2 تمو منزہٟ آسہِ پانژھ بیقٟل تہِ پانژھ عٲقل.
3 یمہ بیقٟل آسہ تِمو نیِہ پانس ساتیٟ پننہِ مشعالہِ مگر تیِل نیوُک نہِ ساتیٟ کؠہنہ.
4 مگر عقلمندو نیُو پننین مشعالین ساتیٟ تیِل تہِ کونپین منز پانس ساتیٟ . 5 تہٟ ییلہ مہرازن ینِس منز ژیر لوگ تہٟ سارنے آیہِ نیندرِ ٹھولہٟ تہٟ شُونجہِ.
6 نصِف رٲژ وُتھ شور! وچھیو مہرازہٟ آۆ نیریُو تس استقبالس. 7 تیمہ وزِ وژھٟ تِمہ سارے انہرشہِ تھود لجہِ پننہِ پننہِ مشعالہ شہرنہِ.
8 تہِ بیقلو وُن عٲقلن زِ پننہِ تیلہِ منزہ دیِتو اَسہِ تہِ کؠنہہ، تکیازِ سانہِ مشعالہِ ہیژھن ژھیتہِ گژھنہِ.
9 عٲقلو ونکُھو درجواب شاید نے پوشنِہ یہ اَسہِ دوشوُنیٟ کؠنہ، بہتر چُھ یہِ زِ تُوہی گژھؠو تیِلہٟ دوکانس پیٹھ تہِ انیو پننہِ خاطرہٟ مُولؠٟ. 10 ییلہِ تِم مُولؠٟ ہینہ گژھان آسہ.تہٟ مہرازٟہ ہؠو واتِتھ. تہِ یِمہٟ تیار آسہٟ تِمہ گؠہ خاندرچہِ محفلہٟ منز داخل.تہٟ دروازٟ آۆ ہند کرنہٟ.
11 پتہٟ آیہِ تِمہٟ باقی انہرشہِ تہِ وننہِ لجہِ ہے خداوند، ہے خداوند سانہِ مُوکھہٟ ترٲؠو دروازہٟ یلہِ.
12 تیمؠ ونُکھ درجواب.بُو چُھسو توہہ پوز ونان زِ بُو زانُو نہٟ تُوہی.
13 اوہٟ موکھہٟ روزُؠو ہوشیار، تکیازِہ توہہ نو چُھو سُہ دوُہ پتہ نۂ سُہ وقت. 14 تکیازِ یہ چُھ تمِس نفرٟہ سنُد ہیُو حال، یمؠ بیکس ملکس گژھنہٟ وزِ پننہ پننہ گھریکؠ نوکر ناد دِتھ ٲنؠ تہٟ کُورنکھ پنُن مال حوالہ.
15 اکِس دِتن پانژھ قنِطار،دوُیمِس زۂ تہٟ تریمِس اکھ. یعنی پرتھ کانسہِ دیوُتن پننہِ قابلیتہٟ مطابق تہٟ گو بیکس مُلکس.
16 یمس پانژھ قنِطار میلؠ سُہ گو فوراً کورن کارووبار تہٟ زیِنین بیہ پانژھ. 17 یتھے پاٹھؠٟ یمس زۂ میلِؠ تیمؠ تہِ زینؠ بیہ زۂ.
18 مگر یمس اکھ اُوس میولمُت سُہ تہٟ تھوون پنیِن مالکہِ سنُد پونسہ زِمینہ چُھپایتھ. 19 واریاہ کالہ پتہ آۆ یمن نوکرن ہنُد مالک تہِ لوگ یمن حساب ہینہِ.
20 یمس پانژھ قنِطار ٲسؠٟ میلمتؠ سُہ آۆ بیہ پانژھ قنِطار ہیتھ.تہِ وُنن ہے آغہ ژے ٲسِتھ مے پانژھ قنِطار دِتمتؠٟ وُچھ مے زینؠ بیہِ پانژھ قنِطار.
21 تمسندؠٟ مالکن وُن تس ہیُو جان تہٟ ایماندار نوکرا، شاباش، ٟژہ ہا روُدکھ کمس منز ایماندار، بُو ہا بناوتھ ژہ واریاہن چیزن ہُند مُختار.ولہٟ گژھ مالکہٟ سنزہٟ خوشی منز شامِل. 22 تہِ یمس زۂ قنِطار ٲسؠٟ میلِمتؠ تیمؠ تہِ وُن برُونہہ کن یتھ"ژے ٲسِتھ مے زۂ قنِطار حوالہ کرمتؠٟ وُچھ مے زیِنؠٟ بیہ زۂ قنِطار.
23 تمسندؠٟ مالکن وُن تس ہیُو جان تہٟ ایماندار نوکرا، شاباش، ٟژہ ہا روُدکھ کمس منز ایماندار، بُو ہا بناوتھ ژہ واریاہن چیزن ہُند مُختار.ولہٟ گژھ مالکہٟ سنزہٟ خوشی منز شامِل. 24 تہِ یمس اکھ قنِطار اُوس میولمُت. سُہ تہِ لوگ برُونہہ کن یتھ وننہِ. ہے آغہ بُو زانتھ ژہ زِ ژہ چُھکھ وُوکھ نفر، یتہ ووان چُھکھ لونان، تہ یتہ نہ چھکُرتھ تَتہ چُھکھ سونبران.
