¹ Pănh toix laiv tauh naih seenz Stymz zeen tuz yongb, six zuc tex zeen max yongb woax đomc munh. Max zâyf cungb nyâyh ayx hopđ cănh pănh nyăngz nyâuđ.” ² Pănh muif lanh six zuc lov jau ayx hopđ phunz cah synh munh phunz nănh stiz tuz gongx, Yâuc stăngc phunz nănh stiz naih seenz Stymz yongb.” ³ Njynh cloon Njâuv Zâu yâuc max lov jau ayx hopđ nănh, Canyx-Stâub ja coong, “Nănh stiz ayx peo nyâuh, Yaz lauf numđ munz stymz.” ⁴ Lôx noib ja Canyx-Stâub nâyx đomc woac six ja taih nongc nzaox pănh, Yâuc phunz pănh naih noic tanyđ yâuc oonz pănh, Pănh nzăngđ naih tync Mungc.” ⁵ oonz nyâuđ cloon naih noic, Six tăng Tênb-Hungh taih, Yaz jođ Tênb-Hungh stăngđ phunz nyâuh yâuf pez cloon Njâuv Zâu Yê-su songc ah tyuh nyâuđ.” ⁶ Woax zanyf nyâuh Yâuf pez songđ songc nyâuđ nongc Stingb tanv pănh nyăngz Njâuv Zâu Yê-su nyăngz Nzangc Pha. ⁷ Nyâuh Yâuf pez lanh six zuc stipx lanh năngđ Njâuv Zâu Stipx nyâuh Yâuf pez nâyx, Phunz Tênb-Hungh tuz Gwăngz-eng.” ⁸ Yaz jođ bux coong, “Njâuv Zâu pênx Yiu-tai Munh nyăngz pâuz, wâyc Phunz Tênb-Hungh cloon Yiu-tai Munh Stongz zez tâuh nyunc đomc woac, seetb taih goib yangh Tênb-Hungh six seenz Gâyf.” ⁹ Năngđ naz songđ phunz max zâyf Yiu-tai Munh stungx ayx Gwăngz-eng phunz Nănh, wâyc zuc Tênb-Hungh hâuđ lênh nănh Stiz, Năngđ Canyx-Stâub ja coong, “Năngđ naz yaz oix yămz max zâyf Yiu-tai Munh nyăngz Mungh tongx tanv mâyh, “Yâuc poux nzungz tanv Mâyh.” ¹⁰ Canyx-Stâub yâuc coong, “woax đomc max zâyf Yiu-tai Munh lex, “nyâuh six zuc cloon Zâu nyăngz pec Stingx hônb-hiđ. ( Nzônh-toic-tâuh 32:43-) ¹¹ “Canyx-Stâub yâuc năngx naih zâux woac coong, “Manc stingx max zâyf Yiu-tai Munh lex! “six zuc tanv Tênb-Hungh, “Manc stingx Munh yâuc zuc ayx Nzungz tanv Nănh. ¹² ê-sai Stênx stengb yâuc ja coong, “Naih ah tauh săngb Hungh tăng Yê-sê stingx seetb Taih, Nâyx tauh Hungh cun Manc stingx max zâyf Yiu-tai Munh. “Nănh Stiz Songđ wâyc Nănh Naih tync Mungc.. ( ê-sai 11:10-) ¹³ Yaz jođ Tênb-Hungh sađ phunz nyâuh Yâuf pez naih tync mungc woax tauh, Phunz nyâuh Yâuf pez naih hônb-hiđ yâuc naih pengh oonz naih Stymz yămz nănh, Năngđ naz singx-lingh nyăngz jab songđ phunz nyâuh Yâuf pez naih tync Mungc.” ¹⁴ Yâuf pez lex, Yaz pâyz tuz nyâuh Yâuf pez ô stayx pong nzuf cuđ dlayc, Yâuc pâyz tuz nyâuh Yâuf pez Naih Muif hungđ bănh sangz lanh nzaox lanh.” ¹⁵ Six nâyx zây jeenx yaz pungx stymz ja naih lănv tauv đungx tyuh jau wâyc oix stăngc phunz nyâuh Yâuf pez săngx tauv, Yaz ayx năngđ nâyx wâyc Tênb-Hungh sađ phunz yaz ah hungđ Sâuđ nyâyc đăkc biêtc.” ¹⁶ Yaz tuz paiđ ayx Njâuv Zâu Yê-su nyăngz pâuz phunz max zâyf Yiu-tai Munh. Yaz canyx bongc Tênb-Hungh băngh cekv lănv cuđ jeenx phunz max zâyf Yiu-tai pênx Tênb-Hungh nyăngz stanyb lanyh, six singx-lingh stungx phunz Tênb-Hungh, Tênb-Hungh songđ numđ nyađ stipx, ¹⁷ Wâyc nâyx yaz numđ nyađ tuz cloon Njâuv Zâu Yê-su songc mengc săngh, Yaz tuz ayx Tênb-Hungh nyăngz cumh pâuz.” ¹⁸ Yaz oix pungx Stymz lănv ah hungđ, Six Njâuv Zâu nongc yaz ênz max zâyf Yiu-tai munh taih Mungv Tênb-Hungh nyăngz woac, Nănh nongc yaz nyăngz woac ayx nyăngz dlayc.” ¹⁹ Nongc naih quyênh nyăngz săngx huđ ayx jix-caox njingf nyăngz dlayc phunz nănh stiz ayx zanyx jênx, Nongc Tênb-Hungh singx-lingh nyăngz quyênh, Tăng Yê-lu-sa-lem Stengv, Lănv cuđ jeenx ninyh tauv I-li-si côkz nzêux stâyz zâuv, Yaz ayx songf nzuf yaz nyăngz cumh Pâuz.” ²⁰ Yaz cungb njăpf tingc nyâuđ ninyh nzônh cuđ jeenx phunz max zengx tuz numđ lănv quaix Njâuv Zâu nyăngz bux woax đomc tync, Yaz max zâyf oix ninyh đămc tauv ayx pyau stangc nyăngz tync, ²¹ âyz năngđ Canyx-Stâub ja coong, “six max zengx tuz numđ munh lănv quaix, “nyăngz jau yâuc tuz phătc, “nzof woax đomc max zengx tuz Mungv Munh lănv quaix Yâuc saz. ²² Nây six wâyc yaz oix ninyh tayđ nyâuh Yâuf pez six max tuz ninyh.” ²³ Six nâyx zanyf yaz yămz nâyx nomz Stâyz-phangz nyăngz cumh pâuz ayx Songf nzuf nzof gôh, Tuz đungx nyăngv quaix yaz seenz oix ninyh tayđ nyâuh Yâuf pez ô stayx.” ²⁴ Six nâyx zanyf yaz nyâyh taih tuz ninyh gôh, Yaz ninyh tây-ban-nya côkz, clăngv quaix nyâuh Yâuf pez woa ninyh ah đapc, Mungc nyâuh Yâuf pez năngx stăngc yaz seetb jau ninyh Tây-ban-nya Côkz.” ²⁵ Six nâyx zanyf yaz oix ninyh Yê-lu-sa-lem Stengv Stăngc woax đomc Zâu nyăngz Yâuf pez.” ²⁶ Wâyc zuc Zâu nyăngz Munh yămz Ma-si-đoan cloon Miênh Nam hi-lapc, clăpx nyanh stăngc yămz Yê-lu-sa-lem Stengv Zâu nyăngz Namh-nyâuc Zâuđ.” ²⁷ Nănh stiz seenz Numđ nyađ căpx nyanh stăngc woax đomc Yâuf pez, wâyc zuc nănh stiz tuz phătc Yiu-tai Munh nyăngz pôz, Nănh stiz six max zâyf Yiu-tai Munh, Six nănh stiz tuz Yiu-tai Munh tanb singx-lingh phunz nănh stiz, Nănh stiz songđ zuc nongc jax dlaih stăngc phunz Yiu-tai Munh.” ²⁸ Zu yaz ayx songf cumh pâuz stungx nyanh ninyh jaoz phunz yêmv nyăngz Yâuf pez yămz Yê-lu-sa-lem Stengv nzof yaz songđ clăngv quaix nyâuh Yâuf pez woa ninyh Tây-ban-nya Côkz.” ²⁹ Yaz pâyz tuz ninyh tauv nyâuh woa yaz six nzâyz Njâuv Zâu nyăngz pôz năngx đungx ninyh phunz nyâuh.” ³⁰ Yâuf pez lex! Pănh zeen Zâu Yê-su, singx-lingh songđ phunz pănh stăngz Munh, Yaz songđ jođ nyâuđ Yâuf pez nongc jab joomz nyâuđ clo Zâu jođ Tênb-Hungh stăngc yaz.” ³¹ Jođ clo-Zâu leđ yaz, Phunz yaz max zuc Yu-đê Stengv max zeen Zâu nyăngz Munh ayx toix lungđ hoiđ yaz, Yâuc jođ phunz yaz bênc ah monx quah nzâyz ninyh phunz tauv yămz Yê-lu-sa-lem Stengv Zâu nyăngz pec stingx numđ nyađ.” ³² Six coong Zâu năngđ oix nongc Têx, Yaz songđ naih congv gongx tuz ninyh tauv tayđ nyâuh Yâuf pez tuz sec hitb conv.” ³³ Jođ Zâu nyăngz pengh oonz cloon nyâuh muif tauh Yâuf pez ô Stayx tinyh đoih yămz A-Men.”