa sesamual tenam viaworoi pai va. 2 Amana Paulus tutir Barnabas sunggavo irara sene kavo nine to karakuai vesiri. Apa senggutue Paulus tutir Barnabas, tutir atuma Jemaat pa esla senda so Yerusalem, ave amamo senggavor kavo nine tutir Rasul pasia, tutir penatua venana wasia. 3 Apa jemaat venana Antiokia pasia, senda tutir sia ra so Kota pai rawa vorira wa. Apa sunda kota maso uta Penisia tutir Samaria, e sutopanusara nanapi siniotu vevesiei Yehudi va pasia kota, aso sesanemitiar Sie pal to manau pa. Apa kaiwasa Kristen venana uta Penisia tutir Samaria pasia, setadiawa pa, sesanemi vesasie vesiri. 4 Janama senda so Yerusalem, apa jemaat pai tutir Rasul pasiae, Penatua pasiae, sembe trima sia tutir vesie. Avori Rasul pa sutopanusara Sien Allah tutir sandu nana sunda nanaripi pai pa. 5 Amana siniotu verutawana Parisi pa sene aniau, avori vimbe Kristen pa esia, sebata siae senggavore setoyo; "Siniotu Yehudi va veve Kristen pasia, sembe sunat kota, e senda ariri Sien Allah nie prenta Musai tiopana pasi". 6 Apa Rasul pasia tutir Penatua pasia, senduire senggavo ariria. 7 Apa senggavo to woroi vesiri. Avori Petrusi siobataie kievore dioyo; "Maneta pa mia, menduina to manau, nana retena Sien Allah diri ya pa, ave amamo itopana Sien nie Kavo Vesie pai maso kaiwasa vevesiei Yehudi va pasia, ave amamo sia kota setadiawae sesanemitiar. 8 E Sien Allah vesajo riruina siniotu saneraro pai, vieruana to manau toapa; vie trima sia; veruana nanapi diono Wainunu Sren pai so sia pa, ariri diono maso tata kota pa. 9 Sien dietor siae, tatae, tamasi vaveri. Sien vie Sren sesanemiraro pasi, aso sesanemitiar pa. 10 Avori, metotopi meto mesotoura Sien Allah e metono marabati so siniotu vevesiei Yehudi va pa sia pa? Areto tatapumi pasia to matau tata kota mana tapaya so tananari aririasi va pa. 11 Arorae tasanemitiar toapa, slamat pai tasamual nanapa Jesus nie sanepaya pal; apavo sia kota." 12 Apa kaiwasa veruir nana jasia vura setipeya, E yanama setadiawa usara Barnabas tutir Paulus sutopanusara riwanea nana pitandor baba Sien Allah vieruana nanapi sune nanaripi pasi, maso kaiwasa Yehudi va pasia pa. 13 Barnabas tutir Paulus sunggavo to manau pa, Yakobus klevore dioyo; "Maneta pa mia, ite metadiawa ikavo ne. 14 Erine Simani tiopana retena Sien Allah vieruana nie sanepaya pai maso kalwasa vevesiel Yehudi va pasia pa. Ave amamo diri siniotu vevesiele sembe kaiwasa so I pa. 15 Imasi tutir nabi pa sene arer pasi. Aso vevui nana buku repo pai, toapa nine; 16 "Sien diojo manau mamo nari ira ea ma, nari ivaun riwana Dauti nie anio vetabari pai, e inanari riwana reu pale diosa riwanea, 17 Ave amamo kaiwasa sisia pasia vura, sesasera Sie pal, tutir kaiwasa vevesiei Yehudi va isauwa to manaue veve kaiwasa so Ya pasia; Sien kievo toapa jana, 18 E tiopana kavo nine nana papo to manau". 19 Apavo ariri ine sanepaya nei mamo, tato marabati so kaiwasa vevesiel Yehudi va vesanemitiar Sien Allah to manau pasia vape moja. 20 Vape tambui surat so sia e, tatono kavo sanepaya so sia, ave amamo setan pisia veve rariai visoma karuar to manau pasi vape moja, pivaie setan binatan vevorue veria suvi va, pivale setan veria va. E ave amamo sembe kasau nanapi nanari kavo vavi pai. 21 Aso Sien Allah nie prenta Musai tiopana nana papo to manau pasi, siap nana raria ari pasi, nana anio ari pasi, e sitopanusara nanapi Kota pasi vura".

