2 توہہ چُھؠو پے زِ دوُؠو دوہُو پتہ آسہ عیدِ فصح تہٟ ابنِ آدم ییہِ مصلُوب کرنہ باپت رٹہ ناونہ. 3 تیمہِ ساتہ گے زیٹھؠ کاہن تہٟ قومکؠ بزرگ کایفا ناۆ زیٹھؠ کاہن سندِس دیوان خانس منز جمع.
4 تہ کوُرکھ مشورٟہ زِ عيسىٰ رٹہ ووُن دھونکہ ساتؠٟ تہِ کرووُن قتل.
5 مگر ونان ٲسؠٟ. عیدِ پیٹھ نۂ بنان چُھ لوکھ مَا تُلن فسادہٟ. 6 تہِ ییلہ عيسىٰ بیت عُنیاہس شمعون میندٟؠ لدٟہ سنٔدِ گھرِ اُوس.
7 تہ اکھ زنؠٟ آیہ سنگ مرمر کِس عطرِہ دانس منز قیمتؠ عطر ہیتھ تمِس نِش.ییلہ سُہ کھؠن کھینہ بیُوٹھ تہ ترٲونس کُلِس پؠٹھ.
8 شاگرد گے یہ وُچھتھ ناراض تہٟ وُنہس یہ کؠمہ خاطرہ کورُتھ ضایعہ.
9 یہ ہیکہ ہو تھدِ قیمتہ کنِتھ تہ غریبن دِتھ. 10 عيسىٰ ہن وُن تمِن یہ زانِتھ کیازِ چھؠو وُن دُکھؠ کران امؠ کُور میانہ خاطرہ رُت.
11 تکیازہ غریب غرباء چِھ ہمیشہ تُوہہ ساتی مگر بُو روُزٟہ نہ توہہ نِشہ ہمیشہ کؠنہہ. 12 تہ ٲمہ ترٲو میانِس بدنس پیٹھ عطر میانہِ دفن کرنچِ تیاریِ خاطرٟہ.
13 بُو چُھسو توہہ پُوز ونان، زِ تمام دنیاہس منز یتہِ تہِ یمہ خوشخبری ہنُد اعلان ییہِ کرنہِ یہ تہِ ٲمہ کُور یہِ گژھِ یُون ٲمسندِ یادگاری موکھہ وننہٟ. 14 تؠمہ ساتہ وُن تمو بہو منز اکؠ یمسند ناۆ یہوداہ اِسکریُوتی اُوس، زِٹھؠ کاہنن نِش گژِتھ.
15 اگر بُو توہہ سُہ حوالہ کرناوَن تہٟ مے کیا دیِوُو؟ تمو دژہٟ تمِس تولِتھ ترِہ رُوپیہِ.
16 تہٟ تیمہ ساتہ پیٹھہ لوگ سُہ تمِس رٹناونُک موقع ژھانڈنہِ. 17 عیدِ فطیرکہ گوڈنِکہ وُن شاگردو عيسىٰ ہس نِش یتھ. ژہ کتہِ چُھکھ یژھان زِ ٲسؠ کرو چانہٟ خاطرہ فصحہ کھینچ تیاری.
18 تیمؠ وُن شہر گژِتھ ونیو فلانؠ شخصس وُستاد چُھ ونان، زِ مؠون وَکھ چُھ نزدیک بُو ؠمہ پنینؠ شاگرد ہیتھ تہ مناوہ تُہندِ عیدِ فصح.
19 تہٟ یتھ کنؠ عيسىٰ ہن شاگردن اُوس حکم دیو تُمت تمو کور تیِ تہٟ کُورکھ فصح تیار. 20 شام ووت تہٟ سُہ لوگ بہن شاگردن ساتؠ کھین کھیِنہِ.
21 ییلہِ سُہ کھؠوان اُوس. تہٟ تیمؠ وُن بُو چُھسو تُوہہ پُوز ونان زِ توہہ منزہ رٹہٟ نایہ مے اکھ.
22 تِم سپد واریاہ غمگین تہٟ پرتھ کانہہ لوگُس وننہِ خداوند، کیا بُو چُھسا. 23 تیمؠ وُن درجواب. یمؠ مے سٲتھؠٟ ٹُورِس منز اَتھٟ وُول سُویٟ رٹہ نایہ مےٟ.
