2 تکیازِ سُہ چُھ فرماوان زِ قبولؠتہٕ وزِ بوز مےٕ چُون تہٕ نجاتکِہ دوہ کور مےٕ مدَد،وچھؠو ونؠٕ چُھ قبولیتُک وقت،وچھؠو یہ چُھ نجاتُک دوہ._
3 أسؠٕ چھنہٕ کونِہ کتھِ منز ٹھوکر کھینُک کانہ موقع دِوان.تاکہ سانِہ خدمتہ پؠٹھ ماپیہِ اثر._ 4 بلکہ چھ أسی خدایہ سنٔدِؠن خأدمن ہندٕی پأٹھیٕ پرؠتھ کتھِ منز پننؠٕ خوبی ظاہر کران.بڑٕہ صبرٕہ سأتؠٕ،مصؠبتہٕ سأتؠٕ،احتیاطہٕ سأتؠٕ،تنگِی سأتؠٕ._
5 کوڈٕہ کھؠنہٕ سأتؠٕ،قأد گژھنہٕ سأتؠٕ،ہنگامو ساتؠٕ محنتہٕ سأتؠٕ،بیدأرِی سأتؠٕ،فاقَو سأتؠٕ._
6 .پاکیز گِؠ ساتؠٕ،عِلمہٕ سأتؠٕ،تحمُل ساتؠٕ،مہربأنِؠ سأتؠٕ رُوح القُدسہٕ سأتؠٕ،بے رِیاح محبتہٕ ساتؠٕ._
7 حقکِہ کلامہٕ ساتؠٕ،خدایہ سنٔدِ قدرتہٕ ساتؠٕ،راست بأزِؠ ہندؠو ہتھیارو ساتؠٕ،ؠم دچھنؠٕ کھُووٕرؠ چِھ._ 8 عزتہٕ تہٕ بے عزتی ہندِ ذریعہ ساتؠٕ،بدنامِی تہٕ نیک نامِی ہنٔدِ ذریعہ ساتؠٕ،ؠِم گمراہ کرن وألؠٕ چِھہ باسان،ٹوتِہ پزٕؠ زیارٕی._
9 گُمنامن ہندٕؠ پاٹھؠٕ چِھ،توتِہ چِھ مشہور،مرن والؠٕ سنٔدٕؠ پاٹھؠٕ چِھ،مگر وچُھؠو زُووان چِھ،مار کھؠنہ والؠن ہندٕؠ پأٹھؠٕ چِھ مگر زُوٕہ نِشہٕ چِھنہٕ مران._
10 غم زدن ہنٔدٕؠ پأٹھؠٕ چِھ،مگر ہمیشہ چِھ خوش روزان کنگالن ہنٔدٕؠ پأٹھؠٕ چھ،مگر واریاہن چِھ دولتمند بناوان.بیقلن ہنٕدؠ پأٹھؠٕ چھ،توتِہ چِھ سورٕؠ کؠنہ وچھان._ 11 ہۓ کرنتھؠو کؠو ایماندار؛اسِہ ونؠو توہِہ کُھولِتھ کتھٕ.تہٕ سُون دل گو تہنٔدِہ ساتؠ خوش._
12 سانؠن دلن منز چھؠنہٕ تہندِہ خاطرٕہ تنگِؠ کؠنہ مگر تہندؠن دلن منز چھے تنگی._
13 ادٕہ بُو چُھسو توہِہ اولاد زأنِتھ ونان زِ تُوہیٕ تہِ سپدؠو تیمہِ بدلہٕ کُشادٕہ دل._ 14 بے اؠمانن ساتؠٕ مَہ گزارؠو أکسؠ یِپچہِ تل زندگی تکیازِ دیندارن تہٕ بے دینن منز کیا واسطہٕ چھ؟یا گاشس تہٕ انِہ گٹہِ منز کیا رشتہٕ؟_
15 مسیحس کیا واقفیت چھے بلیعالس ساتؠ یا ایماندارس کیا واسطہٕ بے ایمانس ساتؠٕ؟_
16 تہٕ خدایہ سنٔدِؠن مقدِسن کیا مُناسبت چھے بُتن ساتؠٕ؟تکیازِ اسؠٕ چھ زندٕہ خدایہ سنٔدٕؠ مقدِس،چنانچہ خداؠن ضرمو،بو بسہٕ تمن منز تہٕ تِمن پکان ٹٕکان تہٕ بُو آسہٕ تسہُند خدا تہٕ تِم آسن میأنؠٕ اُمّت._ 17 امے موجوب چھ خداوند فرماوان زِ تمو منز نؠرِتھ روزؠو الگ تہٕ ناپاک چیزن مہ لاگؠو اَتھٕ.تہٕ بُو کروَ توہی قبول._
18 بُو آسہٕ تُہند بب تہٕ توہی آسؠو مؠأنؠٕ نِؠچِؠ تہٕ کُورِ.یہ چُھ خداوندِ قادرِ مُطلق سُند قَول._