Pasal 13
Sien diri Barnabase Saulus sandue, diemias sandu pa
1
Nanapi jemaat venana Antiokia pai pa, nabi pa tutir guru pa esiaya senana jemaat pal. Asia: Barnabas, Simon sesauwa ve vekumamasi pai, tutir Lukas nanapi aniose Kirene, e Menahen setaum tutir Gubernur Herodes pai, e Saulus perbaik.
2
Raria pesi pa, sembe arie setimbe puasa, apa Wainunu Sren pal kievo so siae dioyo: "Metiri Barnabas tutir Saulus sandu atapua so Yau, ave amamo sunanari nanaripi jetapua so sandu to manau pal
3
Sembe puasae sembe nadi to manau pa, sembarami rawain Barnabas tutir Saulus, janama setamias sandue sunda ariri Sien diemias pa.
Nana nu Siprus pa
4
Aso Wainunu Sren pal diemias pa, sunda so uta Seleukia, Nana wana pa, susa nana kapal pai arau so nu Siprus.
5
Apa sunda so Kota Salamis e sutopanusara Sien nie Kavo pal, nana anio ari Yehudi pasi. Yohanes Markus andia kiot sandu nana sune rara nini.
6
Apa senda warira nu paie setopanusara Sien nie Kavo pai, nana anio ai pasi vura, veito senda ra ma so Kota Pafos. Nana wana pa senda samuai siniotu Yahudi pesi, sano pa Baryesus. Siniatu nini ma rut airawi, vape dioyo i ma nabi nina.
7
Baryesus ma vie maneta tutir Sergius Paulus, Gubernue venana nu Siprus pai. Gubernur nei ma vie pande vesiri. Apa siau Barnabas tutir Saulus sandue sunda so i na nie anio pai. Aso sanevesie diediawa Sien nie Kavo pai pana.
8
Vape Elimas siniotu verut alrawi pai, mun vediora Barnabas Paulus sandu. Aso Elimas I ma wasa Yunani pina, e tandiwa nana tane kavo mamo; "Verut alrawi" dioyo diosasera, ave amane Gubernur pai sanetiar Jesus vape moja pana.
9
Vape Saulus sesauwa ve Paulus pai, Wainunu Sren pai niana pavo, dieduata tera siniotu verut airawi pai.
10
Avori kievo sole dioyo; "Bilis atu panau, veve umaya nana awitituwa pai tutir tatar saseral vura vedianau, au mun vediora ria vetindia pasi pa. Raria toni muenau mun vediora Sien Allah nie ria Slamat pir maso siniotu pasi pa?
11
Ineri sueyo, nari Sien vie hukum au. Nari remu pasi sikaber veito sa sueyo wor pai va raria pa esandu. Nanapi diam jani kota, Elimas sieyo mana viabuabu vekumuar pai, tup re pasi, veito riae diekaka sasera siniotu viadidin i.
12
Gubernur pai sieyo subata pi veve diadi nine pa, sanetiar Jesus; aso Sien nie Kavo aniau pai diotandori soi pa.
Paulus tutir nie maneta pasia senggor Kavo Sie pai ra so Kota Antiokia nana uta Pisidia pa
13
Paulus tutir nie maneta pasia sesuvi nana Kota Pafos pa, sesa nana Kapal paie setapai a so Kota Perga, nana uta Pampilia. Nana Jana pa, Yohanes Markus sloveraie vievu so Yerusalem.
14
Nanapi Perga pa, Paulus tutir verausari pasia senda ra so Antiokia nana uta Pisidia, nana raria Sabat pasi mamo, senda so anio ari pasie sembe ari kota.
15
Apavo setap buku torat pai tutir nabi pasia sene buku pasi to manau mamo, veve baba nana anio ari pai, duta Paulus tutir Barnabas sandue dioyo; "masi muroyo mutopana kavo sanepaya pesa maso kalwasa nei mamo, janama munggavo.''
16
Apa Paulus siobataie siasana vara pasi ariria vori dinggavorae dioyo; "Ine maneta kaiwasa Israel pa mia, e ine maneta esi vekorusara Sien Allah pa mia, Ite metadiawa ikavo ne.