25 ادہٟ بُو کھوژُس تہِ گوس تھاوٟم چانؠ قنِطار زمینِ منز چُھپایتھ، وچھ یِہ چُون چُھ تِہ چُھ موجود. 26 تمسند مالکن وُن تس درجواب ہیُو ذلیلہ تہٟ کامہِ ژوُر نوکرا ژے ہا ٲسیٟ پے زِ یتہِ نہِ مے وُو تَتہِ چُھس لونان،تہٟ یتہِ نہ مے چھوکُر تَتہِ چُھس بُو سونبران.
27 ادہٟ ژے ہا اُوسؠ لٲزِم زِ میانہِ روپؠہ دیِکھ سُود خارس تہ بُو یمہ ہا تہٟ نمہِ ہا پنُن مال سُود ہیتھ واپس. 28 ادہٟ نُییوٟ ٲمِس یہ قنِطار تہٟ دِیتُن تس یمس نِش داہ قنِطار چُھ.
29 تکیازِ یس نِش چُھ تس ییہِ دِنہ. تہِ تس نِش آسہِ واریاہ. مگر یس نِش کہین چُھنہ تس ییہ تِتہِ نِنہ یہ تس نِش چُھ.
30 تہ ترایہ وُن یہ کامہِ ژوُر نیبر کنہِ انہ گٹِس منز تَتہِ آسہ وُدن تہٟ دندہ ٹکُن. 31 ییلہ ابنِ آدم ییہِ پنِنس جلالس منز.تہٟ ساریٟ فرشتہِ یِن تس ساتیٟ.پتہٟ بہیہِ سُہ پنینہ جلالکس تختس پیٹھ.
32 تہٟ ساری قوم سپدن تس برونہہ کنہ جمع. تہٟ سُہ کرِ اکِس بییِس نِشہ الگ یتِھ کنؠ پُوہل چُھ تیرن ژھاولیو نِشہ الگ کران.
33 تہٟ شرِن چھ پانس دچھنؠ تہٟ ژھاولین چُھ کھووُریٟ کینؠ کھڑا کران. 34 تیمہ ساتہٟ ونہِ پادشاہ پانس دچھُنہِ اندہٟ کینؠٟ، ولُؠو میانِس ببہٟ سندُؠو مبارک لوکو.یہ پادشاہن دنیا بناونہٟ برونٹھ تہندِہ خاطرِہ تیار چُھ کرنہِ آمت تہِ رٹیو میراثس منز.
35 تکیازِ بُو اُوسس بُوچھہ ہُوت توہہ کھؠوۆس بُو کھیِن، بُو اُوسس تریشہٟ ہُوت توہہ چیوۆس بُو تریش. بُو اُوسس مسافر توہہ نیوۆس بُو پنُن گھرہ.
36 ننگےٟ اُوسس توہہ لاگہِ ووُم پلو.بیمار اُوسس توہی اُۆوُم خبِر. بُو اُوسس قٲد توہی اُو مے نِش. 37 پتہِ ونن نیکُوکار تس درجواب.ہے خداوند اسہِ کر وچِھکھ ژہ فاقےٟ کھیِاوُکھ ژہ فاقے اسِتھ کھین؟ یا تریشہ ہُوت وچھتھ کر چُووکھ تریش؟
38 اَسہ کر نیوکھ ژۂ پنُن گھرٟہ مُسافِر وچِھتھ؟ یا کر لاگؠ ننگےٟ وچھتھ پلُو.
39 اَسہ کر وچُھکھ بیمار یا قٲدس منز تہٟ ٲسی آے ژے نِش.
40 پادشاہ ونہِ تمن درجواب. بُو چھُسو توہہ پُوز ونان.زِ اگر توہہ میانیو سارویٟ کھوتہٟ کم یا یہِ بایو منز کانسہٟ تہِ خاطرٟہ یہ کورُو زَن کورُو میانے خاطرٟہ. 41 پتہٟ وَنہ سُہ کھوورِہ اندہ کؠنؠٟ. ملعُونو مے نِش گژھؠو تَتھ ابدی نارس منز یُوس شیطانس تہٟ تمسندین ملکن ہند خاطرٟہ تیار چُھ آمُت کرنہ.
42 تکیازِ، بُو اُوسس فاقے، تُوہہ کھیُووس نہٟ بُو کھیِن تہِ، ترؠشٕہ ہُوٚت اُوسُس، توہہ چیووس نہٟ بُو تریش.
43 مسافِر اوُسس، تو نیووس بُو گھرٟہ.ننگے اُوس توہہ لاگہِ ووُم نہٟ پلَو.بیمار یا قٲدس منز اُوس تہٟ خبر ہؠژٟہ ووُم نہٟ. 44 پتہِ ونن تِم تہِ درجواب. ہے خداوند.اسہِ کروچُھکھ ژہ فاقے، تریشہٟ ہُوت، مسافر، ننگے، بیمار یا قٲدس منز تہٟ چانیٟ خدمت کرنہ.
45 تیمہ ساتہٟ ونہِ سُہ تمن، بُو چُھسو توہہ پوز ونان زِ ییلہ نہٟ تُوہہ یمن سارنؠ کم ہایو منزہ کانسہِ ہندہ خاطرہ یہ کرونہ کؠنہہ تہِ زن کورُونہٟ میانے خاطرہٟ.
46 تہٟ ؠم تُلن، ہمیشہ ہند سزا، مگر پیزٟؠ زیٲرؠ ہمیشہ ہنز زندگی.