¹ Six zuc stipx zeen lanz nyăngz Munh, Yâuc max nongc nzengz nănh stiz zeen nyăngz jau.” ² Naih phanx zeen coong muif hungđ nhlync tuz, Six naih ah phanx zeen max yongb cungb Nhyinc đăngb. ³ Naih ah phanx nyâyh coong muif hungđ nhlync tuz nzuf, Six max nongc mangc stam Nhlync đăngb woax tauh, nzof nhlync đăngb woax tauh yâuc max nongc tingc woax tauh nhlync tuz muif hungđ nyăngz Stoif, wâyc Tênb-Hungh bêc stipx nănh nzof gôh.” ⁴ Nyâuh Yâuf pez six toix tauh bix năngx nzađ tingc pitc tauh pâuz nyăngz Stoif? “Cungb naih ah tauh Zâu naih quyênh tingc ayx yoiz, Max yoiz lêđ đêh, “Six Zâu nyăngz pâuz ayx six yoiz, wâyc zuc Zâu stăngc nănh nyăngz pâuz.” ⁵ Naih ah tauh stunx naih pitc noib nongc năngx seen têx, Six naih ah lanh Stunx muif noib tinyh năngđ, Toix laiv tauh zeen toix lungđ nongc seen bix zeen.” ⁶ Wâyc zuc naih munh coong, “Nâyx noib năngx seen têx pitc noib, “six woax tauh nhlync tuz muif hungđ lauf wâyc Zâu, wâyc zuc nănh stiz ayx Năngđ nâyx lauf wâyc bongc Zâu, ah phanx nhlync Đăngb lauf wâyc hâuđ Zâu, Nănh stiz ayx năngđ nâyx hâuđ Tênb-Hungh.” ⁷ Pănh max naih toix laiv tauh săngh mah six tayc wâyc Pănh.” ⁸ Pănh săngh six săngh wâyc Zâu, Pănh tayc six tayc wâyc Zâu, năngđ naz, max cunv pănh săngh mah six tayc songđ pênx Zâu nyăngz Munh.” ⁹ Njâuv Zâu tayc năngx săngh phunb stengb taih, nănh munh Săngh, Cloon munh tayc nyăngz Zâu.” ¹⁰ Ha nyâuh Yâuf pez săngh laix bix tingc pitc tauh Njâuv Zâu Munh nyăngz Stoif? Săngh laix nyâuh Yâuf pez bix mangc stam nănh stiz? Pănh muif tauh munh six zuc Stâuđ yămz Tênb-Hungh nyăngz cah đangc zuc stămđ Stoif.” ¹¹ Năngđ Canyx-Stâub ja coong, “Tênb-Hungh coong, “Zăkx-zeenx yaz six Săngh Mengc nyăngz woac, “Muif tauh munh six quâyc nzac paix yaz nyăngz cah đangc, “hănđ Six toix tauh Yâuc nhlimc yaz ayx Tênb-Hungh.” (ê-sai 45:23-) ¹² Năngđ ha pănh muif tauh Munh six zuc lănv pănh ayx nyăngz dlayc bux bây Tênb-Hungh.” ¹³ Wâyc năngđ nâyx pănh max cuyb lanh tingc lanh nyăngz Stoif, Phunb đangz six zuc tingc nyâuđ max nongc jac phunz toix laiv tauh zeen Zâu nyăngz munh pamf Stoif. ¹⁴ Yaz cloon Zâu Yê-su songc Mengc Săngh, Yaz songđ pâyz tingc max naih toix laiv hungđ Nhlync hopb naih wâyx, Six toix laiv lanh stunx woax hungđ naih wâyx, six wâyc nănh cănh naih wâyx.” ¹⁵ Six coong nyâuh Nhlync nyăngz tax hungđ phunz nyâuh nyăngz Yâuf pez nyâuđ munz, nyâuh ayx nyăngz dlayc phunz nyâuh max stăngz nyâuh nyăngz Yâuf pez, Zâu Yê-su tayc wâyc woax lanh Munh nzof gôh, Max nongc phunz nănh wâyc nyâuh nyăngz Nhlync hopb nyăngz tax hungđ Phunz nănh zuc mêtc.” ¹⁶ Năngx gâyf phunz pănh Stunx Six gongx, Pitc tauh stunx pênx huđ.” ¹⁷ Tênb-côkz, six max zâyf Nhlync hopb nyăngz tax hungđ, Nongc seen quaix six singx-lingh phunz munh cloon Tênb-Hungh hopđ nyâuđ, Yâuc pengh oonz. waib lokc pengh oonz.” ¹⁸ Toix tauh canyx bongc Njâuv Zâu âyz nâyx đomc gao ayx Songđ hopđ Tênb-Hungh nyăngz Stymz nyâuđ, Yâuc tuz Muif lanh munh Numđ nyađ stipx.” ¹⁹ Năngđ nâyx pănh ayx nyăngz dlayc songđ zuc lanh Stăngc lanh waib lokc yămz. ²⁰ Nongx gâyf bây pănh nyănggz Nhlync hopb ayx quaiz Tênb-Hungh nyăngz cumh pâuz, Six yâuc nongx Gâyf bây pitc tauh coong pănh nyăngz Nhlync hopb naih wâyx.” ²¹ Năngx gongx quaix Six max Nhlync A, max hopb tyu, Mah six ayx toix lungđ phunz pănh nyăngz Yâuf-pez pamf Stoif.” ²² Nâyx hungđ dlayc six lănv tauv nyâuh Yâuf pez zeen nyăngz jau, nyâuh cloon Tênb-Hungh six zuc pâyz tuz tingc, Toix tauh tingc nyâuđ năngđ nâyx ayx, Six toix, max naih toix lungđ taih coux pănh nyăngz Stynb stayđ.” ²³ Six coong toix laiv lanh nhlync hopb tax hungđ, Pănh numđ toix yâuc longđ, woax tauh songđ max ayx âyz nănh zeen nyăngz jau, Toix laiv hungđ pănh ayx bix pâyz coong max toix six săngh Stoif gôh.”