24 ابنِ آدمس سپدِ تی یہ تس ہندِس حقس منز لؠکتھ آسہ مگر تس نفرس پیٹھ افسوس ؠمہ سندؠٟ دسؠ ابنِ آدم رٹہ ناونہ ییہِ تمسندہ خاطرہ اُوس جان زِ اگر نہ سُہ پٲدے آسہے گوُمت.
25 اتی وُن سُہ رٹہ ناون والؠ یہوداہن درجواب. ہے ربی کیا بُو چُھسا؟ تیمؠ وُن تس، ژے ونُتھ پانے. 26 ییلہٟ تِم کھؠوان ٲسؠ، تہٟ عيسىٰ ہن رٔٹ ژوُٹ تہٟ برکت دِتھ فُٹرٔن تہٟ ونُن شاگردن رٹیو کھیوۆ، یہ چُھ میون بدن. 27 پتہٟ روُٹن پیالہ تہٟ شُکر کرِتھ ونُن تِمن، توہی سٲریِ چییو امہ منزٟہ.
28 تکیازِ یہ چُھ میانہِ عیدُک خون یُوس واریاہن ہندیِن گناہن ہنزِ معافی خاطرہ دنہ چُھ ؠوان.
29 بُو چُھسو توہہ ونان، زِ دچھہِ ہنُدیہ رَس چینہ پتہٟ بُو زانہہ بیہ.تَتھ دُوہس تام زِ توہہ ساتی چیمہ. ببہ سنزِ پادشاہی منز نیہِ. 30 پتہٟ گو سُہ حُمد کرِتھ زینونِکس پہاڑس پیٹھ.
31 تیمہ ساتہٟ وُن عيسىٰ ہن تِمن. تُوہہِ ساریٟ گژھؠو برگشتہ یمِہ رٲژ میانِہ وجہ ساتی، تکیازِ لیکتھ چُھ زِ بُو مارن یُوہل تہٟ تیِرن گژِھ چھلہٟ چھانگٟر.
32 مگر بُو گژھٟ زندٟہ وتھنہ پتہٟ تُوہہ برونہہ گلیِل. 33 پطرسن وُن تس درجواب اگر ساری چانہ وجہ ساتی برگشتہ سپُدن مگر گژھنہ زانہہ.
34 عيسىٰ ہن وُن تس، بُو چُھسے ژے پُوز ونان، ؠمے رٲژ کرتھ ژہ کوکر بانِگہ برُونٹھ تریہِ لٹہِ مؠون انکار.
35 پطرسن وُن تس. اگر ژے ساتیٟ مے مرُن تہِ پییہ توتہِ کرنہ بُو ہرگِز تہِ چُون انکار. بیہ وُن سالمُو شاگردو تہِ یتھے کنؠٟ. 36 تیمہ ساتہٟ ووُت عيسىٰ تِمن ساتی گتسمنی ناوِہ اکس جایہ تہِ وُنن پنین شاگردن، یتؠ بہزؠو یوتام بُو ہُوۆر گژِتھ دُعا کرٟہ.
37 تہِ پطرس بیہِ زبدی سندؠ دونوے نیچیٟ ساتؠٟ نِتھ لوگ غمگین تہٟ بے قرار سپدنہٟ.
38 تیمہ ساتہٟ وُن تمؠ تمِن، مُِون زُو چُھ سؠٹھا غمگین.یوتام زن زِ مرنچ نُوبت زٲژ. توہی رُوزؠو یتی تہ مے ساتؠٟ رُوزؠو. 39 پتہ کموی بُرونہہ یتھ پیُو سُہ بُتِھ کنؠ کورن دُعا تہِ ونُن. ہے میانہ ببہ اگر ممکن چُھ یہ دُکھک پیالہ ہٹہِ مے نِش توتہِ سپدیِنہ تہِ یہ بُو یژھان چُھس بلکہ سپدِ تہِ یہ ژہ یژَھکھ.
