¹ Ha Yiu-tai Munh tuz lungđ năngx gongx têx pitc hungđ pec Stingx? Ayx quaix catz nyăngz gâyf naih toix lungđ stuyh muc?” ² Naih stuyh muc đev! Muif hungđ naih yeetx nyâyc, Tênb-Hungh zoz nănh nyăngz woac jaoz phunz Yiu-tai munh ayx.” ³ Six coong naih đomc munh max naih stymz năngđ nây nâyx, woa six nănh stiz ayx phunz Tênb-Hungh nyăngz jau max Săngh nongc zâyf max?.” ⁴ Max zâyf đêh! Max cun muif tauh bamh munh six puv maoh, Tênb-Hungh six seenz nyăngz, “Năngđ Canyx-Stâub ja coong Nâyx, “Nănh tuz goib yangh toix nănh coong nyăngz woac, “Seenz gâyf six yămz nănh nzuf.” ⁵ Nâyx zanyf yaz coong nâyx đomc woac, Năngđ bamh munh nyâyh seetb taih coong, “Six coong pănh ayx longđ, Tênb-Hungh ayx toix, Tênb-Hungh hănđ pănh bix sai mah? ⁶ Max zâyf đêh! Six coong Tênb-Hungh năngđ max pengh Stymz têx, nănh ayx laix hayh stămđ bamh Canz? ⁷ Naih munh hayh coong, “Yaz ayx puv maoh phunz Tênb-Hungh năngx naih Gwăngz-eng têx, wâyc yaz ayx nyăngz za Gâyf goib yangh phunz Tênb-Hungh six seenz, Ha săngh laix yaz yâuc zuc tingc, Năngđ naih stoif-nyăngz munh?” ⁸ Wâyc săngh laix max coong, “oix zuc ayx huđ dlayc nzăngđ tuz gongx dlayc seetb Taih? Naih đomc munh coong woac huđ bux munh, Pănh coong nănh stiz seenz jic tuz zuc tingc Stoif.” ⁹ Ha Yiu-tai munh naih lungđ năngx gongx têx pitc hungđ pec stingx max? max đêh! Pănh coong Yiu-tai munh cloon pitc hungđ pec stingx yeetx stong tinyh đoih pamf Stoif nzuf.” ¹⁰ Năngđ Canyx-Stâub ja coong nâyx, “Max naih laiv tauh ayx gongx dlayc, njynh lov ah lanh max Naih.” ¹¹ Max naih laiv tauh pâyz, “Yâuc max naih laiv tauh couv Tênb-Hungh Stăngc Njâuv.” ¹² Muif lanh Munh wynb đangz ninyh, “ayx max tongh yangc, “Max naih laiv tauh ayx gongx dlayc. “hănđ six ah lanh yâuc max naih.” Nzungz-Đăngb 14:1-3 ¹³ Nănh stiz nyăngz nzeetx năngđ witz plopx munh tayc stâu nâyx, “Nongc nănh stiz nyăngz pyeetc coong woac puv maoh jaf munh, (Nzungz-Đăngb 5:9-) “Nănh stiz nyăngz nzeetx nengx coong nyăngz woac năngđ nangz đokc nâyx.” Nzungz-Đăngđ 140:3-) ¹⁴ Nănh stiz nyăngz nzeetx Naih imz lemb nyăngz woac pong nzuf hănđ zaux munh nyăngz jau.” ( Nzungz-Đăngb 10:7- ¹⁵ Nănh stiz laiv zanyf yâuc cungb oix tayx pitc tauh Munh.” ¹⁶ Nănh stiz ninyh tauv laiv tix yâuc cungb oix ayx huđ ănz phunz Munh munz Stymz.” ¹⁷ Nănh stiz max pâyz pengh oonz nyăngz jau six toix Lungđ.” (I-sai 59:7-8) ¹⁸ Nănh stiz yâuc max pâyz cumh