1
Paulus tutir Barmabas sunda so Kota Ikonium pa, masi ariri Kota esi sunda soa to manau pasi. Apa sunda kota so Yehudi pa sene anio ari pai, e suraniaue sunggavo so kaiwasa pai tutir paya nanapi Sie pai pavo, kaiwasa Yehudi pa esia, tutir kaiwasa vevesiei Yehudi va pasia, sepau sesanemitiar Sien Jesus.
2
Vape kaiwasa Yehudi vekambarai vesanemitiar pasia, senggavo amias kaiwasa vevesiei Yehudi va pasia, ave amamo semadidi kaiwasa vesanemitiar Jesus to manau pasia.
3
Apa joma Paulus tutir Barnabas sumasoi nana yana to woroi pa. E sunggavo nanapi Sie pai to karakuai vesiri. Apa Sien vieruana toapa, kavo Rasul pa sutopana pai, nanapi Sien nie sanepaya pai, vie vata; Sien diono paya so sandu, ave amamo sunanari pi tandor verawai pesasi.
4
Amana kaiwasa venana Kota pasia, sembaririwi vavera, esia senavori Yehudi pasia, e esia senavori Rasul pa sandu.
5
Avori Yehudi pasia tutir sene veve baba pasia, senggota siniotu vevesiei Yehudi va pasia, e sesanemi siri, ave amamo semun Rasul pa sandue, seso tatir sandu nana rovuki.
6
Vape Rasul pa sandu susanemi riruina kavo nine pavo, sutarir sandu vurusuae, sunda so Kota Listra tutir Derbe; e sunda wawarira uta venana Likaonia pasi vura.
7
E sutopanusara Sien nie kavo vesie pai nana yana.
8
Nana Listra tutir Derba pa, siniotu pesi ae pasi simarera nana siniani diavini pa, apavo ae pasi simarera to ria moja va.
9
Siniotu nei miesoie diediawa usara Paulus kievo pa. Apa Paulus siejo mana siniotu nei sanetiar pa dionae pienaam. Apavo Paulus dieduat i,
10
Avori kievo to pimasae dioyo, "Suobataue buosa I" Apa siniotu pai kiopa to diosae ria vavera
11
Kaiwasa pai sieyo subata kavo nine pa, senggavo nana kavo Likaonia to baba vesiri e setoyo: "Sie pasi siviar mesu so dunia nei e, siriwasie sive siniotu to manau ne".
12
Apa sesau Barnabas ve Zeus, mae sesau Paulus ve Hermes, aso Paulus ni klevo pana.
13
Avori Imam viono som so karuar Zeus pai, anio visoma karuar pai, diosa siwara ria vera so Kota pai pavo, imam pai kior sapi muae, ariaue, kiosi ma pirsi nana rature sore visuapui so Kota pai. Ave amamo tutir kaiwasa vepau pasiae, sesom Rasul pa sandu.
14
Amana Barnabas tutir Paulus, suradiawa kavo nine pa, suporabana sune sasu pasi, e surapal ses kaiwasa pai ra so rabua wa, avori surumie surayo;
15
"Avo miano, metotonine ve? Nandu ma siniotu vata ni nandu kota ariri mia. Vape amundama amutopana Kavo Vesie pai maso mia. Ave amamo mesom karuar sararidioi nesi vape moja. Vape mesom Sien Allah vetenam pai, venanari rorae, kakopae, rawanae, tutir pi venana pasi vura pai.
16
Papo pa ma, Sien Allah tituwa siniotu pasie sitenam ariri sione sanevesie pai.
17
Vape, vieruani tawana nanapi nie onate pai. Viara rama nana rora wa mesu so miae, diono almu e manua vesiri. Diono pisia maso mia, e dionae mesanemi pasi sietate".
18
Rasul pa sunggavo toapa jana, vape kaiwasa pasia semanau setono pisom so sandu pa va.
19
Amana Yehudi pasia, senda nana Kota Antiokia tutir Ikonium, sendama so Kota Llestra. Apavo senggavo amiasa kaiwasa pai pa, sesotatira Paulus nana rovukie sepapari ari so Kota pai rawa vorira pa, aso semamo ma setoyo Paulus vioru to manau.
20
Amana kaiwasa vesanemitiar to manau pasia, senda setosa wawarira Paulus pa, siobatai riwaneae, janama suapui so Kota pal. Kausapa pa mana suvi tutir Barnabas e sunda so aniose Derbe.