¹ Bakiza kwisila ilinji ilya nyanja, kukaya aka Geresa. ² Bo u Yesu akufuma mu bwato, akabalilo akonyene kukiza umulumendo ukufuma kumapumpha yo akaba nimphepo imbibi. ³ Umulumendo uyu akikalanga ku mapumpha. Kutakabako uwakuti angamupinya napo mphingu. ⁴ Akabalilo akinji akapinyiwanga ni mphingu. sona akazidumulanga imphingu nokubelengela. Kutakabako yumo uwamaka uwakuti angamukwanisya. ⁵ Ubusiku numusanya akalindanga mumapumpha namuvipili, pakukolakola nukwichekanya namabwe. ⁶ Bo amulinga u Yesu pabutali, akamusamalila nukumufugamilila. ⁷ Akapundilizya akati, " ukulonda ukubombachi nuswe, Yesu mwana wa chala? nkhukulengela mwizina lya chala umwenencho, utakatuyinvye." " ⁸ Umwene akayichemela imphepo imbibi yo yikaba kumulumendo, ukuti yimulekezye." ⁹ Akamulalusya, " izina lyako wewenu?" Akamwamula, " izina lyane ne chilundilo, pakuti tuvulite." ¹⁰ Akendelela ukumulenga ukuti atakazifumizye kubutali na kaya. ¹¹ Po ichilundilo cha ludimo lwa ngulube chikaba palanyene muchipili, ¹² sona zikamulenga, ukuti, " azitume bwaka mu ngulube; nukuti zingile mulanyene." ¹³ Po akazitikizga; ukuti zifumemo mumulumendo nukwingila mu ngulube, po ingulube zila zikasamalila mu nyanja zyo ubwinji bwache zikaba 2000. ¹⁴ Lori aba dimi ba ngulube bala bakasamala nukuya pakulongelela pa vyo vikabombiwa mukaya kabo, po abanthu mkaya bo babuziwa bope bakasamalila pakuya pakulinga chochikabombiwa. ¹⁵ Bobiza kwa Yesu bakamulinga umulumendo uwa mphepo inyali yula, yuyo akaba nichilundilo cha mphepo, ikalite palanyene, avwalite sona inyinong'ono iziza zinyokile, bobalinga zino ubogha bukabakola. ¹⁶ Bamo bobakalinga vyo vikabombwa ku mulumendo uwa mphepo inyali yula, bakanda ukubapangila abanyabo umwakusimikizya, sona bakabapangila nazyozikabombwa ku chilundilo cha ngulube. ¹⁷ Po bobivwa bakanda ukumulenga ukuti afumeko kukaya kabo. ¹⁸ Pakabalilo ko akingilanga mu bwato, umulumendo wa mphepo inyali yula akamulenga ukuti abuke nawe poka. ¹⁹ Lori u Yesu atakamwitikizya, lori akamubuzya akati, " bukanga kumwinu sona kubakamu bako na uye ubabuzye vyo uchala wako akubombela, na mo akulangizizya ichisa chache." ²⁰ Po akabuka nukuyukubapangila aba mu Dekapoli zyo u Yesu akamubombela sona wesi akaswigha nazyo. ²¹ Po u Yesu alobokela kwisila ilinji mu bwato, ichilundilo ichikulu chikamubunganila, bo ali ku mbali ku nyanja. ²² Po uwabamo umulongozi usongo uwa mu sunagogi, yuyo izina lyache akaba we yayilo, bo amulinga akiza amuwila muvinama. ²³ Akamulambilizya,akati, " umwana wane umusungu akulonda ukufwa. nkhukulengako, ukuti tubuke poka na uye umubike inyobe pamutu ukuti abe akiza nukuba nubumi." ²⁴ Po akabuka nawe poka, sona nichilundilo chope chikamukonkha nukubuka nawe. ²⁵ Po kukabako umwanakazi yuyo akaba nindwala iya kutonya idaba pa myaka twelovu. ²⁶ Akenda mung'anga izinji nukusumba ivyache ivinji vyo akaba navyo, loli mubuyo bwakupola po vikabipanga nkhani. ²⁷ Bo ivwa akapango ka Yesu, akamukonkha mwisinda mukasi muchilundilo nukupalamasya ilaya lyache. ²⁸ Papo akati, " nanthi ningapalamasya bwaka ilaya lyache, nkhupola." ²⁹ Bo amupalamasya bwaka, idaba likaleka aponyene ukufuma, po akiyivwa mumubili wache ukuti apola ku nthamyo yo alinji nayo. ³⁰ Umwalubilo u Yesu akazyayinkhanya ukuti amaka ghamo ghafumamo mumwache. akang'anamukilaku chilundilo nukulalusya, " wewenu yo amphalamasya?" ³¹ abamanyili bache bakamubuzya bakati, " ukulinga bwaka ubwingi bwa banthu mo bubelile, inga po ukunena ukuti," wewenu yo akupalamasya? ³² loli u Yesu akabalingisya abanthu ukuti amumanye yuyo amupalamasya. ³³ Umwanakazi, pakuzimanyisanya zizyo zikabombwa kukwache, akizula nu bogha nukwanda ukutetema. Akiza nukumuwila uyesu muvinama, nukunena ubwanalori bosi mo bukabela. ³⁴ U Yesu akamubuzya umwanakazi akati, " ulusubilo lwako lwakupozya. Buka nu mtende nukusatuka ku nthamyo yako. ³⁵ Bo achili akulinganya, abanthu bamo bakiza ukufumila ku mulongozi wa sunagogi yula nukunena ukuti, " umwana wako afwa. choni cho ukumutamya umanyisi?" ³⁶ Loli bo u Yesu ivwa ipangwi lilyo likaneniwa, akati ku mulongozi wa sunagogi, " utakowope subila bwaka." ³⁷ Atakamwitikizya nayumo uwakumukonkha loli u Petulo, Yakobo, nu Yohani uwamwabo wa Yakobo. ³⁸ Bobiza ku nyumba ya mulongozi wa sunagogi akabalinga abanthu bakupanga ichongo ichikulu bakulila. ³⁹ Bo ingila mu nyumba, akababuzya akati, " chonichicho muvulunganite sona choni cho mukulila? Umwana atafwile loli awonite utulo." ⁴⁰ po abene bakamusekela. Akabafumya kunzi bosi nukusyala bwaka nu baba wa mwana sona nu mama wa mwana poka nabo akaba nabo po akabuka nabo ko kukaba umwana. ⁴¹ Akamukola umwana panyobe nukunena ukuti, '' Talita, koum!'' chochikung'anamula ukuti, ''mwana munandi nkhunena kukwako, nyamuka.'' ⁴² umwalubilo umwana akanyamuka nukwanda ukwenda( papo akaba ni myaka twelovu) bakaswigha hee nichiswigho cha kuhobosya chino. ⁴³ Akababuzya umwakubakomelezya ukuti batakabuzye nayumo pa vyo vyabombwa.po akababuzya ukuti bamupeko ichakulya.