¹ Ara cadra ho in abasi ruwai in avanua o katara.

² A vila ma o Jisu inaaqa, hota qea hara e hila nae cola, a cadra ma inai bulublu, hitavia ju ma na niju. ³ A cola ju ma inai bulubulu, sikai hila nae cola e rewa ni tokokia, tabu rewa ni vehu muni ina cheini.

⁴ Levu na gauna e vehu hoke, ia e burulaki vua ga na wawa e vehuki ke, e tabu rewa hila e va manoataki nia. ⁵ Higa na bogi e cola ke inai bulubulu, qeinia ina vi yayataga, e dau muomuo, e tavalaki nia e lala ina vaju.

⁶ Na gauna e tolavia ke o Jisu ni hi yato kotowa vayawa, e druhavia wa lai sikijuru e mata. ⁷ A coco ina domo levu, a kwaya vuketaru, I Jisu na luve ni kalou, qi kavihiko mo kua ni vararawa takiniau.

⁸ A qei kwaya vu ana niju, mo vagwalala takinia nae cola oqo. ⁹ A vecugia tale, O cei mu yaca, a kwaya o kua o vavakoho, kematou maji levu.

¹⁰ E kwaya, kwaya tale meru kua ni lai roro dei ma ina vanua honi. ¹¹ E hila nail ala vore levu era kana ju ina yah ani yataga honi.

¹² Ara qei vamamahu na niju, me ra lai vatala me ra hitavira ga nai lala vore.

¹³ A vadodonu wa o Jisu, na Ledra kerekere, me ra hitavira nai lala vore, era druha ma I yataga me cadra I waitaci, e yacovia na ruan a udolu na kedra levu, era dromu coko ga I waitaci. ¹⁴ O kura na vagani vore era juba, era lai jukujuku I tauni, qei nia vi rara voleka, mera lamai dania na kwa e tara.

¹⁵ Era cadra ma I vo Jisu, era dania o kua e hitavi ju, e tadra koto, vaihuli juho, taucoko vina hara jugaho na cola, era mataku ina kwa era dania. ¹⁶ E ra qai vamacala takinia taucoko na kwa a tara, o kuru na tolavia na kwa yaco vua na ecola hitavi qei nia na kwa e yaco vuara na vore.

¹⁷ Era vasekivu mera va mamahu sia me gwalala takinia Ledra vanua. ¹⁸ Na lea vodo ho I waqa, o kua a hitavi koto e va mamahu sia me laqea muni.

¹⁹ E tamu varata ia o Jisu me la qea, me laga I ledru were, vuaru o wekaya, lai kwaya ke na kwa tara na kalou vua, qeinia na levu ni lea loloma.

²⁰ Osi a mani lahoa I Tikapoli me varaitakinia na kwa levu e tara o Jisu vua, era qoroqoro ga. ²¹ Na gauna e valele lehu hoke I siliva, era ohovia ma I matacawa.

²² Era tolavia e hila na viagwane e no I wereniloju e yaca o Jairo, na gauna e tolavia ke a sikijuru e la.

²³ E kerevia vabibita o lequ vulau e voleka honi leqwa, Qi vinasia mo lama dereia gare mu lima ivua, ke lala mena cola tale ma.

²⁴ Aru viseku wa, na hivisia ni ecolae ohooho ken a vanua meru lake. ²⁵ E hila na lewa a manasia ju na bac ana juru ni dra balavu e yabaki jinikarua ho.

²⁶ E hivisia ho na Kwa (silini) e valuhi nia vuara na vuniwai lea vinasia me cola qai hukai hila na cola e holia ivua, e toro bale koto ga ho ma na lea cola.

²⁷ Na gauna e rogo e yaca o Jisu ni lai kwaima e sekucia ma e lobo me dereia boto na lea dju ni hulu me cola ke. ²⁸ Na kwa e qwaya me qu dere ia boto ga re na lea dju ni hulu, me qu cola ke.

²⁹ Na gauna e dere iya ke e holia vua na cola ena qai osi vahila na baca okwe ³⁰ O Jisu e vakilasia ni hila na kwa e taluva dei ma vua, e vucugira na lea jisaiveli, o cei e dere ia na lea I hulu.

³¹ Aru kway ana ledru I tokani ni hukai hila e dere iya, ni hivisia haraga na vidregedregesi? Aru tabu tolavia rewa ke.

³² E vaboliga sir ana ecola o Jisu me ra tolavia ocei e dere ia. ³³ Na levu ni lea mataku na lewa honi e harivotoke na lea cola. E tamu kilasia na kwa e tara, e toso va voleka ga ho ma ivo Jisu qai sikijurume kwaya vua ni o kua, haqanini ina mataku na lewa o kwe, ni kilasia na kwa a tara vua, a lamai I ere a qai kwaya coko vua na viagwane na kwa djina.

³⁴ A qai kwaya ke vua, Luvequ, e va cola niko na lemu vabausia, mo la I na vacegu, mo cola ma ina kemu baca bura. ³⁵ Na gauna a voha koto ke, a ru qai la mae ru valu mai na lea were na juraga ni Were ni Loju, a ra kwaya, A mase ho o luvemu-na lewa, balesia na ca I la mai va walenia tale ken a vavuvuli? ³⁶ Na gauna a rogo ke o Jisu na kwa era kwaya, a qai kwaya ke vu ana Jurag ani Were ni loju, kua ni yalo hewahewa vadjinasia ga.

³⁷ A tamu vinasia me ru sekucia, a vinasiru ga o Vita, o Jemesa qeinia o Joni o taciya o Jemesa.

³⁸ A cadra ho o kua ina lea were na Juraga ni Were-ni loju, a tolavia hara ho na Ledra vitagicaki era tagi haraga va levu- tagi muomuo. ³⁹ A hita ga wa, a kwaya vuara, Na ca miji tagicakinia, e tamu mase na lewa hewa oqo, e moce ga.

⁴⁰ A ra qai malicakinia. A qai kwaya vuara me ra la taucoko I rara, va vo ga o tamaya o hunaya na lewa hewa o kwe qei ni ra o ku ra a ra no coko koto, ara hit ana vanua a daro koto ken a lewa hewa. ⁴¹ A qulu e lima na lewa hewa, a qai kwaya vua Talica kumi na kea I balebale, lewa hewa, qi kwaya vuako mo jucake ma.

⁴² A qai jucake hara ma n lewa hewa o kwe, a viyato yaki ni o kua e yabaki jinikarua. E karacira hara ga valevu na kwa e crda o kwe.

⁴³ A qai kwaya ke vuara, me kua ni hila na ecola me kilasia na kwa o kwe: Muju holia vu ana kea cawa me kania.