2 تٕہ تؠمِس گو تیوتا بُوڑ ہُجوم جمع زِ سُہ کھوت نایہ منز تہٟ بؠوٹھ.تہٟ سُوری ہُجوم روُد بٹھِس پیٹھ استادہٟ. 3 تہٟ تؠمؠٟ ونہِ تِمن واریاہ کتھ مثِالن منز زِ وچھؠو اکھ ووُن وول دراۆ بیُول وَونِ.
4 تہٟ وونہِ وزِہ پے کؠنہ پھلؠٟ وتہِ بٹھِس پیٹھ تہٟ جانور آے تہٟ نؠوکھ تُلتِھ.
5 تہٟ کؠنہ پے کنؠو زمینِہ پیٹھ یتِہ نہٟ تَتھ واریاہ میژ میجؠ تہٟ سرینؠٟ میژ نہ میلنہٟ کینؠٟ کھوت سُہ ساروؠ کھوتہٟ جلدی.
6 تہٟ ییلہ آفتاب کھوت تہٟ سُہ دوُد تہٟ مُول نہ آسنکہِ وجہ کؠنؠ ہُوکھ. 7 تہٟ کؠنہ پؠُو کنڈٟؠ زنڑن منز تہٟ کنڈٟؠ زنڑو دیوتنہٟ تَتھ پھلنہٟ.
8 تہٟ کؠنہ پؠُو اصل زمینس منز تہٟ بنیوس فصل .کونہٟ ہتھ گنہٟ،کونہٟ شیٹھ گنہٟ،کونہٟ ترہ گنہٟ.
9 یس کَن آسن سُہ بُوزِ. 10 شاگردو وُن تس بُرونہہ کُن یِتھ زِ ژہ کیازِ چُھکھ یمن ساتؠ مِثالن منز کتھہٟ کران؟
11 تؠمؠٟ وُن درجواب تِمن زِ آسمانچہِ پادشاہی ہندِ رازُک سمجھ اُو تُوہہِ دِنہ مگر تمن آونہٟ دنہٟ کؠنہ.
12 تکیازِ یمس نِش چُھ تمِس یؠٟہ بیٟہ دِنہٟ تہِ تمِس نِش گژھِ واریاہ جمع.تہِ ؠمِس کہین چُھنہٟ تمِس یؠٟہ تِتہ نِنہٟ یہٟ تمِس نِش چُھ. 13 بُو چُھس تِمن ساتؠٟ مثالن منز ٲمہِ موجوب کتھٟ کران زِ وُچھِتھ تہِ چھِنہٟ تِم وچُھان تہٟ بُوزتھ تہٟ چھنہٟ بوزان تہٟ نۂ چُھکھ فکرے تران.
14 تہٟ تہندِس حقس منز چھے یسعیآء نبی سنز پیشن گوؠی پورہ سپدان زِ کنو ساتؠٟ بُوزیو تُوہؠ مگر فکرٟہ تریو نہٟ کؠنہ.ٲچھَو ساتؠٟ وُچھؠو مگر پہچان کرؠونہ کؠنہ. 15 تکیازِ یتھ اُمتس چھے دِلس چرٟبی کھژمژ،تہٟ تِم چھِ کنو ساتؠٟ گُوب بُوزان تہٟ تمو چھ پننہِ اچھ بند کرِ مژٟہ. یُوتھنہٟ زِ ٲچُھو ساتؠٟ پہچانن تہٟ کنو ساتؠٟ بُوزن تہٟ دلہٟ ساتؠٟ سمجھن تہٟ کرَن رجُوع تہٟ بُو بخشہ تمن شفاء. 16 مگر مُبارک چھے تُہنذِ ٲچھ امہٟ موجوب زِ تِمہٟ چھے وُچھان تہٟ تُہند کَن امہ موجوب زِ تِم چھ بُوزان.
17 تکیازِ بُو چُھسو ؠُوہہ پُوز ونان. زِ واریاہن نبین تہٟ پزؠزیِٲرن اُوس تماہ زِ یہِ تُوہہ وُچھان چُھؠو تہِ وُچھہن مگر وُچھکنہٟ تہِ ؠمہٟ کتھِ تُوہی بُوزان چُھؠو بُوزٟہ ہن مگر بُوزکھنہٟ. 18 ونؠ بُوزیُو ووَن وٲلؠ سنز مِثال.
19 ییلہِ کاہنہ پادشاہی ہند کلام چُھ بُوزان تہٟ فکرِہ چُھسنہ تران تہٟ یہ تمسندِس دِلس منز ووُنہٟ اُوس آمُت تَتھ چُھ سُہ شیطان تھہہِ نِوان. یہ چُھ سُہ یُوس وتہ بٹھِس پیٹھ وونہ اُوس آمُت. 20 تہِ یُوس کنؠو زمینِہ منز وونہ آۆؠم چھِ تؠِم کلام چھِ بوزان، تہٟ فوراً چھ تَتھ خوشی سان قبول کران.
