¹ Yâuf pez lex! Cah đangc noib yaz max hayh cloon nyâuh naih Singx-lingh coong woac, âyz zeen Njâuv Zâu nyâuh six cayx năngđ munh sây zeen. ² Tăng woax zanyf yaz cungb nongc nu uyx nyâuh yâuf pez, wâyc zuc nyâuh max zengx hayh nhlync tuz năngv nhlengc, hănđ tauv nâyx zanyf nyâuh lauf max zengx nhlync tuz. ³ Wâyc zuc nyâuh yâuf pez lauf yămz năngđ bamh canz nyăngz munh, songđ wâyc nyâuh yâuf pez lauf năngx naih lanh hănđ lanh tinyh nzengz nyăngz dlayc, ha nyâuh max zâyf săngh bamh canz nyăngz munh mah? ⁴ Nyâuh yâuf pez naih ah lanh coong, “yaz lêpc Phao-lô, pitc tauh Coong, “yaz lêpc A-bô-lô, năngđ ha max zâyf nyâuh yâuf pez ayx âyz bamh munh mah? ⁵ A-bô-lô six lungđ munh? Phao-lô six ayx lungđ munh? Buz cungb ayx Tênb-Hungh paiđ phunz nyăngz cumh pâuz munh, yeenv nyâuh yâuf pez zeen Zâu, coz munh cănh naih coz munh nyăngz phănc ayx. ⁶ Yaz songx nhlimb, A-bô-lô ănz womz, six Tênb-Hungh ayx phunz lub taih nzăngđ zâyf nongc seen. ⁷ Songx nhlimb clon ănz womz nyăngz munh max nongc seen, nongc seen Quaix six ayx phunz lub taih woax tauh Tênb-Hungh. ⁸ Songx cloon ănz womz woa iz lanh munh tuz congz tinyh năngđ, muif lanh munh songđ tuz sâuđ nyâyc âyz nănh stiz ayx nyăngz congz. ⁹ buz clo Tênb-Hungh songc ayx congz, nyâuh yâuf pez six ayx njingh tâyc, yâuc ayx Tênb-Hungh nyăngz pyau. ¹⁰ âyz Tênb-Hungh sađ phunz yaz nyăngz pôz, yaz ayx nyăngz phănc six năngđ luh panz yoiz zâyv pyau stangc nyăngz munh, zâyv tuz pyau nib tangc, pitc lanh six zuc stêu stimz mangc jađ cayx ayx năngđ laix. ¹¹ Max naih pitc tauh hayh njăpc tuz coonz tay wăn, seetb blătc pănh nyăngz Njâuv Zâu Yê-su. ¹² Six naih mănv nongc sămz, nongc nyanh, mah six nongc saix nyăngz njauz pyây, mah six nongc njăngx, mah six nongc mađ, mah six bah gao zâyv ănz nâyx sênz pyau tâyc? ¹³ Six tauv stămđ stoif woax noib, coz munh ayx nyăngz congz songđ zuc hynđ yangh seetb taih, tâuf songđ oix pu stâyv nănh stiz mangc. ¹⁴ Six tauh luh panz zâyv nâyx đomc pyau bix tâuf pu max sac, woax tauh songđ tuz stipx sâuđ nyâyc. ¹⁵ Six nâyx đomc tax hungđ bix năngx zuc tâuf pu sac nzuf, zâyv pyau stangc lauf năngx tuz Njâuv, six cayx năngđ nănh nyăngz sâuđ nyâyc songđ zuc tuih nzuf, nănh yâuc cayx năngđ tăng tâuf zab zoz seetb taih nyăngz munh. ¹⁶ Nyâuh yâuc pez max pâyz tuz pănh nyăngz stynb six Singx-lingh nyăngz tync mah? Nzof Tênb-Hungh yâuf yămz pănh yâuf pez cah njaf mah? ¹⁷ Six Coong laiv lanh năngđ phax Tênb-Hungh nyăngz singz tanh Quaiz, Tênb-Hungh lauf phax woax tauh munh, wâyc zuc Tênb-Hungh nyăngz tync six đăngb, nyâuh yâuf pez six woa congx toongh gôh. ¹⁸ Năngx gâyf cănh jaf pănh nyăngz stynb, six coong nyâuh woa yâuf pez naih laiv lanh numđ nănh naih tongb mayh lemđ năngđ nâyx yeenh stâyv munh, six zuc nhlimc ayx oongx, nzăngđ tuz naih tongb manyh. ¹⁹ Wâyc zuc bamh munh stunx naih tongb manyh nyăngz jau, âyz Tênb-Hungh stunx six oongx nzongf, năngđ Canyx-stâub ja lănv Coong, “Tênb-Hungh cănh nongc tongb manyh munh nyăngz tongb manyh ayx ploz lopb nănh stiz. ²⁰ Yâuc năngx naih ah zâux woac lănv Coong, “Zâu pâyz tuz tongb manyh munh nyâyh seetb taih nyăngz jau six max săngh nongc. ²¹ Wâyc zuc năngđ nâyx, nongx gâyf zoz pitc tauh taih zanyb ayx lub, muif hungđ dlayc six săngh nyâuh yâuf pez nyăngz nzuf. ²² Max cun Phao-lô, mah six A-bô-lô, mah six Phê-e-rơ, mah six nâyx nomz bamh canz, max cun tayc mah six săngh, nâyx yeenh stâyv mah six đangz phanx. Yeetx stong six săngh nyâuh yâuf pez nyăngz nzuf. ²³ Nyâuh yâuf pez six săngh Njâuv Zâu nyăngz phănc, nzof Njâuv Zâu yâuf săngh Tênb-Hungh nyăngz phănc.”