2 تؠمؠ وُن درجواب تمن. کیا توہی چھؠونا ؠِم سارؠ چیز وچھان؟ بُو چُھسو توہہ پوز ونان یتہِ رُوزنہٟ کُنِہ کُنِہ پؠٹھ کَنؠ مُوجود یُوسنہ دارِتھ دِنہ یؠہ. 3 ییلہ سُہ زیتونکِس پہاڈس پیٹھ بہتھ اُوس تمسندؠو شاگردو وُن تس نِش الگ کُن یِتھ اَسہِ ونتہ یِمٕہ کتٕھہ کر سپدَن؟تہٟ چانہِ یُنوک تہٟ دنیا ختم گژھنک کیا نِشان آسہِ؟
4 عيسىٰ ہن وُن تمن درجواب" خبردار ینہٟ کانہہ توہہ گمراہ کرؠُو.
5 تکیازِ میانہ ناو کؠٟ یِن واریاہ تہٟ ونن "بُو چُھس مسیح" 6 بیہِ بوزؠُو تُوہی لڑایہ تہٟ لڑاین ہندیٟ افواہ، خبردار، کھوژِہ زیونہ کؠنہہ، تکیازِ ؠمن کتھن ہند سپُدن چُھ لٲزِم.
7 تکیازِ قومس پیٹھ کرِ قوم تہٟ سلطنتس پیٹھ کرِ سلطنت قبضہ.تہٟ جایہ جایہ وتِھہ قحط. تہٟ بِنلؠ گژھن.
8 مگر یہ سُوری آسہ مُصیبتن ہُند شُروعاتیٟ. 9 تیمہ وقتہٟ رٹناونو تُوہہِ لُوکھ تہٟ دیِاونو تکلیف تہٟ کرنو قتل، بیہ تھاون ساری قُوم میانہِ ناۆہٟ ساتی دشمنی.
10 تہٟ تیمہ وقتہٟ ڈلن واریاہ ایمانہٟ نِشہٟ تہٟ اکھ اکِس رٹہٟ ناون بیہِ تھاوَن اکھ اکِس ساتی ضِد.
11 بیہِ وَتھن واریاہ اَپُزیٟ نبی تہٟ واریاہن کرن گمراھ. 12 بیہ گژھِ بے دینی زیادہ گژھنہٟ ساتیٟ واریاہن ہنُد لوُل کم.
13 مگر یُوس آخرس تام برداشت کر سُوؠ لبہِ نجات.
14 بیہ سپدِ پادشاہی ہنز خوشخبری ہنُد اعلان تمام دنیاہس منز تاکہ سارے قومہ خاطرہ روزِ گوہی پتہ آسہ آخرت. 15 ادہٟ ییلہِ توہی وچھؠو تباہ کرن والؠ مکرو چیز یمچ ذکر دانیل نبی سندِ ذریعہ سپز مژ چھے، مقدس جاین منز استادہٟ.
16 تہٟ یم یہودیاس منز آسن تِم ژلن پہاڈن پیٹھ.
17 یم پشس پیٹھ آسن تِم وسن نہ بُون پننِہ گھریُوک مال ساتیٟ نِنہ باپت.
18 تہٕ یم کھہس منز آسن تِم فیرن نہٟ یِتھ پننؠٟ پلو نِنہ. 19 مگر تِمن پیٹھ چُھ افسوس یمہ تمن دُوہن گُوبہ کھورہ آسن بیہ ؠمہ شُرین دوُدھ آسن چیاوان.
20 ادہٟ کریو دُعا توہہ گوژھونہ پیُون وندس منز یا سبتکہٟ دوہ ژلُن.
21 تکیازِ تمہ وقتہ آسہِ تیوتھ بوڈ مصیبت زِ تیوتھ نہ سپُد دنیا بننہٟ پیٹھٟ ونیوک تام نہٟ سپدِ زانہہ.
22 اگر نہ تِم دُہ کم آسہن کرنہِ آمتیٟ تہٟ کانہہ ہکہینہ بچِت مگر نیک لوکن ہندِ باپت یِن تِم دوُہ کم کرنہٟ. 23 تمہ وقتہٟ اگر کانہہ توہہ ونیو"وُچھیو" مسیح چُھ یتین یا ہوتین تہٟ یقین کرزؠونہٟ.
24 تکیازِ اُپزؠ مسیح تہٟ اُپزؠ نبی وتھن تہٟ تِتھ بڑؠٟ نشانہٟ تہٟ عجیب کامہ ہاون زِ ممکن آسہ تہٟ صاحبِ متقین تہِ کرن گمراہ.
25 وچھؠُو مے ونُو تُوہہ گوڈے. 26 ونؠٟ اگر تِم ونو توہہ زِ وچھو سُہ چُھ سنُسانن منز، تہٟ نیبر نیرزیونہٟ، یا وچُھیو سُہ چُھ کوٹھریِن منز تہٟ یقین کرزیُونہٟ.
27 تکیازِ یتھہٟ کنؠٟ وُزملہٟ مشرقہٟ نِشہ چمکِتھ مغرِب تام اَتھِ چھے یوان.