40 واپس یِتھ وچھن شاگرد شونگِتھ تٕہ پطرسس ونُن کیا ہیککھنا مے ساتؠ اکس گنٹس تہِ ہوشہار رُوزِتھ؟
41 روز ہوشہار تہِ دُعا کران یُوتھنہ آزمایشہ منز پیِکھ، رُوح چُھ تیار مگر جسم چُھ کمزور. 42 پتہ دوبارہ گژِتھ کورُن یتھٟ کنؠ دُعا.ہے میٲنہِ ببہٟ اگر نہٟ یہ میانہِ چینہ ورٲے ٹلِتھ ہیکہِ تیلہ سپدِن چانی مرضی پورٟہ.
43 اتیٟ یِتھ وُچھِن تِم بیہ شونگتھ، تکیازِ تہنذٟہ ٲچھؠ آسہِ نندرہٟ ہژٟہ.
44 پتہ گو تِم ترٲوِتھ سُہ بیہِ. ترؠمہ لٹہِ کورُن تیِ ونتھ دُعا. 45 پتہٟ وُنن شاگردن نِش یِتھ تمِن. وُنہ چِھوا شُونگتھؠ تہٟ آرام کران.وچھؠو وَکھ وُوت تہٟ ابنِ آدم ییہِ گُناہ گارن حوالہٟ کرنہٟ.
46 وتھیو پکَو، وچھؠو مے رٹناوَن وُول وُوت نزدیک. 47 سُہ اُوس یہ ونٲنی زِ یہوداہ یُوس بہو منزہ اکھ اُوس .آۆ تہٟ تمس آۆ اکھ بوڈ ہُجوم تلوارٟہ تہٟ ڈنڈہ ہیتھ زیٹھؠ کاہن تہٟ قومکین بزرگن ہندِ طرفہٟ وٲتیٟ.
48 تمِس رٹن والؠٟ اُوس یہ نشان دیُوتمت زِ یمس بُو میٹھؠ کر سُوی رٹہِ زیوُن. 49 تہِ فوراً وُن تیمؠ عيسىٰ ہس نِش گژتھ"ہے ربی سلام" تہٟ کرِنٔس میٹھؠ.
50 عيسىٰ ہن وُن تس، یارا ؠمہ کامہِ خاطرہ آمُت چھکھ سُو کر. اتھ پیٹھ آے تِم برونہہ کُن تہ دژٟکھ عيسىٰہس تھف تہ رُٹکھ سِہ. 51 تہٟ وچُھؠو، عيسىٰ سندِؠو ساتھیو منزہ کڈ اکؠ تلوار زِٹھؠ کاہن سندِس نوکرس ژُوٹن کَن.
52 عيسىٰ ہن وُن تمِس. پننؠ تلوار تھاۆ بند تکیازِ ؠِم تلوار کڑن تِم ساری گژھن تلوارِ ساتؠ ہلاک.
53 کیا توہی چُھونا زانان زِ بُو ہیکہ پنِنس ببس زارٟہ پارٟہ کرِتھ، تہ سُہ سوزِہ وُنی فرشتن ہندی بہہ پلٹن مے نِش.
54 مگر لیکتھ چُھ تہِ کتھہٟ کنؠ سپدِ پُورہ لہذا چُھ یہ سُپدن ضرور. 55 تیمہ ساتہ وُن عيسىٰ ہن ہُجومس کیا تُوہی چُھیوا تلوارہ تہٟ ڈنڈہِ ہیتھ مے ڈاکو سندِؠ پاٹھؠ رٹنہِ آمتؠ.بُو اوسُس پرہتھ دُوہ ہیکلِ منز بہتھ تعلیم دِوان تہِ توہہ رُوٹوۆس نہ بُو.
56 مگر یہ سُوری کینہہ سپُد امہ موجوب زِ نبیین ہنُد نوشتہٟ سپدِ پُورہ اتھ پیٹھ ژلی داری شاگرد سُہ تراچِتھ. 57 تہِ عيسىٰ نؠو رٹن والؠو سُہ کایفا ناوہ زیٹھؠ سردارس نِش یتہ عالم تہِ بزرگ جمع ٲسؠ.
