¹ Jisaiveli ara sekucia na viyagwane o Jisu na gauna a deidei ho ke la ila rara djina.

² Donu makina na higa na vacecgu, a sekivu ho me va vulicira ina were no horo: levu era rogo, era qorovia, a ra vecucu, I vei o kou mai ke la vavuvuli? O kou muni ma i vei na na Yalo mahuna e noju vua? qei nia na viva-colai e tara koto e lima.

³ E tamu sa matai mani okwe, o luvea o Meri, o kura ra veitacini coko o Jemesa, Josese, Juta, vata o Saimoni tamunia muni o gwanea a ju no vata koto? E ra ora na vikwa e tara, e kwaya. ⁴ A qai kwaya o Jisu vuwara, “Na parofita e vakarokorokotaki ina hila tale na vanua, vavo la rara, o kura n wakaya, vata la vuniwere.

⁵ E levu na cakacaka mana ya levu tanu kuha takinia, ia a vica ga na baca a dreia e lima ara cola.

⁶ E vi-karaci vua na hewahewa ni ledra vabausia. Osi a tauvolisia howa na vi rara, o Jisu me viva-vulici howa. ⁷ A coviru na jinakrua na vatalasira ya rua, holia vuwara na lewaia mera qwasira ke na yalobura.

⁸ A mulocira me ra kua ni kou e hila na kwa, vavo ga ledrai toko, me kua na madrai, kua na tabe, me kua na taga ni ciriveni.

⁹ Va I vava ga, me hukai na vihau ni hulu. ¹⁰ A tataki sira, na gauna I hita ke hila na were, no koto ke me yacovia lemu deidei ma ike.

¹¹ Ke hila na vanua era tamu hoqomiko ma, he e ra tamu varorogo vuako, tavirakania na djuka mu qeseqese ni la me nia ledra jukuniyalo ni rogo ruhu. ¹² A ra la howa ara vunau taki nia me ra takinia na ledrai valavla bura.

¹³ Rovia dei na niju, lumu si ru na waiwai kura na baca a ra cola ¹⁴ Gauna a hekia ho ke e yaca o Jisu, A la i rogo kadrivisia ho na viagwane o Eroti. E valu era kwaya ni okwe o Joni okwe na da vivavitaisotaki.

¹⁵ E ra valu a ra kwaya okwe o Ilaijia na Parofita, Io era valu era kwaya ni okwe e hila na parofita levu ma I mata. ¹⁶ Ni rogo ho o Eroti a kawaya, o Joni, o kua mani qu muhukia e domo a cola tale ma.

¹⁷ I na la varo o Eroti ia me la I mei vahevu ma o Joni I were ni vevehu e vuku o Erotiasa: la yalewa o Filipi e tacia o Eroti. ¹⁸ Ni kwaya o Joni vo Eroti, e cala va lawa me lemu tale la yalewa o tacimu.

¹⁹ Ina la oca katakata o Erotiasa me vamasei nia o Joni; a tamu rewa vo Eroti.

²⁰ O Eroti e mataku cia o Joni ni sa ecola dodonu, matakucia na Kalou, vata na lima ni Kalou e maroroi sia ju la cola. Na gauna a rogo ho ke e levu tale na kwa na tara qai rogo vina ga ho vua. ²¹ Ina gauna tavi donu, la higa ni sucu o Eroti. A varautaki ke hila na magisi I vuwara na lea ecola cakacaka, ka viagwane, kuru ka vuni chuqwaqwa I Kaleli.

²² Gauna a hita oke o luvea o Erotiasa, a wehi e mata o Eroti, o kura muni la vunilagi, e ciqa ke e yalo a kwaya, na kwa ga ikerivia vuwau qi na holia. ²³ 23) A tata bubului vua a kwaya na kwa ga I vinasia qi na holia, ke mani vimama hara ni lequ vanua.

²⁴ A qai la vo hunaya, a vaceguia na ca mequ kerevia? A kwaya mai ke o hunaya, e taqwaciuluo Joni na dau ni veivavitaiso.

²⁵ A vagugu lehu tale vo tui, a kwaya, qi vinaisa e ulu o Joni. ²⁶ 26) E djina ni dereia vabibita na Jui, ia e tamu rewa ho ni vahuka nia na kerekere, balesia la tata ni yalayala ivo la vunilagi vata na vulau.

²⁷ A qai vivatala ho na Jui vo la dau yadra me lailama e ulu o Joni, a ra ia na yadra i were ni vevehu me lai buru ma e domo. ²⁸ Ara qai kou ma e ulu o Joni kura na yadra, holia vo na lewa me holia vo hunaya.

