¹ Apano uwumwene wakupela wuliya ngati ayamwali ikumi lyonga yano yasenzile inyali zgawo nukuya pakukomenkhana nasiwinga . ² Yasano yali ayapuwa nga nayasano yali ayamano. ³ Muno lino yalya ayapuwa yasenda inyali zgawo , yatasenzile amafuta . ⁴ Kweni yamwali yalya ayamano yasenzile amafuta ninyali zgawo . ⁵ Nomba lino siwinga akuchelwa, wonsi utolo twawalemile nga yakaswile . ⁶ Kweni uwusiku pakasi kwalinji ukulosya , 'Lolini, nawinga ! Fumini mukomenkhane nawe.' ⁷ Apano wonsi yamwali yalya yakatwike nukukozga inyali zgawo. ⁸ Ayapuwa yatili kuyamano ,' Tupini yamwi amafuta yamwi umulandu inyali zgitu zili pakuzima .'' ⁹ Kweni ayamano yatili kuli woliwo,' Umulandu naswe yatamatukwana ponga namwemwe, yanji kuli yalya yano yakakazga ukuti mukakale yamwi yakwe mwemwe .' ¹⁰ Lino yaya pakukala, siwinga wizile , ngayano yali papa yapisile nawe kuwinga pakulya , nga numulyango waya.like . ¹¹ Lino papita yanawinga yawuze yizile nukuti , Mwene, mwene, tuyulilini.' '' ¹² kweni waswike nukuti ,' Umolimo nkhuwawuzga , nthawamanyile .' ¹³ Muchenjele nomba muno mutamanyile uwanda nanthi iwola . ¹⁴ Muno chaya ngati pano umunthu akulonda aye kunsi yuze. Wamile ayantchito yakwe nga wawapile ichuma chakwe chonsi. ¹⁵ Kuli wenga wamupile amano yasano, kuli wumwi wamupile yayili, nganakuli wumwi wamupile amano wonga . Wensi wapochelile ivinji ukuyana nukumanya kwakwe, nga nawensi wayile kunzila yakwe. ¹⁶ Wino wasenzile amano yasano wapisile palyakwene nukuyapanga yawuze yasano. ¹⁷ Mumokwene amuno wapanjile wino wapochile yayili wapanzile yawuze yayili . ¹⁸ Kweni uwatchito wino wapochile amano wonga wapisile , winvile ichiwina pansi, nukufisa imphiya yakwe bwana wakwe. ¹⁹ Nomba lino papita insita bwana wawo wizile nukuwelenjela nawo. ²⁰ Uwatchito wino wapochile amano yasano wizile nga wizile nupya namano yawuze yasano. Watile ,' Bwana, mwamphile amano yano yasano. lola, napanga yawuze yasano.' ²¹ Bwana wakwe watile kuli weliwe,' Wachita ningo , ichisuma nupya wasuwilwa! Wasuwilwa pavinthu ivinono. Nimakuyika ukuti walolelela ivinthu ivinji. Yinjila mulusechelo lwakwe bwana wako .' ²² Uwantchito wino wino wapochile amano yayili wizile nukuti, ' Bwana , mwamphile amano yayili. Lolini , napanga nupya amano yayili.' ²³ Bwana wakwe watili kuli weliwe , 'Wachita ningo, ichisuma nupya we musuwilwa! Waya we musuwilwa pavinthu ivinono . Nimakuyika ukuti walolelela ivinthu ivinji. Yinjila mulusechelo lwakwe bwana wako.' ²⁴ ''Apano uwantchito wino wapochile amano wonga wizile nukuti,' Bwana , manyile ukuti wemunthu wakulolechesya sana. Ukagowola pano utalima , nga ukasinza pano utasumba. ²⁵ Nendi ninthete sana, nomba napisile nukuyafisa amano yalya pansi. Lola , nkhukupela vino ivyako.' ²⁶ ''Kweni bwana wakwe wamwaswike nga watile ,' wemuyipe nupya wemukata, wamanyile ukuti nkhagowola pano nthalima nupya nkhasinza pano nthasumba . ²⁷ Achino nge wawapanga imphiya zgane kuli yakasunga , ngapano pakwiza kwane ngenapochela ponga nizgapapela . ²⁸ Achino sendini amano ukufuma kuli weliwe nukuwapa ayantchito yawuze yano yali namano ikumi lyonga . ²⁹ Muno kuli wensi wino alinavyo, ivinji vilipelwa kuli weliwe- ivinji ukulusya . Kweni kuli wensi wino asi navyo, navino alinavyo vilipokwa . ³⁰ Musumbilini uwatchito uwambula intchito kumfinzi, kuno kuliya ukulila nusyeta amino.' ³¹ ''Nanthi umwana wa munthu wiza muwulungamane wakwe nayangeli yakwe , apano alikala pachilimba pakwe . ³² Pali weliwe palikongana imitundu yonsi, nga alilekanyanga umunthu wenga kumuze, ngati akachema akulekanya ing'onzi ni mbuzi. ³³ Aliyika ing'onzi ukwikasa lyakwe lyakwe ndilo, kweni imbuzi kulikamani. ³⁴ Apano mwene alivyanga kuli yalya ayakuli ndilo, 'Zanji, mwemwe mwe yanthu mwasolwa na tata, pyanini umwene wuno wasenganwa ukufuma kunthaliko yansi. ³⁵ Muno nali ninzala nga mwamphile ichakulya ; nali nulusala nga mwamphile ichakumwa, nali ne mulendo mwamphochelile; ³⁶ nazwalwike mwanzwisile ; nali ne mulwale mwansunzile ; nali mung'anda yaminyololo mwizile kuli nene.' ³⁷ Apano ayalungamane yalasuka nukuti ,'Mwene, api pano twakuweni ukuti uli ninzala nukukupa ichakulya ? Nanthi ulusala nukukupa ichakumwa? ³⁸ Api pano twakuweni we mulendo nga twakupochelile ? Nanthi ukuzgaluka twakuzwisile ? ³⁹ Api pano twakuweni we mulwale nanthi amumkinyololo nga twizile kuli wewe?' '' ⁴⁰ Apano mwene alasuka nukuti kuli woliwo , Nkhuwanena umolimo, vino mwawonvile kuli wenga wakwe yano yakwe nene, mwawonvile kulki nene.' ⁴¹ Apano aliti kuli yalya yano yali kuli kamani, 'fumini kuli nene, mwe yatipwe, kumoto wawila wuno wusenganyizwe kumuyipe nayangeli yakwe, ⁴² umulandu nali ninzala, kweni mutamphile ichakulya ; nalinji nulusala kweni mutamphile ichakumwa; ⁴³ nali ne mulendo , kweni mutamphochelile; tupu, kweni mutanzwisile; umulwale namuminyololo, kweni mutayisile amano kuli nene. ' ⁴⁴ Apano nawo yalasuka nukuti, 'Mwene, api pano twakuweni ukuti uli ninzala, nanthi inyota, pamwi umulendo, nanthi tupu, nanthi umulwale, nanthi amuminyololo nga tutakwavwizge?' '' ⁴⁵ Apano aliwasuka nukuti aliti , 'Umolimo nkhuti kuli mwemwe , chino mjutawovwile kuli wenga muyanono yakwe yano , mutawombanga kuli nene.' ⁴⁶ Yano yaliya mukunyepwa, kweni ayalungamane kuwimi wamuyayaya''