¹ Nyâuh Yâuf pez six zuc mungv Hungh pâu zanyx quyênh, wâyc zuc max naih laiv hungđ hungh lanyf, Bix max zâyf Tênb-Hungh njăpf taih, Six nâyx zanyf, ayx quanz naih lanyf nyăngz munh six Tênb-Hungh njăpf Taih.” ² Six coong laiv Tauh aox zanyx pâu, woax tauh lauf nzengz Tênb-Hungh, woax tauh songđ zuc tingc Stoif.” ³ Toix laiv lanh ayx toix woax tauh max zuc cumh nzav zanyx quyênh, Six laiv tauh ayx saih nzăngđ numđ cumh nzav, nyâuh Yâuf pez naih toix lanh oix gâyh cumh nzav zanyx quyênh max? six zuc ayx gongx dlayc nzăngđ max numđ cumh nzav zanyx pâu, Nănh stiz songđ tanv nyâuh Yâuf pez.” ⁴ Wâyc zuc ayx quanz pâu nyăngz munh six ayx Tênb-Hungh nyăngz pâuz, stăngc nyâuh Yâuf pez tuz gongx, Six coong nyâuh Yâuf pez ayx huđ dlayc songđ zuc cumh nzav quanz Pâu, wâyc zuc nănh stiz seenz naih lanyf tingc nyâuh nyăngz Stoif, Nănh stiz six stăngc Tênb-Hungh clao Yônz phunz ayx huđ nyăngz munh.” ⁵ Năngđ nâyx nyâuh Yâuf pez six zuc mungv Hungh pâu nyăngz woac, Max zâyf cungb wâyc tuz gâyh zuc tingc Stoif, Năngx phunz nyâuh Yâuf paz pâyz tuz ayx hopđ nyăngz jau.” ⁶ Wâyc năngđ nâyx nyâuh Yâuf pez six zuc seetb sôiv phunz Hungh pâu, wâyc zuc nănh stiz ayx Hungh pâu nyăngz cumh pâuz, yâuc stăngc Tênb-Hungh ayx cumh Pâuz.” ⁷ Sămv laiv tauh nyăngz zaix Six six zuc clao Phunz nănh, Sêmv toix tauh nyăngz sôiv six six zuc phunz woax tauh, yâuc nênf toix laiv lanh hopđ zuc nênf.” ⁸ Manc dlayc năngx gâyf sămv toix laiv lanh nyăngz zaix, Cungb zuc sămv lanh Stăngz lanh nyăngz zaix, Toix laiv tauh Stăngz Munh songđ âyz nzuf Tênb-Hungh nyăngz Đoouc-lif gâyf. ⁹ Đoouc-lif coong, “Max cuyb pamf pongz lauh nyăngz Stoif, “Max cuyb tayx Munh, “Max cuyb ayx stac, “Max cuyb mauh munh nyăngz tax hungđ, “Nâyx đomc yeetx Stong Đoouc-lif gâyf clopb Coong, “six zuc stăngz Munh năngđ stăngz pănh nyăngz Stynb nâyx.” ¹⁰ Toix laiv tauh stăngz Munh six max ayx hoiđ pitc tauh Munh, wâyc năngđ nâyx, Toix laiv tauh stăngz Munh songđ âyz nzuf Đoouc-lif gâyf.” ¹¹ Six zuc năngđ nâyx yămz, wâyc zuc pănh pâyz tuz nâyx yeenh stâyv nyăngz săngx huđ nongc seen nzongf, wâyc zuc nyâuh Yâuf pez mâyc njoomh nyăngz Munh, Cayx tauv săngx huđ đyub Taih.” Wâyc zuc Njâuv pôz taih tauv Stătx pănh nyăngz Săngx huđ, ¹² Gungh nzămc oix quaix căn, Gungh Gwăngz oix taih tauv, seenz zuc quanyf nzuf yămz nzămc ayx huđ dlayc, six zuc zoongz ayx yămz Gwăngz bopc zax nyăngz tungh zangc.” ¹³ Pănh six zuc săngh payh zuc yămz Gwăngz nyăngz munh, Max cuyb tac bopb tyu binz nyăngz Munh, Max tuz văngc Munh, tingh Panx.” ¹⁴ Six zuc yămz năngđ Njâuv Zâu Yê-su nâyx, Muif lanh Munh phătc nyâuh Yâuf-pez, Songđ phătc Zâu yămz pănh cah njaf.”