21 مگر پانس منز چُھسنہ مُول دوان کؠنہ نلکہ چُھ کیژس کالَس روُزان تہٟ ییلہِ کلامکہِ وجہ ساتؠٟ مُصیبت یا ظلم برپا چُھ سپدان تہٟ دستؠ چُھ ٹھوکرٟہ کھؠوان. 22 تہٟ یُوس کنڈٟؠ زنڈن منز وونہٟ آۆ.ؠم چِھ ِتم ؠم کلام بُوزان چھ تہ دنیاہچ فکر تہٟ دولتُک دھونکہ چُھنہٟ تَتھ کلامس پھبنہ دِوان تہٟ سُہ چُھ بے پھل روزان.
23 تہٟ یُوس اصلِس زمینس منز وونہٟ آۆ ؠِم چِھ ِتم ؠم کلام بُوزان چِھ تہ سمجھان تہٟ فصل تہِ چُھکھ وپدان،کُنہِ ہتھ گنہٟ فصل وپدان،کُنہِ شیٹھ گنہٟ تہِ کُنہِ ترہ گنہٟ. 24 تیمؠ وُن بیاکھ اکھ مِثال تِمن برونہ کنہِ پیش کرِتھ"آسمانچ پادشاہی چھے تِمس نفرٟہ سندؠ پاٹھؠٟ ؠمؠ پننِس کھس منز اصل بُیول وُو.
25 مگر ییلہ لوکھ شُونگؠٟ تہٟ امسُند دشمن آۆ. تہٟ کنکس منز گو ہامہٟ بیُول ووٟتھ.
26 پتہٟ ییلہ وتھرٟ دراے تہٟ ہلؠ کھتٟؠ تہٟ سُہ ہامہ تہٟ گو ظاہر. 27 نوکرو وُن گھرٟہ یِتھ مالکس، ہے آغہ کیا ژے اُوسینا پنِنس کھہس منز اصل بُیول وۆمت کہنہ؟اتھ کتِھٟ کُھوت ہامہٟ؟
28 تؠمؠ وُن تِمن، یہ چھے کامسہِ دشمن سنز کٲم. نوکرو وُن تِمس کیا ژہ چھکھہ یژھان زِ اسؠٟ گژھَو تہٟ کڑو تہٟ کَرو جمع. 29 تؠمؠ وُنکھ نا. یُتھنہ تہِ سپدِ زِ ہامہ جمع کرنس ساتؠ کڈؠو تُوہی کنٟک تہِ مُولہ.
30 لوننس تام دیِوو دوشونؠٟ بُوڈ گژھنہ تہٟ لوننہ وِزِ وَنہ بُو لُونن والیس زِ گوڈہ کرؠو ہامہ جمع تہٟ زالنہٟ خاطرہ گنڈِوس گیجہ تہٟ کنک کرؠو میٲنس کھکس منز جمع. 31 تیمؠ وُن بیاکھ اکھ مِثال تِمن برونہ کنہِ پیش کرِتھ"آسمانچ پادشاہی چھےتمِہ آسرٟی دانکؠ پٲٹھؠ یُوس کانِسہ نفرن نیو تہ ووُن پننِس کھہس منز.
32 سُہ زَن چُھ ساروؠٟ بیالؠو منز لوکٹ مگر ییلہ بڑان چُھ تہٟ سارے سبزی منز چُھ تیوتا بوڈ گژھان زِ آسمانؠ جانور چِھ تیمہ چین لنجن پیٹھ ٲلؠ ییران. 33 تؠمؠٟ بوزناؠی تِم بیاکھ اکھ مِثال زِ آسمانچ پادشاہی چھےتمِہ خمیرِ ہندِ پاٹھؠٟ یُوس زن کانسہ زنہِ نِتھ ترین ٲٹؠٟ دُوگلن منز رَلو تہٟ یوتام سُہ سُوری خمیرٟہ بنُیو. 34 ؠمہ سارے کتھہٟ ونہِ عيسىٰ ہن ہجُومس مثالن منز.تہٟ مثالو ورٲے اُوسنہ سُہ تمن کہین تہِ ونان.
35 تکیازِ یہ نبی سندِ ذریعہ وننہٟ اُوس آمُت، تہِ سپدِ پورٟہ زِ بُو کھولہٟ پنُن ٲس مثالن منز. بُو کر تمہِ کتھِ ظاہر ؠمہٟ دُنیا بننہٟ پیٹھ کٹتِھ چھے روُزٟہ مژٟہ. 36 تمہ ساتہ گو ہجوم تراوتھِ گھرہٟ.تہٟ تمسندؠو شاگردو وُن تس برونہہ کُن یتِھ زِ اسہِ سمجھاۆ کھہکہِ ہامچ مِثال.
37 تؠمؠٟ وُن تمن درجواب"اصل بیول ووُن وُول چُھ ابنِ آدم.
