¹ E ra yavalu na Farisi qei nira na dau i volaijukujuku era lamai Jerusalemi a vasekivu mera hiki voleka ma vua na vigwane. ² Ara dania ni valu vuara na lea tisaipeli ara kania na madraji ra qei tamu vuluvulu. ³ Ia O kuri Farisi qei nira na jiu era tamurewa ni kana vavo ga kodaki era havasia era lima, Balesia ni ledra maroroisia ledrui varau na juqwaqwa ⁴ Na gauna era dau lehu mai ke na farisi na vanua ni vivoli,Era tamu dau rewa ni kana vavo ga kedra vahili osi, Ni ra dau maroroisia e yavalu tale na ledra itovo me kodaki na kea na kea hava na bilo,kuro,yaya ni kana varasa qei nia ledra tadratadra ni kana. ⁵ O kura na farisi qei nira na dau ni vola ni jukujuku ara vecugia o jisu "Na ca era tamu vasekucia ke na ledra i varau na juqwaqwa, O kuru lemu tisaipeli mera havasia era lima hibere ni kana" ⁶ A haumia o jisu vuara, A kwaya o Aisea ina lea i vola, "O kemutou haraga na mataqwali okwe miji dau veivakoini. E volai muni koto, miji dau rokovi au boto juga va guhu muju yalo e yawa ma vuau. ⁷ Miji qwaravi au ju va yago, muju qei vagatakinia muni nai vavuvuli vayago ⁸ Miji la dei homa ina leai vavuvuli djina na viagwane muju qei lamai marororisia koto nai tovo vayago. ⁹ A qei kwaya o Jisu vuara, Ivei ea kodaki na kea qwaqwa na lemuju biliraki nia dei nai vavuvuli vayalo me rewa ni muju maroroisia koto na i tovo makawa. ¹⁰ A varosia muni o Mosese me muju rokoviru o kuru na lemuju i jubujubu qei nia meju kua ni dau viavialevu sira ni rewa ni yaco ke na ruha. ¹¹ Kodaki e hila na kwahewa e kwaya vurau na lea i Jubujubu, Na vivuke taucoko,Miri ciqomia e lama vuau e lea kotoga na viagwane. ¹² Io miji tamu holia na gwalala me vukeiru tale ke nai jubujubu. ¹³ Kemutou muju koudei hara ga ho na lea i vunau na viagwane ina lemuju maroroisia koto nai tovo makawa mai vuara na Juqwaqwa. E vavunia na lemuju vacala niru ke lemuju kwaya qeinia e levu tale ina vi kwa miji vayaconia ¹⁴ A covira tale na lewe levu a qei kwaya muju varorogo ma na vuau me muju kilasia ¹⁵ E hukai hila na kwa e taudaku ni ecola e rewa ni vajukajukali nia na e cola. Na kwa ga e ladei ma vua ¹⁶ Ia na gauna adenira ke a hita i were ara qei vecucu na tisaipeli ina voha vaibalebale honi ¹⁷ Ara qei vecucu na tisaipeli ina voha Vaibalebale honi ¹⁸ A qai kwaya o Jisu na ca e drole ke lemuju kilasia? Na kwa taucoko e vahita nia na ecola e tamu Juka na kwa ga e ladei ma vua e juka ¹⁹ juka balesia e hitavia ga e kese qei ladei ga ma ina kei deidei ga. nai jukujuku okwe e kwaya ke- O Jisu ni cawa pcoko e havahava. ²⁰ A qai kwaya tale na kwa ga e ladei ma vua e vajukajukali nia e yaloga. ²¹ E ladei ma vua e yaloga na ecola na yalo bura, numia bura, dau yalewa , tokotoko lo, varaubura coko. ²² Na driva,na laba, na dauseigwane, dau kocokoco. Na varau bura coko, Na tamu djina, na vohabura, na vakahama bura, na voha balesiru na ecola. Na viavialevu, na bavulu. ²³ Na kwa bura coko okwe e hota dei mai vua na ecola me vajukajukania. ²⁴ A deinia ma na vanua honi o Jisu a la ina yahayaha va Taia qeinia o Saioni. A tamu vinasia me hila e kilasia. ²⁵ A laharama vua e hila na lewa ni vinasia me vacilania o luvea na vulau. ²⁶ E lewa vunilagi e lewa ni sairo,Guisia. A kere via me vagalalatakinia ma ina yalo e hitavia ju o Vulau. ²⁷ A kwaya o Jisu mera kana gare o kuru o luvea, Balesia e tamu rewa ni kania na jui na kedra. ²⁸ A kwaya vua na yalewa, Na jui ena kana muni ga ma ena kwa e luju ma ena teveli. ²⁹ E donu vina lahowa ina gwalala, E hereki muni ho o Luvemu. ³⁰ A lehutale wa o lewa i were a tolavia ni ru vitalatala ho qeinia na yalo a hita via ju. ³¹ A ra mea ma vua e hila na juju e mavere muni ju, ara kerevia me dokia e lima me vacolania. ³² Ara ra mea ma vua e hila na djudju e mavere muni niru kerevia me dokia e lima me vacolania ³³ A meia va juju mai vuara na ecola mani dereia e bebe katahivisia qai dereia e ma. ³⁴ E gadelevia cake na maliwa lala ina vujuri mani cavusia 'EFACA' ni dodonu me dola ho mu bebe. ³⁵ Tadola ho e bebe ruarua osi ho na mavere, matata na voha. ³⁶ Tarovira na ecola me kua ni kwaya e hila na kwa nira dau voha. ³⁷ E vikaraci vuara na kwa e tara mera vajinajinatakinia o kua okwe e vacola nira na djudju qei nia na galu mera voha.