nzav Tênb-Hungh ax ting Stăngv. (Nzungz-đăngb 36:1-) ¹⁹ Pănh pâyz tuz Đoouc-lif gâyf ja taih lănv phunz yămz Đoouc-lif cah đi nyăngz munh, Năngđ nâyx ayx phunz muif tauh munh max naih woac coong, “Wâyc nâyx nây gungh đi Munh songđ zuc yămz Tênb-Hungh tingc Stoif nyăngz gâyf cah đi.” ²⁰ Wâyc năngđ nâyx max naih laiv tauh âyz Đoouc-lif gâyf ayx tuz cloon Tênb-Hungh hopđ nyâuđ, Đoouc-lif gâyf cungb phunz munh pâyz tuz naih Stoif lêđ đêh.” ²¹ Six Tênb-Hungh phunz pănh pâyz tuz jix caox ayx laix hayh tuz cloon Nănh hopđ nyâuđ, “Max zâyf couv Đoouc-lif gâyf, “Six Đoouf-lif gâyf cloon tâuc woac munh nyăngz stâub ayx zanyx manyf nzaox phunz pănh pâyz zux ix.” ²² Wâyc zuc Tênb-Hungh phunz munh naih seenz Stymz zeen couv Njâuv-Zâu Yê-su, Tuz cloon nănh hopđ nyâuđ, wâyc zuc muif tauh Munh songc ah nomz Stymz.” ²³ Muif tauh Munh yeetx stong pamf Stoif, Max jic tuz stipx Tênb-Hungh nyăngz Gwăngz-eng.” ²⁴ Six Tênb-Hungh nongc Njâuv Zâu Yê-su nongc ayx quah cungb sangđ phunz bamh Munh, Tuz quanyf Stoif.” ²⁵ Tênb-Hungh phunz Zâu Yê-su Stêtb mengc, Phunz bamh munh zeen couv nănh songđ tuz quanyf Stoif, Tênb-Hungh năngđ nâyx ayx, goib yangh nănh pengh stymz nyăngz jau, Cayx năngđ lôx noib Tênb-Hungh ayx nyâuđ đao, Max tingc munh ayx pamf nyăngz Stoif.” ²⁶ Six nâyx zanyf Tênb-Hungh goib yangh nănh pengh Stymz nyăngz jau, wâyc zuc munh pamf Stoif, Six toix tauh zeen couv Njâuv Zâu Yê-su, Tênb-Hungh songđ phunz woax tauh cloon nănh hopđ nyâuđ.’ ²⁷ Ha pănh naih tix hungđ săngh nzeetx blangc max? Max đêh! Săngh laix? wâyc zuc pănh âyz Đoouc-lif gâyf ayx max zâyf mah? Six wâyc zuc pănh zeen couv naih seenz Stymz, cayx Năngđ nănh stiz lif gâyf-njanh nâyx.” ²⁸ Pănh pâyz Tênb-Hungh phunz bamh munh cloon nănh hopđ nyâuđ, Six zeen couv seenz Stymz, Six max zâyf wâyc âyz Đoouc-lif gâyf đêh.” ²⁹ Tênb-Hungh six cungb ayx Yiu-tai Munh nyăngz Tênb-Hungh, Mah six ayx cloon max zâyf Yiu-tai Munh Tênb-Hungh? ah nănh yâuc ayx cloon max Zâyf Yiu-tai munh nyăngz Tênb-Hungh.” ³⁰ Cungb naih ah tauh Tênb-Hungh cungđ, Six coong nănh ayx phunz Yiu-tai Munh cloon nănh hopđ nyâuđ, Nănh yâuc ayx muif tauh max zâyf Yiu-tai Munh cloon nănh hopđ nyâuđ, Quaix nănh stiz nyăngz seenz Stymz.” ³¹ Ha six pănh zeen naih seenz Stymz nyăngz jau bix quanyf Đoouc-lif gâyf mah? Max zâyf đêh, Phunb đangz, couv seenz Stymz ayx phunz pănh Đoouc-lif gâyf zâyf năngx wăn têx.”