2 تہٟ نیوکھ سُہ گنڈِتھ کورُکھ پیلاطُس حاکمس حوالہٟ. 3 ییلہ تس رٹن والؠ یہوداہن یہ وُچھ.زِ سُہ سپُد مجرم ثٲبت تہ افسوس کرِتھ انیِن تِمہ چاندِ ہنزٟ تِرہ رُوپیہِ زِٹھؠ کٲہِنَن تہِ بزرگن نِش واپس تہٟ وُننکھ.
4 مے کور گُناہ زِ بے قصور رٹنووُم قتل کرنہ موکھہٟ. تمو ونُس اسہِ کیاہ یہِ زانکھ ژۂ.
5 اتؠ دراۆ سُہ ہیکل منز دٲرِتھ ژھنِتھ. گو تہ دِژن پانس پھاسؠ. 6 زیٹھؠ کاہنو وُن تِم چاندِہ ہندی پُونسہ تُلِتھ، زِ ؠم چھنہ ہیکلِ ہندِس خزانس منز تراون جایز کؠنہہ، تکیازِ یہ چُھ خُونک قیمت.
7 پتے ہیُوت تمو مشورہ کرِتھ یمن چاندہ ہندین پُونسن کرالہ سنُد کھا پردیسین ہندِ دفن کرنہ باپت.
8 امے وجہ کینؠ چھ تَتھ کھہس ونیوک تام"رتہ کھا" ونان. 9 تیمہ ساتہ سپُد تہِ پورہ یہ یرمیاہ نبی سندِ ذریعہ وننہ اُوس آمُت.زِ یمؠوک قیمت مقر ر کرنہ اوُس آمُت بنی اسرایلین ہندِ دسیٟ تمو روُٹ تمیوک تِمہ ترہ روپؠہِ.
10 تہ اتھ آۆ کرالہ سند کھاہ مُولی ہینہ. یتھ کنؠ خداونان مے حکم دُیوتمت اوُس . 11 عيسىٰ اوس حاکمس برونہہ کنہِ استادہ. تہ حاکمن پُروژھ تس کیا ژہ چُھکھا یہُودین ہند پادشاہ؟ عيسىٰ ہن وُن تس زِ ژہ چُھکھ یہ پانے ونان.
12 ییلہ زیٹھؠ کاہن تہ بزرگ تمِس پیٹھ اسؠ الزام کھالان، تیمؠ دیُوتنہ کانہہ جواب.
13 اتھ پیٹھ وُن پیلاطسن تمِس. کیا ژہ چُھکھنا بوزان، ؠِم کاژا گواہی چھِ ژے خلاف دِوان؟
14 تؠمؠ ونؠ تس اکھ کتھ تہِ درجواب، یوتام زن خاکمن بڑہ تعجب کور. 15 تہ حاکمہٟ سنُد دستور اُوس زِ عید پیٹھ لوکن ہندِ خاطرہ اکھ قٲدیِ یُوس تِم یژھہن یلہ تراوُن.
16 تؠمہ ساتہ اوُس اکھ مشہور قیدیِ برابا ناوُک. 17 ییلہ تِم جمع سپد تہ پیلاطُسن وُن تِمن. توہی کُس چُھوۆن یژھان زِ بُو تراون سُہ تُہندِ باپت یلہ. برابا کنہ عيسىٰ یس زن مسیح چھِ ونان.
18 تکیازِ تِمس ٲس پتہ زِ ؠمو چُھ ضِدس پیٹھ رٹنومُت.
19 تہ ییلہ سُہ تخت عدالتس پیٹھ بِہتھ اوُس تہ پننہ زنانہِ سوزٔس شیِچھ زِہ ٲمس نیک انسانس مہ کر کینہ تکیازِ مے تُل از خوابس منز امہ سندٟ ساتؠ سیٹھا دُکھ. 20 مگر زیٹھؠ کاہنو تہ بزرگو اُکساؠؠ لوکھ زِ برابا منگہِ ووُن تہ عيسىٰ کرنایون قتل.
21 حاکمن وُن تمن ؠمو دوُؠو منز کُس چُھو توہی یژھان زِ تُہندِ خاطرہ تراوَن بُو سُہ یلہٟ؟ تمو ونُس برابا.
22 پیلاطسن وُن تمن، ادہ یمس عيسىٰ ہس یمس مسیح چُھ وننہ یوان کیا کرہ بُو؟ ساروی وُن، سُہ کھالیون پھاسہِ. 23 تیمؠ وُن "کیازِ"؟ ٲمؠ کیا بدیِ چھے کرمژ؟ مگر تمو تُل بیہ کریکہ ناد تہ وُنکھ، امس دیِو پھاسؠ.
