ଆତ୍ମାରେ ଦିନହୀନ ଲୋକେ ଧନ୍ୟ କାରଣ ସ୍ଵର୍ଗରାଜ୍ୟ ସେମାନଙ୍କର ଅଟେ [୫:୩]।
ଶୋକାର୍ତ୍ତ ଲୋକେ ଧନ୍ୟ କାରଣ ସେମାନେ ସାନ୍ତ୍ୱନାପ୍ରାପ୍ତ ହେବେ [୫:୪]।
ନମ୍ରଲୋକେ ଧନ୍ୟ ଅଟନ୍ତି କାରଣ ସେମାନେ ପୃଥିବୀର ଅଧିକାର ହେବେ [୫:୫]।
ଧାର୍ମିକତା ନିମନ୍ତେ କ୍ଷୁଧିତ ଓ ତୃଷିତ ଲୋକେ ଧନ୍ୟ କାରଣ ସେମାନେ ପରିତୃପ୍ତ ହେବେ [୫:୬]।
ଯୀଶୁଙ୍କ ସକାଶେ ମିଥ୍ୟାରେ ତୁମ୍ଭମାନଙ୍କ ବିରୁଦ୍ଧରେ ସମସ୍ତ ମନ୍ଦକଥା କୁହନ୍ତି ତେବେ ତୁମ୍ଭେମାନେ ଧନ୍ୟ କାରଣ ସ୍ଵର୍ଗରେ ତୁମ୍ଭମାନଙ୍କର ପୁରସ୍କାର ପ୍ରଚୁର [୫:୧୧-୧୨] ।
ବିଶ୍ଵାସୀମାନଙ୍କର ଆଲୋକ ସେମାନଙ୍କର ସୁକର୍ମ ଦ୍ୱାରା ଲୋକମାନଙ୍କ ଆଗରେ ପ୍ରକାଶ ପାଇବ [୫:୧୫-୧୬]।
ଯୀଶୁ ପୁରାତନ ନିୟମର ବ୍ୟବସ୍ଥାକୁ ଓ ଭାବବାଦୀମାନଙ୍କ ଧର୍ମ ଶାସ୍ତ୍ରକୁ ସଫଳ କରିବାକୁ ଆସିଥିଲେ [୫:୧୭]।
ଯେଉଁମାନେ ଈଶ୍ଵରଙ୍କ ଆଜ୍ଞା ପାଳନ କରନ୍ତି ଓ ଶିକ୍ଷା ଦିଅନ୍ତି ସେମାନେ ହିଁ ସ୍ଵର୍ଗରାଜ୍ୟରେ ମହାନ ବୋଲି ଖ୍ୟାତ ହେବେ [୫:୧୯]।
ଯୀଶୁ କହିଥିଲେ ଯେ, କେହି ନର ହତ୍ୟା କରେ ସେ ବିଚାର ସ୍ଥାନରେ ଦଣ୍ଡନୀୟ ହେବ କିନ୍ତୁ ଯେକେହି ଆପଣା ଭାଇ ଉପରେ କ୍ରୋଧ କରେ, ସେ ମଧ୍ୟ ବିଚାର ସ୍ଥାନରେ ଦଣ୍ଡନୀୟ ହେବ [୫:୨୧-୨୨]।
ଯଦି ଆମ୍ଭମାନଙ୍କ ଭାଇମାନଙ୍କ ବିରୁଦ୍ଧରେ କୌଣସି କଥା ଅଛି ବୋଲି ମନେ ପଡେ ତାହାହେଲେ ଆମ୍ଭେମାନେ ତାଙ୍କ ନିକଟକୁ ଯାଇ ମିଳିତ ହେବା ଉଚିତ ବୋଲି ଯୀଶୁ ଶିକ୍ଷା ଦେଇଅଛନ୍ତି [୫:୨୩-୨୪]।
ବିଚାରକର୍ତ୍ତାଙ୍କ ହସ୍ତରେ ସମର୍ପଣ କରିବା ପୂର୍ବରୁ ଆମ୍ଭମାନଙ୍କ ବିବାଦୀମାନଙ୍କ ସହିତ ଶୀଘ୍ର ତାହା ପ୍ରତି ମିଳନର ଭାବ ଦେଖାଇବା ଉଚିତ୍ ବୋଲି ଯୀଶୁ ଶିକ୍ଷା ଦେଇଅଛନ୍ତି [୫:୨୫]।