38 تہٟ کھاہ چُھ دنیاہ تہٟ اصل بؠُول چُھ پادشاہی ہندؠٟ شُرٟؠ تہٟ ہامہ تِمس دُشمن سندؠ شُرٟؠ.
39 .ؠمؠٟ دُشمنن یہ وُوچُھ اِبلیس تہٟ لوننک وقت چُھ آخرت،تہٟ لوُنن والؠ چِھ فِرِشتہ. 40 ادہ یتھ کنؠ ہامہ چُھ جمع کرنہ یوان تہ نارس منز چُھ یوان زالنہ تِتھے کنؠ سپدِ آخرتس منز تہِ.
41 ابنِ آدم سُوزہِ پنین فرشتن، تہٟ تم کرن سارنؠ ٹھوکر دنہٟ والین چیزن بدکارن تمسنٔذِہ پادشاہی منز جمع.
42 تہٕ تمن ژھٔنن نارہٕ کوُندِہ، تَتہِ آسہ ودُن تہٟ دندہ ٹکُن .
43 تمہ ساتہٟ چمکہِ نیکوکار آفتابکؠٟ پاٹھؠ پننِس ببہٟ سنزِ پادشاہی منز یَس کن آسن سُہ بُوزِن. 44 آسمانٕچ پادشاہی چھے کھہَس منز چُھپِتھ خزانٕکؠ پٲٹھؠ یُوس کٲنسِہ نفرن لبِتھ چُھپوۄ تٕہ خوش سپدِتھ ہؠوتُن سُورٔی کینٛہہ کٕنِتھ سُہ کھاہ مُوٚلؠ۔ .
45 پتہٟ چھے آسمانچ پادشاہی تمِس سوداگر سنٔد پاٹھؠ یِوس قیمتی مِوختہ اُوس ژھانڈان.
46 ییلہِ تمِس اکھ سؠٹھا قیمتی مِوختہ مُیول سُہ گو تہٟ سورُی کؠنہ کنِتھ ہیوتن سُہ مُولؠ. 47 پتہٟ چھے آسمانچ پادشاہی تؠمہِ بڑِ زالکؠٟ پاٹھؠٟ یُوس دریاوس منز تراونہ آۆ تہ تؠمؠ اَنہِ پرتھ قسمچہ گاڈٟہ وٹِتھ.
48 تہٟ ییلہِ بُک آۆ تہ لمِتھ اُونُکھ سُہ بٹِھس کُن. تہِ بہتھ کرؠکھ اصل اصل بانس منز جمع تہ ؠمہ خراب آسہٟ ژھنیکھ ترٲوتِھ. 49 دنیاکِس آخرس پیٹھ سپدِ یتھے کنؠ،فرشتہ نیرن تہٟ بدَن کَرن نیکو نِشہٟ الف، تہ تمن تراون نارچہِ کوندِ منز.
50 تَتہ آسہِ ودُن تہٟ دندہ ٹکُن. 51 کیا تُوہہ آؠؠو ؠمہ سارے کتھہ سمجھ؟تمو وُن تس، آ.
52 تؠمؠٟ وُن تمن،اوہٟ موجوب چُھ پرتھ عالم یُوس آسمانچ پادشاہی ہُند شاگرد چُھ بنیُومُت آسان چُھ تمہِ گھرکس مالکہ سندؠٟ پاٹھؠٟ یوس پننہ خزانہ منزہ نٔی تہٟ پُرانؠٟ چیز کڈان چُھ.
53 ییلہ عيسىٰ ہن یہ مثال ختم کٔر تہٟ سُپد یہ زِ سُہ درسۆ تَتہِ. 54 تہٟ پنِنس وطنس منز یِتھ لوگ سُہ تہندیِن عبادت خانن منز تمن تِژھ تعلیم دِنہٟ.زِ تم لگؠ حٲران سپدِتھ وننہِ امِس منز کتہِ آیہِ یہ دانٲؠیٟ تہٟ معجزہ؟
55 کیا یہ چُھنا چھانہٟ سُند نیچُوو؟ تہٟ ٲمہِ سنز ماجہِ ہنُد ناۆ چُھنا مریم تہٟ ٲمسندٔ بھاؠی چھِنا یعقوب تہِ یوسف، شمعون تہٟ یہوداہ.
56 تہٟ کیا ٲمہِ سنزٟہ سارے بینہِ چھینا اَسہِ نِش ؟ پتہ کتہِ آۆ یہ سُوری ٲمِس منز؟ 57 تہٟ ؠمُو تُلؠٟ اَمسندٟہ وجہ ساتیٟ مشکلات.مگر عيسىٰ ہن وُن تمن زِ نبی چھنہ پننہِ وطنہٟ تہٟ پننہِ گھرہٟ ورٲے بؠؠہ کنہِ جایہ بے عزت گژھان.
58 تہٟ تہندِہ بے اعتقادیٟ ہندِ وَجہ ہٲینہ تیمؠ تَتہِ زیادہ معجزہ کؠنہہ.