24 ییلہ پیلاطسن وُچھ زِ کہہن چُھنہ ہیکان سپدِتھ بلکہ چُھ ہنگامہ زیادے سپدان تہ انہ نووُن آب تہ چھلِن لوکن روبرو پنین اتھہ. تہ ونُن بُو چُھس یمس نیک انسانہ سندِ خونہ نِشہ بری. ونؠ زاینُو تُوہی. 25 ،ساروٟی لوکو وُن درجواب امسنُد خون سانہ تہ بیہ سانین اولادن ہندِ ذِمہ.
26 اتھ پیٹھ ترۆو تیمؠ برابا تہندِہ مُوکھہ یلہ. تہ عيسىٰ کوُرن کوڈہ دیایِتھ حوالہ یُوتھ زن پھاسہِ ییہِ کھالنہ. 27 اتھ پیٹھ نیو حاکمہ سندؠو سپاہؠو عيسىٰ قلعس منز تہ سُوری فوج کورکھ امِس اندؠ پتؠ جمع.
28 تہ تس آے پلو کڈنہ تہ آس قرمزی چُوغہ نالی تراونہ.
29 تہ کنڈین ہنُد تاج بنایتھ تھوہس کلس پیٹھ. تہ کنڈیُو لُور دِژہس دچھنِس اتھس منز تہ لگِس کوٹھؠ نمرِتؠھ مذاق کرنہِ زِ ہے یہودین ہندِہ پادشاہ "سلام" 30 تہ لایہس تُھوکہ بیہ ہُیوتہس تمے کنڈی لُورِ ساتی کلس لایُون.
31 ییلہ مزاق کرِتھ سپدے چُوغہ نیبر کڑِتھ ترٲوِہس پننی پلو نالؠ تہ نیوک پھٲسؠ دِنہِ. 32 ییلہ نیبر آے تہ وچھکھ شمعون ناوُک اکھ کُرینی نفر تہ بیگارِ رٹتھِ نیوکھ زِ امسنذ صلِیب تُلہ.
33 تہ گُلگُتا جایہ وٲتِتھ یتھ زن کلہ کھوپرین ہنز جاے چھے وننہ یِوان.
34 دُیوتہس ٹؠوٹھ شراب چینہ خاطرہ، مگر مزہ وُچِھتھ یژھن نہ چیُون. 35 ییلہِ تمو تس پھٲسؠ دِژہ چیرِہ ترٲاوتھ باگرِکھ تمسند پلو.
36 تٕہ تَتِہ بِہِتھ لگؠ تمس نظر گزر تہاونہ.
37 تہ تمسُند اِلزام تھوک تس کلہ پیٹھؠ کینؠ مشکہِ لیکتھ زِ یہ چُھ یہُودین ہنُد پادشاہ عيسىٰ. 38 تؠمہ ساتہ گے تمِس ساتیٟ زہ ڈاکو تہِ مصلوب اکھ دچھنؠ کینؠ تہ بیاکھ کھورؠ کینؠ.
39 تہ وتہ پکن والؠ ٲسؠ تس کلہ گلہ وِتھ لعن تعن کران تہ ونان ٲسؠ.
40 ہیو ہیکلِ لوہُرن والیا تہ ترین دوہن منز بناوَن والیا. بچاۆو پنُن پان، اگر ژہ خدایہ سنُد فرذند چُھکھ تہ وس پھاسہِ پیٹھ بُون. 41 یتھے پاٹھؠ ٲسؠ زِٹھؠ کٲہِن تہِ فقیہن تہ بزرگن ساتؠؠ رِلتھ مذاق کرِتھ ونان.
42 ٲمؠ بچای باقی، مگر پنُن پان ہُیوکن نہ بچایتھ. اگر یہ اسرایلک پادشاہ چُھ وَسِن تیلہ پھاسہ پیٹھ بُون تہ ٲسؠ انو ٲمس پیٹھ اؠمان. 43 امِس چُھ خدایس پیٹھ بھروسہ اگر سُہ یژِھ تہ ونکیس بچاین امِس، تکیازِ امؠ اوُس ونُمت بُو چُھس خدایہ سنُد فرذند.
44 یتھے پاٹھؠٟ ڈاکو تہِ ؠِم تمِس ساتھؠ مصلوب سپدؠ تمن پیٹھ تہ ٲسؠ لعن تعن کران. 45 تہِ دوپہر پیٹھ گو انہ گوٹ تریمس پہر تام سارسی ملکس منز.
