2 تہ وچھؠو،اکھ زبردست بنُؠول سپُد، تکیازِ خدایہ سنُد فرشتہ وُوتھ آسمانہ پیٹھہ تہ نکھہ یِتھ دیوتُن کنہِ ہوکن دکہ پتہ بیُوٹھ اتھؠ پیٹھ. 3 تمسنذ شکل ٲس وذُملہ ہش تہِ پلو ٲسس سفید شین ہیؠ.
4 تہ تمسندِ خوفہ کھوژی رٲچھدر تہ فیرکھ مُوتٕنؠ ژَھٹ. 5 فرشتن وُن تِمن مستوراتن، توہی مہ کھوژیو تکیازِ مے چھے پتہ زِ توہی چھُیو عيسىٰ ہس ژھانڈان یُوس مصلوب سپُدمت اُوس.
6 سُہ چھُنہ یتہِ، تکیازِ پننہ وننہ مطابق ووُتھ سُہ زندہ ولؠو وچھیو یہ Jاے یتہ خداوند سر تراوتھ اُوس.
7 تہِ جلدی گژیِو ونؠو تمسندین شاگردن زِ سُہ ووُتھ مُوردو منز زندہ. وچھؠو سُہ واتہ توہہ بُرونہہ گلیل، تَتہِ وچُھوۆن سُہ توہی، وچُھؠو مے وُنمو تُوہہ. 8 تِمہ گیہِ خوفہ تہ حُوشی سان قبرِ نِشہ روانہ تہِ دوُرییِہ تمسندین شاگردن خبر دِنہ.
9 وچھیو، عيسىٰ سمکھؠو تمن، تہِ وننکھ سلام، تمہ آیہ تمِس بُرونہہ تہ کھور رٹتھ کورہس سجدہ.
10 اتھ پیٹھ ون عيسىٰ ہن تمن. کھوژِومہ گژھیو.میانؠن بایَن ونیو گلیلِ واتُن تَتیِ وُچھن مے تِم. 11 ییلہِ تِمہ گژھٲنؠ آسہ، تہ وچُھیو، رٲچھدرو منزٕہ ووٚن کینژھو شہر یتھ سوری معاملہ زِٹھؠ کٲہِنَن.
12 تہِ تمو کور بزرگن ساتی جمع سپدتھ مشورہ تہ سِپاہن دِتکھؠ واریاہ پُونسہ تہ ونہکھ.
13 توہی ونزیُو یہ زِ ییلہ ٲسی راتھ کیوتھ شونگتھ اسؠ تہ تمسندؠ شاگرد آے تہ نیوک ژوُرِ. 14 تہ اگر یہ کتھ حاکمن ہندین کنن تام واژ تہ سُہ سمجھایِتھ بچاوو اسؠ توہی خطرہ نِشہ.
15 ادہ پونسہ رٹتھ کور تمو تؠِ یہ تِم ہچھناونہ آمتؠ ٲسؠ تہ یہ کتھ سپز یہودین منز مشہور. 16 تہ کاہ شاگرد گے گلیلِ ہندس تَتھ پہاڈس پیٹھ یُوس عيسىٰ ہن تہنذِ خاطرہ مقر ر کُورمت اوُس.
17 تِمو کوٚر سُہ وُچِھتھ سجدٕہ، مگر کینژھو کور شک. 18 عيسىٰ ہن کرِ نزدیک یتھ تمِن ساتؠ کتھہِ تہ وننکھ آسمانُک تہ زمینک کُل اختیار چُھ مے دنہٟ آمُت.
19 ادہ گژِتھ بنایوکھ تُوہی ساری قوم شاگرد تہ تمن دیُِو بب، نیچُو تہ روح القدس سندِ ناوہ بپتسمہ. 20 تہ تمن دیُیو یہ تعلیم زِ تِم کرن تِمن سارنی کتھن پیٹھ عمل یمن ہند مے توہہ حکم دیوتمُو، تہ وچُھیو بُو چُھس دنیاہ ختم گژھنس تام ہمیشہ توہہ ساتی.