2 .بلکہ ترایہ اَسِہ شرمِہ ہنٔزٕہ پوشؠدٕ کتھہٕ تہٕ مَکاّرِل تہِ کرنہٕ.نَہ چِھ خدایہ سنٔدِس کلامس منز کؠنہ رلاوان بلکہ چِھ حق ظاہر کرِتھ خدایس رُوبرُو پرؠتھ اکِس انسان سنٔدِس دِلس منز نیکؠ بِہناوان._ 3 تہٕ اگر سانِہ خوشخبری پؠٹھ پردہٕ پؠٹھ چُھ تہٕ چُھ ہلاک گژھن والؠن ہندِ خاطرٕہ پؠٹھ._
4 یعنی بے اؠمانن ہنٔدِ خاطرٕہ یہنزِ عقلِہ ؠمِہ دنیا ہکؠٕ خداؠن أنؠٕ ژٕھنمتؠٕ چِھ.ؠُوتھنہٕ مسیح یُوس خدایہ سنٔز صورت چُھ.تمسنٔدِ جلالچِہ خوشخبری ہُند گاش تمن پؠٹھ پؠیِہ._ 5 تکیازِ أسؠٕ چھنہٕ پنُن بلکہ مسیح عيسٰى سُند اعلان کران زِ سُہ چُھ خداوند تہٕ پننِس حقس منز چِھ یہِ ونان زِ عيسٰى سنٔدِ خاطرٕہ چِھ تسُندٕؠ غلام._
6 امےٕ موکھٕ زِ خداہی چُھ ؠمؠٕ فرموو زِ تاریکِؠ منز چمکہِ نُور توہۓ چِمکؠو سانؠن دلن منز تاکِہ خداۓ سنٔدِ جلالکہِ پہچانُک نُور آسِہ عيسٰى مسیح سنٔدِس بُتھِس ساتؠٟ جلوٟہ گر._ 7 مگر اَسِہ نِش چُھ یہ خزانہ کَترِیُو بانن منز تھأیِتھ یوتھ زن چدٟہ کھوتہٟ زیادہ قدرت آسنہٕ سانِہ طرفہٕ بلکہ سپدِ خدایہ سنٔدِ طرفہٕ معلوم._
8 أسؠٕ چھ پرؠتھ رنگہٕ مصبیت تُلان مگر لاچار چِھنہٕ سپدان،حیران چھ سپدان مگر نا اُمید چِھنہِ سپدان._
9 ستاونہٕ چِھ ؠوان مگر تنہا چھنہٕ تراونہٕ ؠوان،دأرِتھ چِھ ژٕھننہٕ ؠوان مگر ہلاک چھنہ سپدان._
10 أسؠٕ چِھ پرؠتھ ساتہٕ پننِس بدنس منز عيسٰى مسیح سُند مُوت ہؠتھ فِؠران.تاکِہ عيسٰى سنٔز زندگی تہٕ سپدِ سأنِس بدنس منز ظاہِر._ 11 تکیازِ اَسؠٕ چھ زندٕہ پانہٕ ہمؠشہ عيسٰى سنٔدِ خاطرٕہ موتس یوان حوالہٕ کرنہٕ.تاکِہ عيسٰى سنٔز زندگی تِہ سپدِ سأنِس فأنِؠ جِسمس منز ظاہر._
12 أتؠِ چُھ مُوت أسِہ منز اثر کران تہٕ زندگی تہٕ زندگی توہِہ منز._ 13 بیِہ ییلِہ زن اَسِہ منز سُوۓ ایمانُک رُوح چُھ یتھ مطلق کلامس منز لؠکھِتھ چُھ زِ مےٕ اُون اؠمان تہٕ اَمےٕ موکھہٕ وُۆنُم،أتِی چِھ أسؠٕ تِہ اؠمان انان تہٕ توہےچِھ ونان._
14 تکیازِ أسؠٕ چِھ زانان زِ ؠمؠٕ خداوندِ عيسٰى مسیح زندٕہ کور سُہ کرِ اَسِہ تہِ عيسٰى ہس ساتؠٕ شامِل زانِتھ زندٕہ.تہٕ توہِہ سأتؠٕ کرِ پانس بُرونہٕ کنِہ حاضِر._
15 امِہ موجوب زِ سأرِؠ چیز چِھ تُہندِ خاطرٕہ تاکِہ واریاہن لوکن ہنٔدِ ذریعہ فضل زیادہٕ آسِتھ بڑھاوَن خداۓ سنٔدِ جلالہٕ خاطرٕہ شُکر گُزارِی تِہ._ 16 امِہ موجوب چھنہٕ أسؠٕ ہمَت ہاران بلکہ چھے سأنؠٕ ظأہری انسانیت ختم سپدان.پتہٕ تِہ سأنیٕ بأطِنی انسانیت دوہ کھوتہٕ دوہ نٔو سپدان._
17 تکیازِ سأنؠٕ پرؠتھِ وزِ ہنٔدٕؠ معمولی مصیبت چِھ سانِہ باپتھ گُوبھؠٕ تہٕ چِھ ابدی جلال پادٕہ کران._
18 .ؠتھ حالَس منز أسؠٕ وچھوٕ نین چیزن پؠٹھ چھنہٕ غور کران بلکہِ چِھ بِنا وچھٕو نٔؠن چیزن پؠٹھ.تکیازِ وچھونیٕ چیز چھ کینژھن دوہن.مگر بِنا وچھوٕنی چیز چِھ اَبدی._