¹ Apolos andia niana Kota Korintus rami pa mamo, Paulus ria pat uta venana rei pasi vura ma suvi nana Kota Epesus pa. Apa siemual siniotu vesanemitiar Jesus to manau pa esia na jana ² Apa dutan siae dioyo; "Avo mesanemitiar Jesus to manau pa, mesamuai Wainunu Sren pai atoe?" Amana senduare setoyo; "Piva rami, e aya amatadiawa Wainunu Sren pai andia pa va.'' ³ Apa Paulus duta riwaneae dioyo; "Toyana pavo, kambu Sren toni mesoivi pa?" Amana senduare setoyo; "Amaosiv Yohanes nie Kambu Sren pai". ⁴ Apa Paulus kievore dioyo; "Yohanes sioiv siniotu pa ma, ave veruana toapa siniotu pasi simanau nanapi sine tatar pasie, sinanari ariri vitopi Sien Allah sanevesiena. Vape Yohanes tiopa kota so kalwasa Israel pasia toapa, ave sesanemitiar sinlotu nari vesousarie vera vepui ea ma pai, andina Jesus". ⁵ Setadiawa Paulus kievo tonine pa, sesaue Paulus sioiv sia nanapi Sien Jesus sano pa. ⁶ E Paulus siasana vara pasi rawain sia pa, Wainunu Sren pai siasai nana sia, apa setinggavavo nanapi kavo saserai viotimbesiei vesiri, e setitopana Sien Allah nie Kavo pal. ⁷ Sepau pa nari sembe surae-muandu. ⁸ Nana sembai torua pasi ma, Paulus kievo to karakuai vesiri maso kaiwasa pai, nana anio ari pal, e tiopanariri so sia, ave amamo sesanemitiar Sien Allah nanapi nie Pemerintahan pai. ⁹ Vape esi pasia ma, senggorusara va, e senggambarai sesanemitiar. E senggavo sisayara nana kaiwasa re vepau, aso kavo aniau vioyo, Sien Allah diono vesie pai maso siniotu pasi, nanapi Jesus pa. Apajoma Paulus vievur sia, e klor kaiwasa veve Kristen to manau pasia so andiraro vesanorni nanapi Tiranus, andiraro vitaniau nana pal. E raria vura ma, kievavo tutir kaiwasa nana uta yana. ¹⁰ Dieniau toapa jana taun muandu, veito kaiwasa venana uta Asia pasia, kaiwasa Yehudi veito kaiwasa vevesiei pasia, vurae setadiawa Sien nie kavo pai.

¹¹ Sien Allah tutir Paulus pavo, Paulus nienari pibaba viotandori. ¹² Apavo Paulus nie sapu tangan te, kavaviral te, pi vie pake to manau pesa, senggoria so siniotu vepota pasia mamo, sene pota pasi sinai, e Wainunu vekariria pasi sisuvi vurusu sia. ¹³ Apavo siniotu verut airawi pa esia kota, sendae setatavar wainunu vekariria pasi vurusu kaiwasa. Setojo ave amamo sia kota, setatavar wainunu vekariria pasi nana Jesus sano pa. Aapavo senggavo so wainunu vekariria pasie setoyo; "Nanapi Sien Jesus sano pa. Apavo senggavo so wainunu vekariria pasie setoyo; "Nanapi Jesus, siniotu Paulus tiopana pai sano pae, jetavar mlae mesuvi". ¹⁴ Apavo Imam Baba pesi, sano pa Skewa, atu mua pa sembe rimemuandu. Asia sendae senanari kavo vetoapa nine. ¹⁵ Amana wainunu vekariria pai kievo so siae dioyo; "Jesus reto iruini, e Paulus kota iruini. Vape mia ma iruin mia va". ¹⁶ Avori siniotu vetera wainunu vekariria pai, kiopa bur siae, kieramut tatir sia to kaririona vesiri, e sene tarai pasi sive kapapor, e piorabana sene avavar pasie sembavu kakavir, e sesuvi vurusu anio pai. ¹⁷ Apa kaiwasa Yehudi veito kaiwasa vevesiel venana Kota Epesus pasia, setadiawa kavo nine pa sematai. Apa Jesus sano pai siemual sanandika tawana. ¹⁸ Veito kalwasa vesanemitiar Jesus to manau pasia, senda setopa veruana sene kariria senanari pasi, nanapi kalwasa re vepau. ¹⁹ Apa kaiwasa verut airawi vekariria pasia, senduir sene buku vimbui airawi pasie, senggairsi nanapi kalwasa re vepau. Tatator buku senggair pasi sine vait pal mamo, vare sian ropia siaran siniotu muandue sura. ²⁰ Apa nanapi ria ninie, Sien nie kavo pai miesiepare dinda topo, to karakuai vesiri.

Sawau venana Epesus pal.