Ruir venana Yerusalem pal, surat diena-tua so Jemaat venana Antiokia pai
22 Rasul pasia tutir Penatua passar, tutir lemaat venana Yerusalem pal vura, senggavore senegut toapa nari setiri esia, e senggota Paulus tutir Barnabas, ave amamo senda so Antiokia. Apa setiri Silas tutir Yudas sesauwa kota ve, Barsabas pai. Sandu ma sinistu veve sana nana Jemaat venana Yerusalem pa esanduna 23 Avori setitanatu surat pesi kotae senggori. Surat pai riotu toapa nine; "Tabe maso maneta kalwasa vevesiei Yehudi va, venana uta Antiokiae, Siria tutir Kilkis pe sia vura. Nanapi Rasule, Penatuse, tutir mambe neta venana Yerusalem ne ama vura". 24 Amatadiawa toapa, ama esia senda matu so miae setonae mesanemisasera mia nana sene aniau past. Arorae ama ma amatamiasa sia ve senanari toa va 25 Apa Joma amanggavore amasanemi sirie, amatini esiae amatamiasa sia ematu so mia pa. Nari senda usara Barnabas tutir Paulus, siniotu amasanemipaya pa sandu. 26 Siniatu nine sandu ma, siniotu vevevo vene wainunu to manau, so tane Sie pai Jesus Kristus pa sanduna 27 Apavo, amatamiasa Yudasi tutir Silasi maso mis. Asindu nari sutopa ariri Kava vevui nanapé surat nei pai maso mia. 28 Wainunu Sren pai sanevesie toa e amasanemi vesie toa kota, ave amamo, setano kavo anlau nari viono marabati so mia pasi vape moja. Mae kavo aniau nari vetapisa so mia pa, 29 Metan pisia visoma karuar vape moja, metan veria vape moja, metan binatan vevorue vera suvi va pai vape moja, e membe kasau nanapi nanari kavo vavi pai. Membe katau nana pininesi mamo, ima menanari ariri vetindia pai to manau. Toapa yana, tabe maso mia". 30 Manau pa janama siniotu amias pasia senda so Antickia. Apa sesau nár jemaat pai, avori setone surat pai so sia. 31 Jemaat venana Antiokia pai, setap surat pai pa, sesanemi pasi sietate vesiri, aso surat pai riotu pa 32 Yudas tutir Silas, sandu ma nabi ni sandu kota pavo, sunggavo tutir Jemaat pai to worol vesiri, e surono kavo sanepaya so Jemaat pai. 33 Yudas tutir Silas, sumasoi nana Antiokia raria pa esandu to manau pa, janama Jemaat pai diemiasa siae sesovera ea so Jemaat viamiasa sia pai, nana Yerusalem. 34 [vape Silas ma kutu toapa, miesol nana Antiokia.] 35 Paulus tutir Barnabas sandu kota, sumasol nana Antiokia raria pa esandu nana wana. Sunggota kaiwasa vepau esi pasiae, setaniaue setitopana Sien nie Kavo pai.
Paulus tutir Barnabas supowasa sandu pa
36 Vape ineri raria pa esandu to manau pa, Paulus kievo so Barnabas e dioyo; "Vesle pa tusovera eae tunda so Kota tutopana Sien nie Kavo pai nana pasi; ave tusajo kaiwasa vesanemitiar Jesus to manau pasia, aso nari setotoane?" 37 Apavo Barnabas andia sanepai dioyo kior Yohanes Markus kota, 38 Amana Paulus kiembarai Markus riausara sandu, aso Markus kiembarai senanaripi vurae, siovera vurusu sandu nana uta Pampilia pa. 39 Apa Paulus tutir Barnabas sumbaririwi veito suripowasa sandu. Barnabas kior Markusie susa nana kapal pal arau so nu Siprus. 40 Mae Paulus kior Silase riausar I. Apa jemaat venana Antiokia pai, vie nadi tutir sandue, sesiwa sandu so Sie pal. Manau pa, Janama 41 Sundae sunanaripi usara Jemaat venana uta Siria tutir Kilikia pasi, ave amamo Jemaat pasia senggarakual nanapi sanetiar pai.