46 تہ ترؠمہ پہرہ نزدیک وُن عيسىٰ ہن بڑِہ کریکھ دِتھ" ایلؠ ایلؠ لما شبقتنی" ہے میانہ خدایہ، ہے میانہ خدایہ ژے کیازِ تُرووتھس بُو.
47 ؠم تَتہ کھڑا ٲسؠ تمو منزہ وُن کینژھو یہ بُوزتھ، زِ یہ چُھ ایلیاہس ناد لایان. 48 تہ تمو منزہ گو یقدم اکھ نفر دُور تہ اُنن سرکس بوڈوِتھ دجِہ ہُر تہ لوُرِ پیٹھ تھایتھ دیوتُس چینہ باپت.
49 مگر باقیو وُن ٹھہریو گوڈہ وچھو امس ییِاہ ایلیاہ بچاونہ کنہ نہِ.
50 تہ عيسىٰ ہن دیُوت پتہ بڑِہ آوازِ منز کریکھ دِتھ جان. 51 تہ ہیکلِ ہند پردہ پھُوٹ ہیرہ پیٹھ بُون تام گایس زہ حصہ. تہ زمین لرزیہِ تہ کنہِ پھچہِ.
52 تہ قبرہ آیہ مژر رنہ تہ واریاھن ،قدسیِنن ہندؠ جسم آے زندہ کرنہ.
53 تہ تِم زندہ گژھنہ پتہ قبرو منزہ نیرِتھ گے تِم مقدس شہرس منز تہ واریاھو وُچھؠ تہِ. 54 ادہ صوبیدار تہ ِم ٲمس ساتؠ عيسىٰ ہس راچھؠ کرن والؠ ٲسؠ تِم کھوژیٟ بِنیُول تہ سُوری قصہ وُچھتھ، وننہ لگؠٟ بیشک اوُس یہ خدایہ سند فرزند.
55 تہ تَتہ آسہ واریاہ مستورات یمہ گلیِلِ پیٹھ عيسىٰ سنذ خدمت کران تس پتہ پتہ آسہ آمژہ. تِم آسہ دُورہ پیٹھ وچھان.
56 تمن منز ٲسؠ مرؠم مگدلینؠ تہ یعقوب تہ یُوسیس سنز موج مرؠم تہ ذبدی سندین شرین ہنز موج. 57 ییلہ شام سپُد تہ ارمتیاہُک یُوسف اکھ دولتمند نفر آۆ یُوس پانہ تہِ اوُس عيسىٰ سنُد شاگرد.
58 تہ پیلاطُسس نِش گژِتھ منجن تس عيسىٰ سنز لاش. اتھ پیٹھ دیوت پیلاطُسن حکم تس لاش دینُک. 59 یوسفن نییِہ عيسىٰ سنز لاش سفید زٲیجہ ژادرِ ولِتھ.
60 تہ کورن پننہِ قبر منز یُوسہ تِمؠ کنین منز کھنِتھ آس تھاومژ دفن تہ بڑ کنؠ قبرِ ہندِ گلِس پیٹھ تھایتھ دراۆ.
61 تہ مرؠم مگدلینی تہ دوؠم مریم آسہ تَتیِ قبرِ نِش بہیتھ. 62 دوؠمہ دوُہ یُوس تیاری ہند پتم دوُہ اوُس تہ زیٹھؠ کاہن تہ فریسی گے پلاطسس نِش جمع تہ ونُکھ.
63 عالی جناب اسہِ چُھ یاد زِ دؠمؠ دھونکہ بازن اوُس زندہ پانے ونمت زِ بُو گژھ ترییہِ دُوہے پتہ زندہ.
64 ادہ ژہ دِہ حکم زِ ترین دوُہن تام گژھِ ینؠ قبر ہنذ راچھ کرنہ. یوتھنہ تہ سپدِ زِ تمسند شاگرد ین تہ نِن تس ژورِ. تہ لوکن ونن، زِ سُہ وُتھ مردو منز زندہ تہ یہ آخری دھونکہ آسہ گوڈنکہِ کھوتہ بتہ وُلٹہ. 65 پیلاطُسن ون تمن، توہہ نِش چھنا رٲچھدر،گژھؠو یوتام تہندِہ اتھ ییہِ توتام کرؠو رٲچھ.
66 اتی گے تِم راچھدر ہیتھ تَتھ کنہِ پیٹھ مُہر کرِتھ رودؠ قبرِ رٲچھ کرنہِ.