¹ Woax đomc nhlic tauh stynz-mumh nzauf nhlic nomz staiz nanc zan nyăngz Stynz-munh bux yaz coong, “Quaix nây taih, yaz oix phunz mâyh phătc stâyv woa đungx nomz womz sting woax tauh pongz lauh nyăngz munh nzif sab zuc tingc stoif năngđ laix. ² Gungh đi nyăngz Hungh stiz văngc nănh, bamh canz nyăngz nyeenh mănh yâuc bynz nănh ayx pongz lauh nyăngz tyu. ³ Nzof Stynz-munh nyăngz Singx-lingh năngx ênz yaz ninyh woa stâyz-phangz blănf mangc woax tauh ayx pongz lauh nyăngz munh nzif sab zâyh ah tauh stengb hiv njaox stib, nănh naih nhlic nomz joongz, săpc nomz pyây, naih ja pamf Tênb-Hungh nyăngz bux pong nănh nyăngz stynb. ⁴ Woax tauh munh nzif zuz gwuyz quav mâuh mengz buf, stib côx. Nănh nongc njauz saix cloon pou zâuz cloon sămz zoongz stynb, nănh nyăngz puf nzauf ah nomz sămz zan, zamđ pong văngc munh nyăngz tyu. ⁵ Nănh nyăngz pyây ploongh ja ah nomz max zengx plongx yangh nyăngz bux, woax nomz bux nyăngz âyz gâyf six năngđ nâyx.Ba-bi-lôn stengv nyăngz munh nzif sab six ayx pongz lauh nyăngz munh nzif stengv nyăngz bamh canz. ⁶ Yaz mangc yâuc phătc woax tauh ayx pongz lauh nyăngz munh nzif sab, hopb stăngc Yê-su ayx zanyx manyf woax đomc đăngb zengh munh nyăngz samđ bynz, yaz mangc phătc tauh munh nzif sab, yaz seenz phătc njingc nzongf. ⁷ Stynz-munh naic yaz coong, “săngh laix mâyh bix nyâyh ganc? Yaz oix pob manyf woax tauh ayx pongz lauh nyăngz munh sab, cloon nănh zâyh woax tauh stengb hiv, nhlic nomz pyây, săpc nomz joongz max zengx plongx yangh nyăngz âyz bux phunz mâyh pâyz. ⁸ Mâyh phătc woax tauh Stengb hiv tax hungđ, cah đangc noib nănh săngh, six nâyx zanyf nănh max naih nzof, max naih lauh năngx yămz woa đôz nzongf nyăngz staiz nanc cotb seetb taih, ninyh nzac zuc mêtc nyăngz tync. Năngx naih woax đomc munh tăng max zengx zâyx nib woax zanyf, nănh stiz săngh yămz nây nib mync, yâuc max tuz ja bux ănz săngh mengc tanz woax đomc munh, phătc nănh stiz seenz phătc njingc nzongf, wâyc zuc cah đangc noib nănh săngh, nâyx zanyf nănh tayc max naih, six max lauh nănh zâyf năngx oix taih woax tauh. ⁹ nâyx đomc dlayc, six zuc nongc naih tongb manyh nzăngđ pâyz tuz manyh pec, nâyx tauh stengb hiv nhlic nomz pyây, âyz gâyf six woax tauh munh sab stâyv woa nhlic nomz zoongz. ¹⁰ Lâyđ nhlic nomz pyây six woa tauh Hungh, pyaz tauh jac nzuf, năngx naih iz tauh, ah tauh nâyx zanyf năngx nzauf quyênh, six năngx naih ah tauh max zengx taih, six tauv nănh taih, nănh cungb yămz ah dlapc thơih gian niny. ¹¹ Cah đangc noib yămz nâyx zanyf max naih woax tauh stengb hiv, six ayx tah pêtz woax tauh Hungh, woax tauh Hungh nănh lauf songc woa nhlic tauh Hungh, six nănh lauf ninyh nzac zuc tayc nyăngz tync. ¹² Mâyh phătc lâyc săpc nomz joongz, six woa săpc tauh Hungh max zengx tuz stipx lanyf ayx Hungh, six nănh stiz tuz stipx lanyf ayx Hungh, cloon woax đomc stengb hiv ayx Hungh songc ah nomz săngx huđ. ¹³ Woax đomc săpc tauh Hungh stix căpx dlonf songc nyâuđ jaoz lanyf phunz woax đomc stengb hiv. ¹⁴ Nănh stiz oix cloon pa-jiz yungh panx zax, six pa-jiz yungh hingh quaix nănh stiz, wâyc zuc Zâu six ayx manf Côkz nyăngz Zâu, manf Côkz nyăngz Hungh, Zâu cloon nănh sên taih naih stymz nyăngz munh tuz hingh quaix nănh stiz. ¹⁵ Stynz-munh năngx bux yaz coong, “mâyh phătc lâyc tauh ya pongz lauh nyăngz munh sab stâyv lâyc đungx nomz womz sting six pây tauv muif hungđ pec stingx, muif nomz côkz, Coong đungx hungđ woac nyăngz nyeenh mănh yămz nây bamh canz. ¹⁶ Mâyh phătc lâyc tauh stengb hiv săpc nomz joongz, songđ oix hănđ lâyc tauh pongz lauh pongz lauh nyăngz munh sab, nănh stiz songđ oix zeb tuz nănh nyăngz stynb sangc blănf nzuf, nănh stiz songđ zeb nănh nyăngz A nhlinc, yâuc zoz tâuf pu tuz yiuc nzuf. ¹⁷ Wâyc zuc Tênb-Hungh cănh phunz nănh stiz naih nyâuđ ayx âyz nănh stiz nyăngz zux ix. Nănh stiz songđ zoz nănh stiz nyăngz Hungh lanyf taih jaoz phunz woax đomc stengb hiv, ayx tauv Tênb-Hungh nyăngz woac seetb taih toix nzuf. ¹⁸ Mâyh phătc lâyc tauh ya munh sab six Cun nây gungh đi munh nyăngz Hungh stengv lub quaix woax tauh.