17
Kaiwasa Israel pasia sene Sie pai, andi diri tatapumi pale dionae kaiwasa Israel nei vie sano nana rabua senana uta Masir ariri siniotu vera ve wasa pa. Vepui Sien Allah kior sia tutir vara vepayae sesuvi vurusu uta Masir.
18
Sien Allah tituwa siae, dionanusara sia nanapi sene ru karakuai senanari nama mapar rubua pai pasi, taun siniotu muandu.
19
Kaiwasa usapui rimemuandu vevava nanapi uta Kanaan pasia, Sien mun sia to senggai, ave amamo viov sene uta pai so kaiwasa Israel pasiae senewi ve pitawa.
20
Pijasi vura sivava pa, taun utin at e siniotu muandue sura, Uta Kanaan viov to manau pa, Sien Allah dion Hakim pasia maso kaiwasa Israel pai. Hakim pa vipui mo paini nabi Samuel.
21
Vepui sesau Raja, apa Sien Allah diono Saul, Kis atu pai, nanapi Benyamin nie usaput pai, e vie Raja so sia taun siniotu muandu.
22
Vape Sien Allah tiawairara Saul vurusu wasa Raja pa riwanea pa, Sien Allah rusasan Dautie vie Raja so sia. Apa joma Sien kievo nana Dauti toapa nine; "Isamuai Dauti to manau, Isai atu pai. I ma siniotu vio sanevesieni so Ya nina. I ma siniotu nari vionanari ine mayar paina.'
23
Nanapi Daut nini nie usapui pai, andi Sien Allah dionae viediayara Raja vekor Slamat pai maso kaiwasa Israel pai, ariri Sien dienire to manau pa. E Jesus, I ma Raja Vekor Slamat paina.
24
Aja Jesus ria nie nanaripi pai varami pa, Yohanes dumi so kaiwasa Israel pai to manau, ave amamo semanaue sesovera vurusu sene tatar pasie setisoiv Kambu Sren pai.
25
E nana rabua Yohanes deriasi mienau nie nanaripi pai pa, kievo so kaiwasa pale dioyo: "Apavo metoyo teini yau. Ya ma siniotu metanota paina va. I ma nari pui usara yau, vape I ma sieru na yau.'
26
Ine maneta pa mia, Abrahami tapu pa mia, tutir ine maneta esi vekorusara Sien Allah pa mia, Sien Allah dienatu Kavo Vekor Vesie pai maso tata to manau.
27
Vape aso kaiwasa venana Kota Yerusalem pasia, tutir sene veve baba pasia senaganggau I, arorae Jedsus ma Vekor Vesie paina. Senganggau nabi pasia sene pianiau setap tawana nana raria ari pasi, veito semuni e vioru. Arorae senanari towana pa, ave amamo imasi tutira nabi pasia kavo setarera pasi pana.
28
Veito setisamuai kavo veve umaja setimbe hukum I nana hukuman voru pesa va vesiri. Toa saridiol sesau so Pilipus, ave amamo semunie vioru.
29
Ineri senanari ariri kavo nabi pa sembui e venana buku repo paje, veve arer so Jesus pasi to manau pa, sembiar nie tarai vevoru pai nana aitabat paie, janama sepiri na papi pai.
30
Vape Sien Allah dionae tienam riwanea nanapi voru pai,
31
Avori raria toi vesiri ma riama vieruani so kaiwasa veratutir I nana Galilea maso Yerusalem pasia. kaiwasa Israel pai pa. Asia rabua nine sembe saksi sol, maso.
32
Apavo, rabuanine amatopana Kavo Vesie nini maso maneta pa mia, vitoni Sien Allah dierer to manau maso tatapumi pasia pa.
33
A nienari maso tata nanapi dionae Jesus tienam riwanea vurusu voru pai pa. Aso nana Mazmur pai mamo sembule setoyo; "Ine atuma paini Au. Nana raria nini kotae ive tama maso Aul
34
Sien Allah dionae tienam riwanea vurusu voru pai to manau. E ninema sa siemuai voru pai riwanea nana papi pai va. Apa joma Sien Allah kievo nanae dioyo, 'Nari Inanari ariri arer veve Sren nari veve diadi pasi maso au. Arer jerera to manau so Dauti pasi."