58 تہ پطرس ووُت دورِ دورِ تمِس پتہ پتہ زیٹھؠ کاہن سندِس دیوان خانس تام تہِ اندر ازتھ بُیوٹھ محافظن ساتھؠ نتیجہ وُچھنہِ. 59 زیٹھؠٟ کاہن تہ ساری صدرِ عدالت والؠ لگؠ عيسىٰ ہس مارنہ خاطرہ تمس خلاف اپُز گواہی ژھانڈنہِ.
60 مگر تہِ سپُد نہ ییلہ زن واریاہ گواہ آے مگر آخرس وُن دوُؠو گواہو یِتھ.
زِ
61 ٲمؠ وُن، زِ بُو ہیکہ خدایہِ سند ہیکل لُوہرتِھ تہ ترین دوہن منز ہیکن سُو بو نیہ بنایِتھ. 62 تہِ زیٹھؠ کاہنن وُن استادہٟ وتھتِھ تس ژہ چُھکنہ جوابی دِوان یہ کیا گواہی چھ یم ژے خِلاف دوان.63 مگر عيسىٰ ہن کرٔ ژھُوپہ.زیٹھؠ کاہنن وُن تس، بُو چھسے ژے زندہ خدایہ سنُد قسم دوان، زِ اگر ژہ خدایہ سنُد فرذند چُھکھ تہِ اسہِ وَن؟
64 عيسىٰ ہن وُن تس. ژے ونُتھ پانے بلکہ چُھسے پُوز ونان زِ وُنکہ پتہ وُوھہن ژہ ابنِ آدم قادرِ مُطلقس دچھنؠ کینؠ بہتھ تہِ آسمانکہِ اُوبرہ پیٹھی یوان. 65 اتھ پیٹؠھ ژٹؠٟ زِٹھؠ کاہنن یہ ونِتھ پانس پلَو زِ امؠٟ وُن کفُر.ونؠ کیا ضرورت چھے اسہِ گواہن ہنز؟ وچھیو، تُوہہ بُوزوٟہ ونؠٟ یہ کُفر.
66 تُنہذ کیا راے چھے؟ تمو وُن درجواب، یہِ چُھ قتلس لایق. 67 اتھ پیٹھ وُنہس بُتھِس تُھوکہِ لٲیِتھ تہ مُوشِہ لایتھ تہ کینژھو تھپیرہ والتِھ.
68 ہیُو مسیحا! اسہِ وَن نبوتہٟ سٲتیٟ زِ ژے کیمؠ لوییی. 69 پطرس اوس نیبر کنہ آنگنس منز بہتھ.زِ اکہِ دایہ وُن تس نکھہ یِتھ ژتہ اوُسکھ عيسىٰ گلیِلیس ساتؠٟ.
70 تِم کور سارنؠ برونہہ کنہِ انکار یہ ونتھ، مے چھؠنہ پے ژہ کیا چھیکھ ونان. 71 تہِ ییلہ سُہ برہ نیبر دراۆ تہ دوؠمہ دایہ وچُھ سُہ اتِؠ ونُن تِمن ؠم تَتہِ ٲسؠ. یہ تہِ اوُس عيسىٰ ناصرِؠس ساتؠِ.
72 تِمؠ کُور قسم کھؠتھ بیہ انکار، زِ بُو زانن نہ یِہ نفر. 73 کؠنہہ کالہ پتہ ؠم تَتہِ استادہ ٲسؠ وُنک پطرسس نِش یِتھ" بے س؛ک چُھکھ ژتہِ تموی منزہ، تکیازہ چانہ وننہ تلہ تہِ چُھ باسان.
74 اتھ پیٹھ لوگ سُہ لعنت کرِتھ تہ قسم کھیتھ وننہِ، زِ بُو چُھسن نہ یہِ نفر کؠنہہ زانان. تہ امے ساتہ دیژ کوکُرن بانگ.
75 پطرسس پیہ سُہ کتھ یاد یُوسہ عيسىٰ ہن تس ونمژ ٲس زِ کوکرِہ سنزِ بانگِ برونٹھ کرکھ ژہ تریِہ لٹہ مؠُون انکار، تہ لوگ نیبر نیرت زار زار ودنہِ.