ବ୍ୟଭିଚାର କଲେ କେବଳ ପାପ ନୁହେଁ କିନ୍ତୁ କୌଣସି ସ୍ତ୍ରୀ ପ୍ରତି ଦୃଷ୍ଟିପାତ କଲେ ପାପ ବୋଲି ଯୀଶୁ ଶିକ୍ଷା ଦେଇଅଛନ୍ତି [୫:୨୭-୨୮]।
ସେ ସବୁ ପ୍ରତି ଆମ୍ଭେମାନେ ସମସ୍ତେ ଦୂରେଇବା ଉଚିତ୍ ବୋଲି ଯାହା ଆମକୁ ପାପ କରିବା ନିମନ୍ତେ ବିଘ୍ନ ସ୍ଵରୂପ ହୋଇଥାଏ ଏହା ଯୀଶୁ କହିଥିଲେ [୫:୨୯-୩୦]।
ବ୍ୟଭିଚାରର କାରଣ ହେତୁ ତ୍ୟାଗପତ୍ରର ଅନୁମତି ଯୀଶୁ ଦେଇଅଛନ୍ତି [୫:୩୨]।
ଯଦି ଜଣେ ସ୍ଵାମୀ ସ୍ତ୍ରୀକୁ ବ୍ୟଭିଚାର ବିନା ଆଉ ଅନ୍ୟ କୌଣସି କାରଣରୁ ସ୍ତ୍ରୀକୁ ତ୍ୟାଗ ପତ୍ର ଦିଏ ଓ ସ୍ତ୍ରୀ ଅନତ୍ର ବିବାହ କରେ ତାହାହେଲେ ସ୍ଵାମୀ ବ୍ୟଭିଚାରର କାରଣ ହେବ [୫:୩୨]।
ଏହି ସମସ୍ତ ବିଷୟ ଉପରେ ଶପଥ ନେବା ପରିବର୍ତ୍ତେ ହଁ କଥା ହଁ ହେଉ ଅଥବା ନା କଥା ନା ହେଉ ବୋଲି ଯୀଶୁ କହିଥିଲେ [୫:୩୩-୩୭]
ଯିଏ ଆମ୍ଭମାନଙ୍କ ପ୍ରତି ମନ୍ଦ ବ୍ୟବହାର କରେ ତାହାକୁ ପ୍ରତିରୋଧ କରିବା ଉଚିତ୍ ନୁହେଁ ବୋଲି ଯୀଶୁ ଶିକ୍ଷା ଦେଇଅଛନ୍ତି [୫:୩୮-୩୯]।
ଆମ୍ଭମାନଙ୍କ ଶତ୍ରୁମାନଙ୍କୁ ପ୍ରେମ କରିବାକୁ ଓ ତାଡନା କରୁଥିବା ଲୋକଙ୍କ ନିମନ୍ତେ ପ୍ରାର୍ଥନା କରିବାକୁ ଯୀଶୁ ଶିକ୍ଷା ଦେଇଅଛନ୍ତି [୫:୪୩-୪୪] ।
ଯେଉଁମାନେ ଆମ୍ଭମାନଙ୍କୁ ପ୍ରେମ କରନ୍ତି କେବଳ ଆମ୍ଭେମାନେ ସେମାନଙ୍କୁ ପ୍ରେମ କରିବା ତାହାହେଲେ ଆମ୍ଭେମାନେ କୌଣସି ପୁରସ୍କାର ପାଇବା ନାହିଁ, ବିଜାତିମାନେ ଯାହା କରନ୍ତି ତାହା ଆମ୍ଭେମାନେ ମଧ୍ୟ କରୁ ଅଛୁ ଯୀଶୁ ଏହି ଶିକ୍ଷା ଦେଇଥିଲେ [୫:୪୬-୪୭] ।