35
Toapana kota, nanapi ayat vevesiei pesi ea pa rotue oyo; "Sa buonae nomu womi veve Sren paie piere nana papi pai va".
36
Apa Dauti, nana rabua andia tienam pa, nienari ariri Sien Allah nie sanevesie pai; vape vioru pa, sepiri na papi pai siwara tapuni vevoru pasia e, nie tarai pai piere to manau.
37
Vape Jesus, Sien Allah dionae tienam riwanea vurusu voru pai, I ma piere va.
38
Apavo ine maneta pa mia, ave amamo menduin toapa; Ria vesamuai ampon so tatar pal, tiopana maso mia nanapi Jesus. Nanapi Jesus pino, siniotu vesanemitiar pasi sitaisu vurusu tatar pai pa. Mae Sien Allah nie prenta Musai tiopana pasi ma, sa sivediayara e metaisu vurusu tatar pasi va.
39
Apavo mesanemi pai usara to vesie mo, aso metera kavo nabi pa setopanae setoyo;
40
"Mesanemipaya to vesie mo, siniotu vesisiayara ora ne mia. Nari menggavo usara e memborul Aso rabua nine ma, nari inanari piesa, pi siniotu sitopana maso mia mamo, sa mesanemitiar va pesi".
41
Paulus tutir Barnabas susuvi nana anio ari pai pa, sesau so sandu, ave ari vesousara pai mamo susovera, ave sutopana ariri nana kavo sunggavora pasi riwanea.
42
Kaiwasa pai suvi nana anio ari pai to manau pa, Yehudi pa sepau tutir siniotu vevesiei vesua nana agama Yehudi pa esia, sendausara Paulus tutir Barnabas. Apa Rasul pa surono kavo sanepaya so sia, ave amamo setenam to vesie ariri Sien Allah nie arer pasi.
43
Raria ari vesousara pai pa, kaiwasa venana Kota pai vura, sendama so Rasul pa sandue setadiauwa Sien nie kavo pai.
44
Vape siniotu Yehudi pasia, sesayo mana kalwasa pai piau pa, sendama so Rasul pa sandue setadiawa Sien nie kavo pai.
45
Amana Paulus tutir Barnabas sunggavo to karkuaie suritopa sivua, e suroyo: "Maite, Sien Allah nie kavo nei, nari tiopana maso mia retena. Vape aso joma metawa irari pana, mia vura matau menggutu to manaue metoyo, metawa irara tenam viaworoi pai pana. Apavo ninema amambavur mia, e amanda so kaiwasa vevesiei.
46
Aso nine ma Sien nie Kavo oal riotu maso ama toapana, Sien dioyo, "Jiri au to manau, ave vue sasaar so kaiwasa veruin Ya warami pasia. Ave amamo kuor Slamat pai ra so dunia nei vetutira.
47
Kaiwasa Yehudi va pasia, setadiawa Paulus tutir Barnabas sunggavo tonine pa, sesanemi pasi sietate vesiri, apa sesanandik Sien Allah nie Kavo pai. E kaiwasa Sien Allah diri to manaue nari vesamuai tenam viaworoi pasia, sesanemitiar.'''
48
Apa Sien nie Kavo pai miesiepar usara uta yana vura.
49
Amana Yahudi pasia senggavo amiasa kaiwasa veve baba nanapi Kota pasia, tutir vavi veve sanoe vesanemitiar to manau pasia. Apa seto vanirwi tutir Paulus Barnabas sandu, e setatavar sandu vurusu uta jana.
50
Apa Rasul pa sandu, sundora upisa wavu venana sundaemi pasi nana kaiwasa veruir pasia sendaromi po pasi, ave sive sanepaya so sia, manau pa janama susuvie sunda so Kota Ikonium.
51
Kaiwasa Antiokia vesanemitiar to manau pasia, sesamuai sanevesie pimasa vesiri, e setisamual Wainunu Sren pal.
52
Dan, para murid dipenuhi dengan sukacita dan dengan Roh Kudus.