2 چنانچہ أسؠٕ چِھ اَمہِ باپتھ ووُش تراوان تہٕ سؠٹھا آرزُو تھاوان زِ پننِہ آسمأنِؠ گھرٕہ سأتؠٕ سپدَو ملبُوس._
3 تاکِہ ملبُوس آسنکِہ باعثہٕ سپدونہٕ ننگہٕ._ 4 تکیازِ أسؠٕ چِھ خِیمس منزِ رُوزِتھ بارٕہ ساتؠٕ ووش تاوان أمِہ موجوب نہٕ کؠنہ زِ یہ لِباس کڑُن ؠژھان.بلکہ چِھ اَتھ پؠٹھ بیہِ لاگن ؠژھان تاکہ یُوس فأنؠٕ چُھ سُہ گژِھ زندگی منز غرق._
5 تہٕ یمیٕ أسؠٕ اَمےٕ کتھِ خاطرہٕ تیار کرٕؠ سُہ چھ خدا.تہٕ تمِؠ دیوت اَسِہ رُوح ضمانتس منز._ 6 ادٕہ اَسِہ پزِ ہمؠشہ یِہ ذہن تھاوُن تہٕ یہِ زانُن زِ یُوتام أسؠٕ بدنِکس وطنس منز چِھ،توتام چِھ خداوندس نِش جلاۓ وطن._
7 تکلیازِ أسؠٕ اؠمانس پؠٹھ پکان نَہ کِہ أچھن ہندِس وچھمٕتِس پؠٹھ._
8 اگر زن أسیٕ مطمؠٔن چِھ تہٕ اَسِہ چھ بدنکِہ وطنہ نِشہ جُدا سپدِتھ خداوند سنٔدِس وطنس منز روزُن زیادہ منظور._ 9 امےٕ باپتھ چِھ أسؠٕ یہ حوصلہٕ تھاوان زِ وطنس منز آسو یا جلاۓ وطن سُہ کروُون خوش._
10 تکیازِ ضروری چھ زِ مسیح سنٔدِس تخت عدالتس بُرونہہ کنِہ یؠِہ اَسِہ سألمن ہُند حال ظاہر کرنہٕ تاکہ پرؠتھ شخصس میلہ تِمن کامؠن ہُند بدلہٕ ؠم تؠمؠٕ بدنکِہ ذریعہ کرِمژٕہ آسَن،چاہۓ اصل چاہۓ خراب._ 11 ادٕہ اَسؠٕ چِھ خداوند سُند خوف تھأؠِتھ انسانن سمجھاوان تہٕ خداوندس نِش سُون حال ظاہر.تہٕ اسِہ چھے اُمید زِ تہندؠن دِلن پؠٹھ تِہ آسِہ ظاہر سپُدمت._
12 پتہٕ تِہ چھنہٕ أسؠٕ پننؠٕ نیک نامؠ توہِہ پؠٹھ تھؠکناوان،بلکہ چھ أسؠٕ پننِہ وجہ کنؠٕ توہِہ فخر کرنُک موقع دِوان.تاکہ توہی ہؠکؠو تِمن جواب دِتھ ؠِم ظاہرس پؠٹھ مخر چھ کران تہٕ باطنس پؠٹھ نہٕ._ 13 اگر أسؠٕ بے خود چِھ تہٕ چِھ خدایہ سنٔدِ باپتھ.واگر ہوشس منز چِھ تہٕ چِھ تہندِ باپتھ._
14 تکیازِ مسیح سُند محبت چُھ اسِہ مجبور کران امہ موجوب زِ أسؠٕ چِھ سمجھان زِ ییلِہ اکھ سأرنؠٔ ہنٔدِ باپتھ مُود تہٕ سأرِی مودٕؠ._
15 تہٕ سُہ مُود امِہ موجوب سأرنیٔ ہنٔدِہ باپتھ زِ یُوس زندٕہ چِھ تِم زُوٗوَن نہٕ برونہ کُن پننِہ باپتھ بلکہ تسہندِ باپتھ ؠوس تسہدِ موکھٕ مُود تہٕ پتہٕ وُوتھ زِندٕہ._ 16 ادٕہ ونکہِ پؠٹھٕ پہچانُون نہٕ أسؠٕ جسمہٕ کہ حثیتہٕ کانہ آ اگر زن مسیح تِہ جسمکِہ حثیتہٕ زُونُمت اُوس.مگر ونکہِ پتہٕ زانُو وُن نہٕ._
17 امِہ موجوب اگر زن کانہ مسیحس منز چُھ تہٕ سُہ چھے نٔو مخلوق،پرأنؠٕ چیز رُودٕؠ گژھان تہٕ وچھیو تِم سپٔدٕؠ نۓ._ 18 تہٕ تِم سأرِؠ چیز چِھ خدایہ سنٔدِ طرفہٕ یِمو مسیح سنٔدِ ذریعہ پانس ساتؠ أسؠٕ رلأؠٔ.تہٕ رلاونٕچ خدمت کرٔن اَسِہ حوالہٕ._
19 مطلب یِہ زِ خداؠن کور مسیحس منز أسِتھ پانس سأتؠٕ دنیاہُک میل ملاپ،تہٕ تہندِ تقصیر کھألِن نہٕ تمن تہٕ تؠمؠٕ کُور میل ملاپُک پیعام اَسِہ حوالہٕ._ 20 .ادٕہ أسؠٕ چِھ مسیح سنٔدٕؠ چیلہٕ.تہٕ سانِہ ذریعہ چُھ خدا التماس کران،أسٕی چِھ مسیح سنٔدِ طرفہٕ مِنّت کران زِ خداؠس ساتؠٕ رلیُو._
21 .یُوس نہٕ گُناہ نِشہٕ وأقٕف اُوس؛سوؠٔ بنُو تؠمؠٕ سانِہ باپتھ گناہ،تاکِہ أسؠٕ بنو تس منز أسِتھ خدایہ سنٔدٕؠ راست باز._