¹ Akafumako kol bakaya nukuya kukaya kache, ndipo abamanyili bache bakamukonkha. ² Bo isiku lya sabata lyafika, akamanyisyanga musunagogi. Abanthu abinji bakamwivwa sona bakaswigha. Bakati, ''Akubwagha kwiyi ubumanyisi bunonyene?'' Bumanyi buli bo bamupile? ''Ka vyakuswighisya buli vyo akubomba ninyobe zyache?'' ³ Te we mupala matabwa, umwana wa Malia umukulu wa Yakobe nu Joses, nu yuda, nu simon?Abayemba bache tute nabo pano?''u Yesu akabakalalizya. Umunthu yo bakukti u Joses pano bakumwitizya Jozefu mwa mateyo 27:56. Izina lya Jozefu likwimilila mo bakatambulilanga mu chiheberi, sona izina lya Joses likwimilila mo bakatambulilanga mu chigiriki. ⁴ U Yesu akanena akati, ''umukubwi atakuchindikiwanga lumo mu chikaya chache, nabakamu bache nabapanyumba pabo.'' ⁵ Akapotwanga ukubomba imbombo ya chala, pene pakubika inyobe pamutu nukubapozya abanthu. ⁶ Akaswigha nukusita kwitikizya kwabo. Akabuka nukubamanyisya mutwaya. ⁷ Po akabitikizya abanthu twelovu nukwanda pakubatuma babiribabiri, po akabapa amaka aghakufumizya imphepo imbibi, ⁸ po sona akababuzya abanthu bala ukuti batakasende nachimo ku bulendo pakufumyako ivyakubombela vyabo, batakasende ichibama, ichikwama, nindalama mu nyambi zyabo. ⁹ Loli muvwale indyato, batakasende amalaya ghabili. ¹⁰ Akababuzya akati, '' pala mwingila munyumba, mwikalenge mpaka po mukufumapo. ¹¹ Nanthi akaya kamo katakuya pakubapokela, nukubivwa, pala mukufumapo, muye mukung'unthenge ulufumbi ku vinama vinu, ukubasimikizya ukuti bakana. ¹² Pobakabuka pakulumbilila abanthu ukuti bapinduke. ¹³ bakafumya imphepo imbibi, nukubapakazya abanthu abinji amafuta ababine nukubapozya. ¹⁴ Umwene u Herodi akivwa ivi, ukuti izina lya Yesu limanyikiwe nkhani hee. Bamobakati we'' Yohani uwa lozyo azyukite ku bufwe, chochobene amaka ghavyakuswighisya ghali pakubomba mumwache.'' ¹⁵ Abanji bakatingi we, '' we Elia,'' abanyabo bakatingi we yumo uwawonela abakale.'' ¹⁶ Bo u Herodi ivwa ivi, '' u Yohani yo akamudula umutu azyukite kubufwe.'' ¹⁷ U Herodi akatuma ukuti u Yohani apinyiwe nukubikiwa mubu kayidipa nongwa iya Herodias (umukazi wawamwabo u Filipu), chifukwa chakuti akamusenda. ¹⁸ U Yohani akamubuzya u Herodi, '' ukuti atabaghile ukusenda umukazi wawamwabo.'' ¹⁹ Loli u Herodias akamubenga, nukulonda ukumukoma, loli akapotwa. ²⁰ pakuti u Herodi akamowopanga u Yohani, akazimanya ukuti muwolosu sona muswepu nukumusunga akiza. Ukuteghelezya kukwache kukamupangisya ukuvulungana, loli umwene akamwivwanga ichete. ²¹ Isiku iliza likiza lyo u Herodi akasekelelanga ukupapwa kwache nukusenganya iphwando lya chakulya chachamabwila nababombi bache, nabankhondo bache nabalongozi baku Galileya. ²² U mwana wache umusungu uwa Herodias akiza nukwimba papabo, akamuhobosya u Herodi poka na bagheni bo akaba nabo poka pachakulya chachamabwila. Umwene akamubuzya u musungu, '' chosi cho ungalonda kukwane nkhuya pakukupa.'' ²³ Akalapa akati chosi cho ungalonda kukwane, ''nkhuya pakukupa nichisu chane bubo ningakugabilako pakasi.'' ²⁴ akafuma kunzi numubuzya unyina, ''ningalengachi kukwache?''akamwamula akati, '' umutu wa Yohani uwalozyo.'' ²⁵ Akasamalila umwalubilo kwa mwene,nukunena ukuti, '' nkhulonda umutu uwa Yohani uwa lozyo, lonsi lunonyene