¹ Yaz zâyf năngx phătc stâyv woa Hungh tync woax tauh byauh puf nzauf Ah zây stâub, ja đăngc ănz cungh gwoaic, njynh cloon cah njaf, yâuc năngx naih nhlic nomz yeenx tăpx ănz woa. ² Yâuc naih ah tauh yongb nzongf nyăngz Stynz-munh hamv stingb lub coong, “naih laiv lanh payh tuz coib nâyx nomz yeenx? Cloon nâyx zây stâub? ³ Yămz Tênb-toongh mah six yămz bamh canz,mah six yămz nib đi, max naih laiv lanh hayh coib tuz nâyx punf stâub nongc mangc cah njaf six lănv laiv hungđ. ⁴ Yaz seenz haoh tuz caux stâuv, wâyc zuc max naih laiv lanh payh tuz coib nâyx zây stâub nongc mangc cah njaf. ⁵ Six woax đomc munh côx naih ah lanh bux yaz Coong, “ năngx gâyf haoh mangc geh! Wâyc zuc Yu-đa stingx, dlănh nyăngz njanh zongh, Đa-vitv nyăngz Sây stunz, tuz hingh, nănh songđ hayh coib tuz nâyx đomc nhlic nomz yeenx, cloon nây punf stâub. ⁶ Yaz mangc phătc naih ah tauh Pa-kiz yungh cayx năngđ ah yađ zuc tayx tayc nâyx yămz woa pyâyz tauh stanyb hauđ nyăngz mungh tongx congv, cloon woax đomc munh côx quib woa. Naih nhlic nomz joongz, cloon nhlic nomz mâyc, âyz gâyf six Tênb-Hungh paiđ nănh nhlic nomz mengc hoonh ninyh nzêux nây bamh canz. ⁷ Pa-kiz yungh toonz songđ ninyh lumz zoz stâyv woax tauh byaoh puf nzauf woax zây stâub nzâyz taih. ⁸ Nănh ninyh zoz woax zây stâub woax zanyf, woa pyâyz tauh săngh nyăngz tax hungđ, cloon woax đomc nhlic săpc stâyz lanh munh côx, yâuc quâyc nzac pa-kiz yungh jeenz cah đangc paix nănh, nănh stiz muif lanh nzauf lanh nomz sămz hungb wăn, woax đomc sămz hungb wăn ănz pong nzuf, Tênb-Hungh nyăngz đăngb zengh pec clo Zâu woac. ⁹ Nănh stiz yâuc ayx ah baih săngb nzungz tanv Coong, “mâyh payh tuz zoz lâyc pun stâub, cloon lâyc đomc yeenx taih coib mangc, wâyc zuc mâyh nyunc zuc tayx tayc nongc mâyh nyăngz samđ maif muif hungđ munh. Yâuc maif yămz muif stingx munh, muif hungđ woac, muif nomz Côkz nyăngz munh nzâyz nănh stiz lauf phunz Zâu Tênb-Hungh. ¹⁰ Nănh pyênv woax đomc munh pênx Tênb-Hungh nyăngz Côkz nyăngz pec stingx, yâuc pyênv nănh stiz săngh bokc dlic pănh nyăngz Zâu Tênb-Hungh. Nănh stiz yâuc tuz cun nây bamh canz. ¹¹ Yaz mangc yâuc mungv numđ săngh jeof săngh panc stynz-munh nyăngz stingb. Woax đomc săngh nyăngz tax hungđ, cloon woax đomc munh côx quib woa Hungh tync. ¹² Tinyh đoih nongc stingb hamv tanv nănh coong, “Pa-kiz yungh zuc tayx tayc, mâyh zuc jic tuz naih quyênh, naih puv quâyx, naih jab, naih tongb manyh, jic tuz naih manyh yangh phunz munh tanv. ¹³ Yâuc numđ yămz Tênb-toongh, yămz bamh canz, yămz nib đi, yămz coiđ cah njaf, Zâu zâyx taih nyăngz muif hungđ tanv nănh Coong, “tanv stâyv woa Hungh tync, Cloon woax tauh Pa-kiz yungh jeenz.. wâyc zuc nănh stiz stâyv quâyx naih Hungh lanyf, naih manyh tauh, naih jab naih gwăngz-eng. Tauv banc stâyv banc đaic. ¹⁴ woax đomc pyâyz tauh stanyb hauc tinyh đoih coong, “A-men nzof, woax đomc munh côx nzăngđ quâyc nzac paix.”