¹ Chali vii ukuti lyo Yesu wamala amazwi wonsi ya, wavwanzile kuyasambili yakwe , ² '' mumanyile ukuti nanthi papita amanda yayili ukulya ichibama kumayiza, nga numwana wa munthu alipelwa ukuti yamupamanthile pachichingano.'' ³ Apono yasimapepo ayakalamba ni nkhombe zya yanthu ya komekhine ukwisano mwakwe simapepo mkaramba, wino yamwamanga kaifa. ⁴ Yapangine ponga muno yangamulemela Yesu mwakuchenjela nu kumukoma. ⁵ mwakuti yalamwile, '' foo umu wanda ukalamba, pakuti patize pakatuke ivyongo umu wantu.'' ⁶ Nomba lino Yesu ali mu Bethany mung'anda yakwe Simon uwamambombo , ⁷ lino ali pakulya pi tewulo, umwanachi wizile kuli weliwe wino walinji nibotolo lyamafuta yamutengo wapatali, nukumwitila pamutwe wakwe . ⁸ Kweni lino ayalondezi yakwe yachilola chino yasosile nukuvwanga ukuti, '' umulandu wachani chino wonona vikwene ? ⁹ Chi nge chakazwa pamutengo uwukalamba nukupa ayalanda .'' ¹⁰ Lino yesu, wamanya chii , watile kuli woliwo,''ichani chino mukumuchuzya umwanachi wii pakuti wantchitila ichisuma. ¹¹ Lyonsi mwaya nawo ayapina , kwene lyosi mutaliya nanene. ¹² Pakuti lino wanjitila amafuta yaa apa mwili wane , wasenginye lyalimwi ukuzikwa kwane. ¹³ Ichumi nkuwanena, konsi kuno yakakosola ilandwe lino munsi yonsi, chino umwanachi wino wachita chilivwangwa pakukumbuka umwanachi wino .'' ¹⁴ Apano wenga uwa ikumi lyonga na yayili, wino yamwamile Yudasi Isikaliotiti, wayile uku yakalamba ya simapepo. ¹⁵ nukuvwanga, '' Ichani chino mukulonda ukumphela ndinamuleta kulimwemwe? '' Yamupimile impiya zyakwe Siliva amakumi yatatu. ¹⁶ Pakufuma pa nsita yiyokwene walondonga ulongo ulwkuzanila inzila iya kuwatwalila . ¹⁷ Nomba pawanda wakutalika uwamukate wuno wutaya nichilungo ayalondezi yizile kuli Yesu nukuti,'' Mukulonda tuwalinganizge kwinye kuno mukalile ichakulya chapasaka ?'' ¹⁸ Watile , '' Yanji mumusumba kumonsi wumwi mukati kuli weliwe , ' Umusambilizi akuti, '' Insita yane yakwana . Nimalila pasaka mung'anda yako nayalondezi yane .'''' ¹⁹ Ayalondezi yawonvile ngati muno Yesu wawatumile , nga yasenginye pasaka. ²⁰ Lino amanguzi yiza , wikazile nukulya nawo ayalondezi ikumi lyonga nayayili. ²¹ Lino yakulya , watile , '' Umolimo nkhuvwanga kuli mwemwe ukuti wenga muli mwemwe alinkhana .'' ²² Wonsi yalinji nichitima , nga wensi watalike ukumuwuzichisya , '' Nadi sanene, Leza ?'' ²³ Waswike, '' Wino amatela ikasa lyakwe ponga nanene umulyeso awino alinkhana . ²⁴ Umwana wamunthu alipita , ngati muno chawalichilwa vwakwe weliwe. Kwene ichamukoi kumunthu wino umwana wamunthu wakanwa! Chingaya ichisuma nanthi umunthu wino atapapwanga .'' ²⁵ Yudasi ,wino alimukana watile , '' Wuzge anene, Kasambilizga ?'' watili kuli weliwe , '' Wavwanga wenga .'' ²⁶ Lino yakulya , Yesu wanyamwile umukate , nukusalifya , nukumukonyola . Wawapile ayalondezi yakwe nukuti kuli woliwo, '' Sendini , lyini. Wu umwili wane .'' ²⁷ Wasenzile ichikombe nukusalifya , nukuwapa woliwo nukuti, '' Mwini , mwensi. ²⁸ Amuno wu uwazi wane uwalipangano lino lyitwa kuyinji ukuti atetelwe uwononyi wane . ²⁹ Kwene nkhuti kuli mwemwe , nthalingwa nupya ivyachikomwa cha myangazi, mphaka pa wanda pano ndimwa namwe ichipya namwe muwumwene wakwe tata.'' ³⁰ Lino yimbila ulwimbo , yayile kumwamba wakwe Olives. ³¹ Apano Yesu watili kuli woliwo , '' Mwensi mwemwe mukuzapona uwusiku umulandu wakwe nene, amuno chawalikwa, ' Ndikoma kachema wang'onzi nu mskambo wang'onzi wisalangana.' ³² Kweni nanthi niza nanyamuswa , ndiwapitilila ukuya mu Galileya.'' ³³ Kweni Peteli watili kuli weliwe ,'' Napano wonsi yangapona umulandu wakwe wewe , Nemo nthalitela imphone.'' ³⁴ Yesu watili kuli weliwe,'' Umolimo kuvwanga kuli wewe , uwusiku wukwene , lino mukolwe atani alile , ukuzankhana katatu.'' ³⁵ Peteli watili kuli weliwe ,''Napano ningafwa nawewe, nthalikukanapo.'' Wonsi ayalondezi yakwe yavwanzile chilichimwi. ³⁶ Apano Yesu wayile nawo kumalo yamwi yano yakayamwa Getsemane nga watili kuyalondezi yakwe ,'' Yikalini pakwene pano nkhuya kulya pakupepa .'' ³⁷ Wamusenzile Peteli nayana yayili yakwe Zebediya ngawatalike ukuya nichitima nukuchula sana . ³⁸ Ngawatili kuli woliwo , '' Umwenzo wane wuli nichitima sana , napano apakufwa. Syalini pakwene tulolele pamwi.'' ³⁹ Wayile apatali panono , winime, , nukupepa. Watili , ''Tata wane , nanthi chingawombwa, zumilizgini ukuti ichikombe chino chimphitilile . Kweni, chitaya ngati muno nkhulondela,'' ⁴⁰ Wizile kuyalondezi nga wawazanyile yalazile , ngawatili kuli Peteli ,'' Ngaichani mutange mulole nanene pamphindi yonga nanene ? ⁴¹ Nyamukini mwapepa ukuti mutinjila mukuyezwa . Umupasi wukulonda kweni , kweni umwili wusi namaka.'' ⁴² Wayile nupya kawe chili nukuyapepa . Watili , '' Tata wane, nanthi chino chitange chipite mphaka pano nangwa. Ukulonda kwako kuwombwe .'' ⁴³ Wizile nupya nukuwazana yalazile , muno aminso yawo yali nutulo . . ⁴⁴ Apano wawasile nupya, wapisile nukuyapepa kakwe chitatu , ukuvwanga amazwi yaliwonga . ⁴⁵ Apano yesu wizile kuyalondezi yakwe , ''Muchili mulazile mukupuza nukupuza ? Lolini, insita yakwana, nganumwana wamunthu ali pakukanwa ukuya mumakasa yawononyi. ⁴⁶ Nyamukini , tuyani twapita . Lolini , wino amankhana ali papipi.'' ⁴⁷ Lino achili akuvwanga , Yuda , wenga muli yalya ikumi lyonga nayayili, wizile . Iwumba ilikalamba lyizile nawe ukufuma kuli mwemwe nayakalamba yawanthu. Yizile nivimayi nindugu. ⁴⁸ Nomba umunthu wino walinji ukuti amamukana Yesu wawapile ichimanyisyo , nukuti, '' Wino namufyompha ali weliwe. Mumuleme.'' ⁴⁹ Papokwene wizile kuli Yesu nukuti , '' muliwuli , Musambilizgi!'' nga wamufyonfile. ⁵⁰ Yesu watili kuli weliwe , '' Munji, womba chino wizile ukuti uwombe .'' Apano yizile , yayisile amakasa pali Yesu , nga yamulemile . ⁵¹ Fwasini, wenga wino wali na Yesu wazungulwile ikasa lyakwe , nukusenda ichimayi , nga wamumile umuwonvi wakwe