²¹ Manau nanapi yana pa, Paulus kutu toapa nari ria so uta Makedonia tutir Akhaya, avori dinda so Yerusalem. Ria soa tomanau mamo, ria so uta Roma kota. ²² Apa diemlase nie maneta venanaripi tutir i pa esandu, Timotius tutir Erastus, e sunda so Makedonia, e i ma miesoi katu saira ea, nana uta Asia. ²³ Nari nana rabua yana mamo, setona sawau pimasa pai nana Kota Epesus pa, aso Jesus nie kavo aniau pai. ²⁴ Aso nana Kota yani, siniotu pesi sano pa Demetrius, i ma rian sarak. Apavo nienari anio karuar madidia pesasi, nanapi sarak taral, so karuar vesanomi nana Artemis pai. Siniotu nei nie nanaripi ninei, viediayara vait vebaba vesiri, maso nie kaiwasa venanaripi nana pasla. ²⁵ Apavo siniotu nei ruir nie kalwasa venanaripi tutir I pasia, tutir kaiwasa vene nanaripi siri tutiri pasia. Avori kievo so siae dioyo; "Ine maneta pa mial Menduin to manau toapa, tasamuai pi to pau vesiri nanapi tane nanaripi nini. ²⁶ Vape yanama matau mesayo, e matau metadiawa, pi vitopi Paulus nienari pa. Paulus klevo toapa; Sie siniotu sinanari pasi ma, sie vata sina va. E diotoro kaiwasa pa sepau sesanemitiar nie kavo aniau pasi; apa nana Epesus vea va, vape vare uta Asia vetutira kota. ²⁷ Vinggaririamo nana pa, tane nanaripi nini, nari siemuai sano vekariria. E yana mesari ea va, vape nari sie vavi Artenis nie anio pai, sa setatori ea va, e nari setararoyari. Arorae, kaiwasa vura nana uta Asia, to dunia vetutira, sie vavi sesom paina. ²⁸ Kaiwasa veruir pasia setadiawa pa, sesanemi raro pasi simas, apa setananare setoyo; "Epesus pa sine sie Artenis, andi bieba!" ²⁹ Apa kaiwasa pal vurae dienanar usara Kota pai vetutira. Avori kaiwasa viananar pasia setapu tawana Gayus tutir Aristarkus, siniotu Makedonia verausara Paulus pa sandu, e sepapara sanduaso uta kaiwasa ruir nana pai. ³⁰ Apavo Paulus dio suae riausara sia, amana kaiwasa Kristen venana yasia, senggavo suari. ³¹ Siniotu veve baba nana uta Asiae, veve maneta tutir Paulus pa esia kota, setamias so Paulus, ave amamo vieruani nana uta kalwasa pai siorum nana pai vape moya. ³² Apa kaiwasa vesorum pasia, setananar sararidiol. Aso kaiwasa vepau pasia ma, setatara pi vionae sesorum soa pa. Apavo esia setananar tonine, esia setananar towana. ³³ Mae kaiwasa pa esia ma setoyo sa Alexander ni viediayara mamo toapa yana pa. Aso andi Yehudi pasia setawa irari topo bura kaiwasa vesorum pai pana. Apa Alexander siasana vara pasi eta kaiwasa pai, ave amamo kievo rerai maso kaiwasa pai. ³⁴ Amana sesayo riruina Alexander ma siniotu Yehudi nina pa, yanama kaiwasa pai vura, setananar to indawaiae setoyo; "Epesus pa sene sie Artemis andi biebal" ³⁵ Avori yanama, pegawai baba vevui nanapi Kota Epesus pai, kievo suara kaiwasa paie pleja. Kievo so siae dioyo; "Kaiwasa Epesus ne mia, Siniotu vurae siruina toapa, Epesus ma Kota venanari usara anio so sie vavi Artemis, tutir rovuki sren vetawa nana rora mesu paina. ³⁶ Kaiwasa vura ruara kavo nine, apavo mepeja, e meso mamuna va. ³⁷ Menggor siniotu nine sia ma pa, avo setamanana tane sie vavi pai Artenis nie anio pal te, pivai senggavo sislayara sano pae? ³⁸ Masi Demetrius, e nie venanaripi tutir i pasia, sene kavo setimbe karak siniotu nina mamo, senggor sene kavo jana so ruir vekutu kavo pai. Ruir vekutu kavo pai andia so kavo vetoapa jasi, e veve baba na pareta pa asiaja tawana. ³⁹ Mae, masi plesaya vesiel ramie, metoyo amamo senggavo ariria nana kuaruvi baba pesi. ⁴⁰ Aso kavo veve diadi nana raria ninei, diadi viediayara kariria so tata. E setator tata ve siniotu viono ruir vekariria, aso varo kavo veve umaja maso tatindera tata vurusu kavo veve diadi nana raria nini". ⁴¹ Pegawai veve baba nana Kota Epesus pal, kievo kavo ninesi vura to manau pa, diemias kaiwasa boral yasiae sembavu.