2 تہٟ ونُن پنین نوکرن زِ یہ چُھ یوحنا بپتسمہٟ دِنہ وُول.یُوس مُوردو منزٟہ زندہ وُوتھ توے چھ ٲمہ سنٔدِ ساتؠٟ یِم معجزہ سپدان. 3 تکیازِ ہیرودُیسن رٹنو یوحنا پننِس بٲیس فلپس سنزِ زنانہِ ہیرودیاس سندِ وجہ کینؠ تہِ گنڈِتھ اُوسن تُروُومت قٲدخانس منز.
4 تکیازِ یوحناہن اُوس ونمُت زِ ٲمِس ساتؠٟ خاندر کرُن چھینہٟ ژے جٲیز.
5 تہٟ سُہ اُوس تس ہروزِ قتل کرُن یژھان.مگر عام لوکن اُوس کھوژان تکیازِ تِم ٲسؠ تس نبی مانان. 6 مگر ییلہ ہیرودیسس زایہ دُوہ وُوت تہ ہیرودیاس سنز کوُر محفل منز نژِتھ ہیرودیس خوش.
7 اتھ پیٹھ کور تیمؠ قسم کھیِتھ تمِس وعدہٟ زِ یہ کؠنہ ژہ منگکھ بُو دمے ژے. 8 تیمِہ ووُن پننِہ ماجہِ ہندس ہچھناونس پیٹھ مے دِ یوحنا بپتسمہ دِنہٟ والؠٟ سُند سر تھالہِ منز یُوتی انتھ.
9 پادشاہ سپُد غمگین مگر پننیو قسمو تہٟ پژھؠو ہندِ وجہ ساتؠٟ دُؠوت تؠمؠ حُکم زِ دیووُس. 10 تہٟ قٲدخانس منز نفر سُزِتھ ژٹہٟ نُوون یُوحناہس سَر
11 اتؠ آۆ سُہ سر تھالِہ منز اننہٕ تہٕ لڑکؠٕ آۆ دِنہٕ تہٕ تیمِہ نیُو سُہ پننِہ ماجہ نِش._.
12 اَتؠ تُجٟ تمسندؠو شاگردو یِتھ لاش تہٟ سُو کرُکھ دفن تہٟ گژِتھ دؠُوتکھ عیسیٰ ہَس اطلاع. 13 ییلہٟ عيسىٰ ہن بُوز یہِ تہٟ سُو دراۆ تَتہِ نایہ پیٹھ الگ اکس ویران جاے کن تہٟ لوکھ گے یہ بُوزِتھ شہرہٟ شہرہٟ پیٹھ پیدلؠٟ تمِس پتہٟ پتہٟ.
14 بُون وسِتھ وُچھ تؠمؠ بوڑ ہُجوم تہٟ تمِس آۆ تمن پیٹھ عار تہِ تؠمؠ کر تہندؠٟ بیمار ٹھیک. 15 ییلہٟ شام ووُت تہٟ شاگرد لگؠٟ تس نِش یِتھ وننہِ زِ یہ جاے وچھے ویران تہ وقت تہِ گو ژیر.لوکھ کرووکھ رخصت تاکہ گامن منز گژِتھ ہین مُولؠٟ پنِنہ باپت کھِؠن. 16 عيسىٰ ہن وُن تمن یوہنُد گژھُن چُھہنہ ضروری.توہیؠؠ دیُو یمن کھِؠنہ باپت.
17 تمو وُن تس زِ یتہِ چُھنہٟ اسہِ نِش پانژو ژوُچیو تہٟ دوُیو گاڈو ورٲے کہین تہِ.
18 تؠمؠ وُنکھانیو تمہ یُورؠ مے نِش. 19 تہٟ تؠمؠ دیُوت حکم لوکن گھاسس پیٹھ بہنُک.پتہٟ رچہ تؠمؠ تمہٟ پانژھ ژوچہِ تہٟ گاڈہ تہٟ آسمانس کن وِچھتھ دِژنک برکت تہٕ ژوچہِ دِژن پُھٹرِت شاگردن تہٟ شاگردو دِژہٟ لوکن.
20 تہٟ سٲری گے کؠتھ سیر تہٟ ہوُریمژَو کھنجیُو ساتؠٟ تُجِہ تمو بھرِت بٲہ ٹُوکرِ.
21 تہٟ تَتہِ ٲسؠٟ کھینہٟ واجنُؠو زنُؠو تہٟ بچُو ورٲے پانژھ ساس مرد. 22 تہٟ تؠمؠ کرٕؠ دستؠٟ شاگرد مجبور زِ نایہ منز سوار سپدتھ ؠرُؠو مے برونہہ اپُور.یوتام بُو لوکھ رخصت کرکھ.
23 تہٟ لوکن رخصت کرتھ کھوت پہاڈس پیٹھ تنہا دُعا کرنہٟ باپت تہٟ ییلہِ شام سپُد سُہ اُوس تَتہِ کونؠٟ زُون.
24 مگر ناو ٲس تیمہِ ساتہٟ جِھیلس منز باگ تہٟ لہرو ساتؠ اورٕہ یُور گژھان تکیازِ واۆ اُوس اَتھ مخالف. 25 تہٟ سُہ آۆ راژ ہندٟ ژورمہِ پہرہ جِھیلہ پیٹھؠٟ تمن نش پکان پکان.
26 شاگرد کھوژؠٟ سُہ وچھتھ جِھیلہ پیٹھؠٟ پکان تہٟ وننہِ لگؠ زِ بھُوت چُھ تہٟ کھوژتھ تجیکھ کریکہٟ.
27 عيسىٰ ہن وُن فوراً تمن"دل تھایو ڈنجہِ" بُو چُھس،کھوژؠومٔہ. 28 پطرسَن ووٚن تِمن درجواب، ہے خداوند، اگر ژٕہ چُھکھ تیلہِ دِہ مے حُکم زِ بُو یِمٕہ آبٕہ پیٹھؠ پکان پکان ژے نِش۔.
29 تیمؠ وُننس؛"ولہٟ" پطرس لوگ نایہ منز بُون وسِتھ آبہ پیٹھؠ پکنِہ عيسىٰ ہس نِش گژھنہ باپت.
30 مگر ییلہِ واۆ وچُھن تہٟ کھوُژ تہٟ ییلہِ ڈُبنہِ لوگ تہِ دِژن کریکھ ہے خداوند، مے بچاۆ! 31 عيسىٰ ہن پِلناؠی جلدیِ اتھ تہ کرنس تھپ.تہٟ وُننس ہُؠو کم ایمانا ژے کیازِ کورُکھ شک.
32 ییلہِ تِم نایہِ منز کھتؠ تہٟ واۆ گو بند.
33 یِم نایہِ پیٹھ ٲسؠ تمووُن سجدٟہ کرتِھ"پزؠ پٲٹھؠ چُھکھ ژہ خدایہ سُند نچُیو. 34 تہٟ کولہِ اپُور ترِتھ وٲتؠٟ تِم گنُیسرتکِس علاقس منز.
35 تہٟ تَتکؠُو لوکو واتنٲو سُہ پہچانِتھ تمام علاقس منز خبر. تہٟ ساری آے بیمار ہیتھ تمس نِش.
36 تہِ لگِس زارپارہ کرنہِ زِ تمسندِس پلوہِ کِس دامنسؠٟ لاگن اتھٟ. تہٟ ییِتہَو تمِس اتھ لوگ تِم گے ٹھیک.