²⁹ Na gauna ara rogoho ke na Tisaipeli na vikwa a lama I yaco, ara havuli ma me lama I la e yago me la ina bulubulu. ³⁰ Ra lehu tale vo Jisu nai apositolo me ra kwaya vuara na kwa ra tara qei nia nai vavuvuli ara vavuvulitakinia

³¹ A kawaya vuara muju la dei vajuju ina hila na vanua gwalala me muju lai vacegu ke vahewa ara levu ara lama ara vukatale howa ni hukai na kwa mera vatavocegu ke.

³² A ra qei vodo I na waqa ara la vajuju ina hila na naua gwalala. ³³ Kura na ecola ara tolavira nira lawa, e levu vuara ara yakatokoniru ara druha ina rara coko ara hivisia.

³⁴ Na gauna eru cadra mai ke I matacawa, a qei tolavia na uma e cola, a qei lama vua na yalo ni loloma, e vu kai baleblae nira kodaki na hivi e hukai na kedrai vatawa. A qei vasekivu me vavulicira ina levu na kwa. ³⁵ O kura na lea jisaiveli ara lama vua ni lai bale ho na higa ara kwaya okwe e hila na vanua gwalala.

³⁶ Vatalasira howa I nai bili qenia na vi rara mera lai volia ke e valu na kwa mera vatavoicegu ke. ³⁷ A tata vuara, qai kawaya muchu holia vuara mera kana, ara qai kwaya ma me maju bara lai volia hila ma na madrai rua na drau na ciriveni me ra vatovoicegu ke.

³⁸ A qei vecugiru e vica nai buli e bau no kotoho qo? Muju la muju lai dania, ia na ra dania ho ara qei kwaya e lima nai buli qei nia vata e rua na ika. ³⁹ A qai kwaya o kua vuara mera tadra vata vaivavakoho ina yataga ni mau colacola.

⁴⁰ A ra qei no ho me ra wahetaki va ya hila na drau qeinia va ya limasagavulu.

⁴¹ A qai qulumia e lima nai buli madrai qei nia e rua na ika, gadele I lomalagi me vacabonia qai holia vuara na jisaiveli mera votaia vuara na ecola coko ⁴² A ra kana, a ra bori.

⁴³ A ra vilia coko na vovo ni madrai qeinia muni na ika a rewa ke e jinikarua nai vehaveha.

⁴⁴ E ru lima na udolu coko na seigwane ara kania na madrai. ⁴⁵ Tamu juwei, a vadresia na lea jisaiveli mera vodo I waqa, mera simata I siliva I Peciseita, me vahuka ni ra na uma ecola.

⁴⁶ Ia na gauna e vatalasira, a ra qei lai yataga me lai mahu.

⁴⁷ Ni luchu homa na yavi, wa si na waqa a lai nawa hava koto ho I e buto chu na ruwai, ia o kua a lai no tahila koto ho I vanua. ⁴⁸ E tolavia hara ju ga wa na ledru kacua qeinia aru lei wale ho na jisaiveli, balesia na ledru vala qea koto na mata ni cagi honi.

⁴⁹ I na gauna a ru tolavia ke na lea yato chu wai kei yataga ni vuwai, eri numia ga o kuru ni o kua honi e hila na yalo. Hila ho na kwa na ledru docola.

⁵⁰ E karacira ni ra tolavia coko. Osi ga honi a tata ni ra hava, “Muchu no havu! O yau okwe muchu kua ni mataku. ⁵¹ A qei vodo qevu ho kua I na waqa, a qei lei malumu a mase qea ho na cagi honi e ri qorovia haraga.

⁵² Eri tamu qulumia rewa lderu vakahama balseia na I buli madrai. ⁵³ Ia na ledru takoho rewa okwe aru lai toni yava hara I Kenisareti.

⁵⁴ Na gauna ga aru vila ke I na waqa, kura na ecola era vakawaia ni okwe o Jisu.

⁵⁵ E ra lavesira ma na baca I na yao o kura na no i na yaha ni vanua a no koto ke ni ra rogo mai. ⁵⁶ I na vi vanua e la ke I rara, tauni he I yaloga ni vanua. Era memei ho ma na baca a ra qei lai va no nira ho ma na baca a ra qei la I va no nira ho ina vanua na basa. A ra qei kahivia me ra ke rewa ni dereia na lea chuchu nu hulu, ia o kura coko na dereia era qei lai vacolai.