28 یتہِ موکُر آسہِ تَتہِ گژھن گریِد تہِ جمع. 29 تمو دوُہ کؠُو مصیبتو پتہِ گژِھ فوراً آفتابس تہِ انہِ گوُٹ. تہٟ زون تہِ دینہٟ گاش. بیہ پیِن تارکھ آسمانہ پیٹھ وَسؠٟ.تہٟ آسمانیٟ طاقتن سپدِ الہٟ ڈلہٟ. 30 تہٟ تؠمہِ ساتہٟ نیرِ آسمانہٟ پیٹھ ابنِ آدمہٟ سنُد نشانہٟ نۆن.تہٟ زمینہِ ہندیٟ ساری قوم دگن سینہ تؠمہِ وِزِ.تہٟ وُچھن اِبنِ آدمس ؠوان بڈٟہ قدرتہٟ تہٟ جلالہٟ سان آسمانِکس اُوبرس پیٹھ.
31 سُہ سوزِ پنین فرشتن تھزِ آوازِ منز بِگُل وایان.تہٟ تِم کرن تمسندین مُنتخب کرمتین جمع آسمانکہ ہُومہِ اندہٟ پیٹھ یتھ اندس تام. 32 ونؠ ہیچُھیو انجیر کُلِ نِشہ اکھ مثال. یُوتھؠٟ ٲمچ لنجہِ نرم چھے سپدان تہٟ پَن چُھس نیران تُوہی چُھو دپان زِ ریتہٟ کول چُھ نزدیک.
33 تِتھے پاٹھؠٟ ییلہ توہی یہ سوری کؠنہہ وچُھؠو تہٟ زٲنزیُو سُہ چُھ نزدیک بلکہ چُھ دروازس پیٹھ. 34 بُو چُھسو توہہ پوز ونان.زِ یوتام نہٟ یہ سُوری کؠنہہ سپدِ یہِ زُری یاتھ واتنہِ ہرگز تہِ اند.
35 آسمان تہٟ زمین واتہِ اندِ مگر میانہ کتھٟ رُوزَن تا ابد قایم. 36 مگر تَتھ دوُہس تہٟ تَتھ وقتس مطلق آسہِ نہِ کانسہِ پے، نہ آسمانکین مَلکن تہٟ فرزندس صرف ببس. 37 یتھ پاٹھؠ نوح سندیِن دوُہن منز سپُد تِتھے پاٹھؠ سپدِ ابن آدمہٟ سندِ ینہِ وزِ.
38 تکیازِ یتھ کنؠ طوفان بُرونہہ ٲسؠ لوکھ کھیوان چیوان تہٟ خاندر واندر کران تَتھ دوُہس تام یوتام نوح نایہ منز داخل سپُد.
39 اتؠٟ یوتام طوفان آۆ تہٟ تِم ساری نیِین یرہٟ توتام لجنہٟ تِمن پتہٟ ہی تِتھے پاٹھؠ یؠہِ ابنِ آدم تہِ. 40 تؠمہ وقتہٟ آسن زۂ نفر کھہس منز، اکھ ییہِ نِنہٟ تہٟ بیاکھ ییہِ تراونہٟ.
41 زۂ زنہِ آسن گریٹس اُوٹ پیسان،اکھ ییہِ نِنہ تہٟ بیاکھ ییہِ تراونہٟ.
42 ادہٟ ہُوشیار روُزؠو، تکیازِ تُوہہ چھیونہ پتہٟ زِ تُہند خداوند کؠمہ دُوہ ییہِ. 43 مگر یہ تھایُو یاد، زِ اگر گھرکِس مالکِس پے آسہے رات کیُوت کؠمہِ پہرہ ییہِ ژُور تہٟ سُہ رُوزِ ہے ہوشار تہٟ پنِس گھرس دیہینہٟ سُہ ژوُر گژھنہٟ.
44 توے روُزؠو توہی تہِ تیار، تکیازِ یمہِ وقتچ نِہ تُوہہ پتہ تہِ آسؠو، زِ ابنِ آدم ییہِ. 45 اتی کُس چُھ سُہ ایماندار تہٟ عقلمند نوکر.یُوس پنِنس مالکس پنین نوکرن چاکرن پیٹھ مقر ر چُھ کوُرمت تاکہ تمن دیِہِ وقتس پیٹھ کِھین.
46 مبارک چُھ تمِس نوکرس یمس پنُن مالِک وُھہ ینہِ وِز تی کران.
47 بُو چُھسو توہہ پوز ونان زِ سُہ بنایہ تس پننہِ سارے جایدادک مُختار. 48 ونؠ اگر خراب نوکر پننِس دِلس منز وَنہِ زِ میانِس مالکس چُھ ونہ یِنس تام واریاہ کال.
49 اتیٟ لاگہِ سُہ پنیِن ہم خدمتن لایُن تہ شرابین ساتی کھیہِ چییہہِ.
50 تہٟ تِمس نوکر سنُد مالکییہ تؠمہِ دوُہ ییلہ نہِ تس اُمیدؠ آسہِ تہِ تیمہ ساتہٟ یمہ وقتچ تہِ تمس پتہٟ ہی آسہ.
51 تہٟ سُہ والہِ تمِس زبردست کوڈہٟ تہٟ کریس ریاکارن منز شامِل تَتہِ آسہ ودُن تہٟ دندٟہ ٹکُن.