mwene , nukumuputula ikutwi lyakwe . ⁵² Apano Yesu watili kuli weliwe, '' Wezga ichimayi chicho pamalo yakwe, muno wonsi yano yakusenda ichimayi yalononeka nichimayi. ⁵³ Mukwelenganya ukuti nthange mwame tata wane , nga anganthumila ukulusya .........yayangeli? ⁵⁴ Kweni amazwi yakwe Leza yangakwaniliswa wuli , ukuti chi chiwombwe ? '' ⁵⁵ Apano pansita yilya kwene Yesu watili kwiwumba , '' Mwiza nivimayi nponga nindugu ukuti mwize mundeme ngati ne mwivi? Uwanda wonsi nikazile namwe nukusambilizga mung'anda yamapepo, kweni mutanyefile . ⁵⁶ Kweni vyonsi vino vwawombwa ukuti vino vwawalikwa nintchimi vikwaniliswe.'' Nga apano ayalondezi wonsi yamusile nukusata . ⁵⁷ Yano yamulemile Yesu yamutwazile kuli Caiaphas mwene umukalamba , kuno yakawalika nayakalamba yakongine. ⁵⁸ Kweni Peteli wamukonkhanga apatali ukuya kumusumba wakwe mwene. Winjile mukasdi nukwikala pansi ponga nakalola ukuti yalole chino chimawombwa . ⁵⁹ Nomba yasimapepo akalamba nga ni chilye chonsi yalondanga uwukamboni wawufi kuli Yesu ukuti yamupingwile ukuti afwe. ⁶⁰ Yatazanyile nawumwi, napano wuli ayinji yakamboni yawufi yizile nuwukamboni wawo. Yizile yamwi yayili ⁶¹ nukuti,'' Umunthu wino watile ,' Ningonona ing'anda iyikalamba yakwe Leza nukuti ningazenga pamanda yatatu.''' ⁶² Simapepo mukalamba wakatwike nukuti kuliweliwe ,'' Wuzge utakweti ivyakwasuka ? Ichani chino yakusimichizga kuli wewe?'' ⁶³ Kweni Yesu wamyalile . Simapepo mukalamba watile kuli weliwe,'' Nkhukunena muli Leza , tuwuzge nanthi we Khilisitu, umwana wakwe Leza, ⁶⁴ Yesu waswike kuli weliwe,'' Uvyanga wenga. Kwene nkhukunena, ukufuma ilelo ulumulola umwana wa munthu ayikazile ukwikasa lyakwe ndilo ilyamaka, nga akwiza pamawingo yakupela .'' ⁶⁵ Papokwene simapepo mukalamba walephwile ivizwalo nukuvwanga ukuti, '' Wavwanga ivyamusamu! Ichani chino tuchili tukulonda yakamboni? Lola, nomba muvwa umusamu. ⁶⁶ Mukwelenganya chani ?'' Yaswike nukuti .'' Alingine ukufwa.'' ⁶⁷ Apano yamuswilile kuminso nukumuma , nukumuzapa namapi yamakasa yawo, ⁶⁸ nukuti, '' Lotela kuli sweswe, wewe Khilisitu. Aweni wino wakuma ?'' ⁶⁹ Nomba Peteli wikazile kunzi kwa musolo, nga umukazgana watchito wizile kuli weliwe nukuti, '' Nawe wali na Yesu wa Mugalileya .'' ⁷⁰ Kweni wachikanyile paminso yakwe wonsi, nukuti, '' Nthamanyile chino mukuvewanga .'' ⁷¹ Lino wafuma kunzi mupongwelo , umuwonvi muze umwanachi wamuweni nga watili kuli yaya ,'' Umunthu wino nawe wali na Yesu wamu Nazaleti.'' ⁷² Wakanyile nupya nichilapo, '' Nthamumanyile umunthu wiyo!'' ⁷³ Lino kasita wapita panono yano yimilile papipi yizile nukuti kuli Peteli,'' Umolimo we wakwe yano yali nawe, muno ukuvwanjila chikukukanila .'' ⁷⁴ Apano watalike ukutipana nukulapa, '' Nthamumanyile umunthu wino,'' papokwene mukolwe walizile . ⁷⁵ Peteli wizwike izwi lino Yesu wavwanzile , '' Pano mukolwe atani alile ukuzankhana katatu.'' Apano wayile kunzi nukulila sana .