pambale.'' ²⁶ Nanga buli umwene akaba nichitima ichikulu, atakaba wakuti angakana chifukwa cha vilapo vyo akalapa pamaso pa banthu. ²⁷ Loli umwene akatuma uwankhondo yo akamulindililanga ukuti ize nu mutu wa Yohani. Uwankhondo akabuka nukumudula umutu mu jere mo akaba. ²⁸ Akiza nu mutu mumbale nukumupa u musungu, umusungu akamupa unyina wache. ²⁹ Bo abamanyili bivwa izi; bakiza nukunyamula umuvimba wache nukumubika mwipumpha. ³⁰ Bo abatumiwa biza poka nu Yesu nukunena kukwabo vyosi vyo babomba nukubamanyisya. ³¹ Po akanena akati, '' fumapo pano muye pa buyo bumo muye mutuzye loli abanji bakizanga nukubuka, batakabanga nakabalilo akakulyela. ³² Bakafumapo nukubuka nukukwela u bwato nukuya pakulinga amalo ukuti baye bayuzye. ³³ Pakuti bakabalinga bobakufumapo, abinji bakamanya, bakasamala poka ulwapansi ukufuma mutwaya, sona bakafika bo abene batafikite. ³⁴ Bobafika mumbali mu nyanja, akalinga abanthu abingi sona akaba nichibabilizi chifukwa bakaba ngati zyo ng'ozi zyozitali nu mu dimi. Po akanda ukumanyisya. ³⁵ Lyo chaba chamabwila abamanyili bakiza nukunena ukuti, tuli kunkholongo akabalilo kamala. ³⁶ Bafumyepo pano nukuti baye kupipi kuvikaya nukuti baye bawule ichakulya ichati balye. ^{37 38} Po loli akabamula akati, '' mubape chimo ichakulya,'' bakabuzya bakati, '' tungabuka ukuti tuye tuwule nindalama thu handiredi denari nivibama nukuti tubape balye?'' Akanena nabo akati, '' Muli ni vibama vilinga? buka muye mulinge,'' bobaya bakamubuzya ukuti ivibama fayiv ninswi zibili.'' ³⁹ Akalamula abanthu bonsi ukuti bikale muvibukatila. ⁴⁰ Bakikala pansi muvubukatila ivya handiledi na fifite. ⁴¹ Akasenda ivibama fayivi, ninswi zibili, nukulinga kumwanya nukuvisaya, akamenyula ivibama nukubapa abamanyili, ukuti babape abanthu, akagaba inswi zibili nukubapa abanthu bonsi. ⁴² Bonsi bakalya mpaka bonsi bakikuta. ⁴³ Bakasenya utubama utubululusya, tukakwana ividunga twelovu ivyakwizula, poka nu tuswi utwakumenyunkhana. ⁴⁴ Pakaba abanthu 5000 bobakalya ivibama. ⁴⁵ Nakalinga akababuzya abamanyili bache ukuti bakwele ubwato ukuti batanjileko, ukuti baye ulubazu ulunji, ku Betisayida, umwene asyale ukuti ababuzye abanthu bafumepo. ⁴⁶ Bo babuka; akabuka kuchipili pakwiputa. ⁴⁷ Bo ichamabwila chafika, sona bo ubwato buli pisila panyanja, umwene akaba mwene kunzi. ⁴⁸ Akabalinga ukuti bakulwana nimphepo po bakupalasa, chifukwa imphepo yikafumanga ko bakuya. Bo abalinga ka folo akiza kukwabo. Akendanga pa nyanja nukulonda ukubapululila. ⁴⁹ Bobamulinga akwenda pa nyanja; bakatingi chizyuka loli bakalilanga, ⁵⁰ papo bakamulinga po vibatamizye. Nalubilo akababuzya akati, '' mjimbe imyoyo! nene mutakowopenge!'' ⁵¹ Akabuka nabo mu bwato, imphepo yikaleka ukuputa. Bakaswigha hee. ⁵² Bobativwisya ivyachibama vyo chikung'anamula; imyoyo yabo yikawoma. ⁵³ Bobaloboka; bakaya ku chisu cha Genesaleti, bakasengula u bwato. ⁵⁴ Bobisika mubwato abanthu bamumanya nakalinga, ⁵⁵ abanthu bakasamala akaya konsi, bakiza nabalwale muvibonde vyabo, konsi ko bakivwanga ukuti ko ali. ⁵⁶ Akaya konsi ko akingilanga, pamo ichigaba, pamo ichisu bakabikanga abalwale pa maliketi. Bakamulenga u Yesu ukuti bamupalamasye mulubazu mwavizwalo vyache, po bonsi bo bakamupalamasya bakapola.