¹ Nomba lino akatondo kiza , wonsi yasimapepo nayakalamba yizile yapangana vyakwe Yesu muno yangamukomela . ² Yamulemile , nukupita nawe, nga yamutwazile kuli Pilato inkhombe. ³ Apano lino Yudasi, wino wamukanyile weliwe, walola ukuti Yesu wasulwa, wizile walapa nukuwezga utukonyolwa amakumi yatatu twakwe siliva kuli Simapepo nayakalamba , ⁴ nukutti, '' Nonona pakuwukana uwazi uwambula ichifukwa .'' Kweni yatili kuli weliwe,l '' ichani chichokwene kuli sweswe? Uchilole chicho kuli wenga .'' ⁵ Apano wasuvwile pansi utukonyolwa twakwe Siliva mung'anda yamapepo, nukufuma , wapisile nukuyayinyepa. ⁶ Simapepo mukalamba wasenzile utumonyolwa twakwe siliva nukuti,'' isichisuma ukuyika ichi muchuma umulandu ichawupi cha wazi.'' ⁷ Yavwanzinye vyakwe chi ponga , nga yakazile nimphiya ichalo ichakuzukako ayenyi. ⁸ Umulandu wakwe chi ichalo chino chikayamwa,'' Ichalo cha wazi'' mphaka ilelo. ⁹ Apano vilya vino vyavwanzilwe na Yelemiya intchimi vyakwaniliswa, ukuvwanga ukuti, '' Yasenzile utumonyolwa amakumi yatatu, umutengo wuno wayisilwe pali weliwe numwana wa izilayeli, ¹⁰ nga yayisile ku chalo, ngati muno Leza avyanjile.'' ¹¹ Nomba Yesu wimilile pali kateka, nga kateka wamukolowozizge,'' We mwene wawa Yuda?'' Yesu wamwaswike, '' Amuno wavwanjila.'' ¹² Kweni lino yamwene nayakalamba yamuvwanga , ataswike nachimwi. ¹³ Apano Pilato watili kuli weliwe, '' Utakuvwa vino vyonsi yakukunyepa?'' ¹⁴ Kweni ataswike nanthi izwi nalimwi, chino chalenzile ukuti kateka azunguke sana. ¹⁵ Nomba palusechelo yalinji inkhalo yakwe kateka ukusapula wenga wino wanyepwa mung'anda yaminyololo wino wasolwa niwumba . ¹⁶ Pansita yilya yalinji yalinji numunyepwe wenga umutamye wino yamwamanga Barabbas. ¹⁷ Lino yakongana ponga, Pilato watili kuli woliwo, '' Aweni wino mukulonda ukuti mbwasapwile ? Barabbas, nanthi Yesu wino akayamwa Khilisitu?'' ¹⁸ Wamanyile ukuti yamulesile Yesu kuli weliwe umulanda yasosile. ¹⁹ Lino ayikazile pawulonzi, umuchi wakwe watumile izwi ati kuli weliwe ,'' utaya nachimwi ichakuwomba pamunthu umutele wino. Muno nachula sana ilelo umulandu wavilota vino nendi navyo vyakwe wino.'' ²⁰ Nomba simapepo mukalamba nayakalamba yizile yanyengelela iwumba ukuti yalenge Barabbas, nga nukuti Yesu yamukome. ²¹ Kateka wawakolowozizge,'' Aweni pali yayili wino mukulonda ukuti mbwasapwile ?'' Yatile ,'' Barabbas.'' ²² Pilato watili kuli woliwo, '' Nga mbombe chani kuli Yesu wino akayamwa Khilisitu .'' Wonsi yaswike , '' Mumupamanthile pachichingane.'' ²³ Apano watile ,'' Ichani, nga awononyile chani?'' Kweni yalizile nkhani, '' mupamanthilini.'' ²⁴ Apano lino Pilato walola ukuti atange awombe nachimwi, pano umuvwalanga watalika , wasenzile amanzi, wafulazile amakasa yakwe pamanso yiwumba , nga watile ,'' Nemutele pawazi wamunthu wino. Mwayilolela mwenga .'' ²⁵ Ayanthu wonsi yatili,'' Uwazi wakwe wuye naswe ponga nayana yitu .'' ²⁶ Apano wamusapwile Barabbas kuli woliwo, kweni wamusile Yesu nukumutwala kuli woliwo ukuti pamusamike. ²⁷ Apano yakapokola yakwe kateka wamusenzile Yesu ukuya kumusumba nukukonganika wonsi yakapokola . ²⁸ Yamuchafile nukumuzwika inkhanzu. ²⁹ Yapanzile ichipewa cha myunga nukumuzwika kumutwe, nukumulemeka insinzo ukwikasa lyakwe lyakwe ndilo. Yafukime kuli weliwe nukumuhoya , ukuti, '' Yanga, Mwene wawa Yuda!'' ³⁰ Yamuswilile amati, yasenzile insonzo nukumuma pamutwe akavule. ³¹ Lino yamuhoya , yasenzile inkhanzu nukumuzula nukumuzwika vino wazwite, nukuya nawe pakumusamika . ³² Pano yafumanga , yazanyile umunthu wumwi ukufuma ku Sayilini wino wamwanga Simon, wino yamupatichizizge ukuti yapite nawe ukuti anganyamula uwuchingane wakwe . ³³ Yafisile pamasyo yamwi yano yakati Gologota , chino chikusula ukuti ''amasyo yamapanaga .'' ³⁴ Yamupile uwengwa ukuti amwe uwusanzye na gala. Kweni lino wawezga, atanywile. ³⁵ Lino yamusamika , yanyonkholine ivizwalo vyakwe pakupanga amayele, ³⁶ nga yikazile pakumulola pano wali . ³⁷ Papela pamutwe wakwe yayisile chino chalenvilwe ukuti, '' Wino a Yesu, mwene wawa Yuda .'' ³⁸ Ayivi yayili nawo awasamikle ponga nawe, wenga kuli ndilo nga na muze kuli kamani . ³⁹ Yano yapitanga palya yamutukanga , nukupunzya imitwe yawo ⁴⁰ nukuti, '' Wewe wemunthu walondanga ukonona ing'anda yamapepo nukuzenga nupya mumanda yatatu, yipususye wenga! Nanthi we mwana wakwe Leza , yika ukufuma pachichingane !'' ⁴¹ Munzila yiyokwene simapepo mukalamba nawe wamusowekanga , pamwi nayakawalika nayakalamba , nukuiti, '' ⁴² wapususyanga ayawuze, kweni atange ayipususye wenga . Amwene wawa izilayeli. Lekini ayike pachichingan , apano tulisuwalila muli weliwe . ⁴³ Wasuwila muli Leza , musyino Leza awino amutule nomba , nanthio Leza akulonda ukuti amufumye. Muno wavwanzile , ' Nemwana wakwe Leza .''' ⁴⁴ Chilichonga nayivi yano yawasamike nawe nawo yavwanganga inthusi kuli weliwe . ⁴⁵ Nomba ukufuma pi ola lyakwe chisano nalyonga imfinzi yaponyile pansi yonsi mphaka pi ola lyakwe lisano nayanayi . ⁴⁶ Piwola lyakwe chisano nayanayi, Yesu walizile nukupunda nukuti , Eli ,Eli, lama sabakitani?'' chino chikusula ukuti , '' Leza wane . Leza wane , ichani chino wansya nene?'' ⁴⁷ Pano yamwi yalya yano yimilile papa yuvwile, nga yatili ,'' Ali pakumupunda Eliya.'' ⁴⁸ Papokwene wenga wakwe woliwo wutwike nukuyasenda ichifuti, nukuyika mwenemo uwengwa uwulule , nukuyika munkholo, nukumupela ukuti ang'we. ⁴⁹ Wonsi yatile , '' musyini wenga . Zanji tulole nanthi Elija angiza pakumupususya .'' ⁵⁰ Apano Yesu walizile nukupunda sana nukufumya umupasi wakwe. ⁵¹ Lindililini, ichimwenda chamung'anda yamapepo chalepwike pakasi ukufuma papela ukufika pansi, nga ninsi yatensile , nga namawe yafwanthikanga . ⁵² Inkhungwe zgayulikanga , nga nimyili yawalungamane yano yalazile yazgukanga . ⁵³ Yafumanga munkhungwe lino wazguka kuyafwe , winjile mumusumba , nga walolekanga kuyavule . ⁵⁴ Nomba lino ayakeya nayano yamulolanga Yesu yalola ichizumanzi navino vwachitikanga , yizile yaya ninthete nukuti yatile , '' umolimo wino wali umwana wakwe Leza.'' ⁵⁵ Ayanachi ayinji yano yamukonkhanga Yesu ukufuma ku Galileya ukuti yamulolelela alinji palyakwene ukulolechesya apatali. ⁵⁶ Pali woliwo pali Mary Magdalene, Mary mama wakwe James na Yakobe, nga namama wamwana wakwe Zebedee. ⁵⁷ Lino kwaya amanguzi, kwizile umukankhala yumwi ukufuma ku Arimatiya , wino wali a Yosefe, wino walinji nupya umulondezi wakwe Yesu. ⁵⁸ Wizile waya luli Pilato nukumulenga umwili wakwe Yesu. Apano Pilato waswike ukuti yamupele. ⁵⁹ Yosefe wasenzile umwili , nukuwuvunga mumwenda uwupya , ⁶⁰ nukuyawuzika kumalalo yakwe yano winvile piwe. Apano wakunkhulwisye iwe ukuchinga pamulyango wilalo nukufuma penepo. ⁶¹ Mariya magadalena na Mariya muze alinji papa, yikazile papipi nilalo. ⁶² Kumutondo kwakwe, wuno wali uwanda lino yasenganya, simapepomukalamba nayafalisayi yakongine ponga na Pilato. ⁶³ Yatile,'' Mukalamba , tukwizuka ukuti lino wilya uwawufi ali nuwumi, watile, 'Nanthi papita amanda yatatu alizguka kapya.' ⁶⁴ Nomba pingula ukuti ilalo lichinjililwe ningo mphaka uwanda wakwe chitatu, muno ayalondezi yakwe yangiza ukuti yize yamwiye nganukuti kuyanthu,' Azguka kuyafwe,' apano ichakuzungusya ichawumalilo chililusya ichakutandika'' ⁶⁵ Pilato watili kuli woliwo, '' Mwamulola . Yanji mukalolechesye muno mungalolela .'' ⁶⁶ Nga yapisile nukuyalolechesya inkhungwe ukuti yamwi yatonona , ukuchinga namawe nukuyika yakalola .