2 ۔ بُو چُھس مسیحس منز اکھ شخص زانان ژوداہ ورِی زِ سُہ آو یکایک ترؠمِس آسمانَس تام واتناونٕہ۔ نَہ چُھ مے یِہ پے زِ بدن ہؠتھ ہا نَہ چُھ مے پے زِ بدنٕہ ورٲۓ ہا۔ یِہ چھَ خدایَس پے._ 3 تٕہ بُو چُھس یتِہ زانان زِ "یمؠ شخصںن بدن ہؠتھ یا بغیر بدن یِہ چُھنٕہ مے پے۔ خدایَس چھے پے"._
4 بوزٕہ یکایک ضِردُوسَس منز وٲتِتھ تِژٕھ کتٕھہ یِمٕہ وننٕچِہ چھؠنٕہ تٕہ یِمن ہُند ونُن انسانس روا چُھنٕہ._
5 بُو کرٕہ یِتِھس شخصَس پؠٹھ فخر مگر پننِس پانَس پؠٹھ کرنٕہ بُو سوائے پننؠو کمزورؠو ورٲۓ فخر کینٛہہ._ 6 تٕہ اگر فخر کرُن یژٕھ تِہ توتِہ بیقٕل یمنٕہ گنزرنٕہ امِہ موکٕھہ زِ بُو ونٕہ پوٚز مگر توتِہ چُھس لوب روزان تاکِہ کانٛہہ ما سمجھہ مے تؠمِہ کھوٚتٕی زیادٕہ یِتھَ کنؠ مے وُچھان چُھ یا مؠنِش بوزان چُھ._
7 ۔ تٕۃ مُکاشفن ہنٛزِ زیادتی ہنٛدِ باعثٕہ خوش گژھنکِہ اندیژٕہ سٲتؠ آو میٲنِس بدنَس منز کونڑ تارنٕہ یعنی شیطان سُند قٲصِد تاکِہ مے لایِہ مُشِہ تٕہ بُو گژھنٕہ خوش._ 8 اَتھ بارس منز کوٚر ترؠیِہ لٹِہ خداوندس التماس زِ یِہ گژِھن مے نِش دُور._
9 مگر تؠمؠ ووٛن مے میون فضل چُھ چانِہ خٲطرٕہ کٲفِی تکیازِ میٲنؠ قدرت چھے کمزوری منز پورٕہ سپدان۔ اتِی کرٕہ بُو بڑٕہ خوشی سان پننِہ کمزوری پؠٹھ فخر۔ تاکِہ مسیح سٕنٛز قدرت روزِن مے پؠٹھ ولِتھ._
10 امِہ موجوب ییلِہ بُو مسیح سٕنٛدِ خٲطرٕہ کمزوری منز، بے عزّتی منز، رُسوٲئی منز، ستاونہٕ یِنَس منز خوش چُھس تکیازِ ییلِہ بُو کمزور چُھس سپدان زوروار سپدان._ 11 بُو بنیوس بیقٕل مگر توہِہ کوروۄس بُو مجبور تکیازِ تکیازِ توہِہ پزہنو میٲنؠ تعریف کرٕنؠ امِہ موجوب زِ بُو چُھسنٕہ تِمو افضل رسولو نِشٕہ کُنِہ کتِھہ منز کم کینٛہہ اگر زَن کِہین چُھس نٕہ._
12 رسول آسنچِہ علامژٕہ سپزٕہ کمال صبرٕ سٲتؠ نشانو تٕہ عجیب کامؠو تٕہ معجزو ہنٛدِ ذریعہ توہِہ درمیان ظٲہر._
13 توہؠ کؠمِہ کتِھہ کنؠ چُھو باقی کلیسیاہو کھوتٕہ کم کینٛہہ سوائے امِہ زِ مے ترونٕہ توہِہ پؠٹھ بار۔ میٲنؠ غلطی کرؠو معاف._ 14 وچھؠو یِہ چُھس ترؠمِہ لٹِہ توہِہ نِش ہنٕہ خٲطرٕہ تیار تٕہ بُو تراونٕہ توہِہ پؠٹھ بار۔ امِہ موجوب زِ بُو چُھسنٕہ تہنٛدِ مالُک خوٲہِشمند بلکِہ چُھس بُو تُہنٛد خوٲہِشمند تکیازِ شُرؠن پزِنٕہ مٲلِس ماجِہ ہنٛدِ خٲطرٕہ جمع کرُن بلکہ پزِ مٲلِس کاجِہ شُرؠن خٲطرٕہ جمع کرُن._
15 تٕہ بُو کرٕہ تہنٛدؠن رُوحن ہنٛدِ باپَتھ خوشی سان واریاہ خرچ بلکہ گژٕھ بُو پانٕہ تِہ خرچ۔ اگر بُو توہِہ سٲتؠ زیادٕہ محبت تھاوٕہ تیلِہ کیا توہؠ تھٲؠ وا مے سٲتؠ کم محبت؟_ 16 مگر مُمکِن چُھ زِ مے ترونٕہ پانٕہ توہِہ پؠٹھ بار مگر یُوس بُو مکّار بنؠوس امِہ موجوب پھسٲیمو مے توہؠ دھونکٕھہ دِتھ._
17 خٲر یِم مے توہِہ نِش سوزمو کیا تِمو منز چُھوا مے کٲنسِہ ہند ذریعہ توہِہ دھوکھٕہ دِتھ کینٛہہ ہؠتمُت؟_
18 مے سُوز طِطُس سمجھٲیِتھ تَس سٲتؠ تؠمسُند بُوۓ۔ ادٕہ طِطُسن نؠوا چھونکھٕہ دِتھ توہِہ کینٛہہ؟ کیا اسِہ دوٚن ہُنٛد پکُن ٹٕکُن آوسنا اکے روحکِہ ہدایتٕہ مطٲبق؟۔ کیا اسٕؠ ٲسنا اکسٔی نقشٕہ قدمس پؠٹھ پکان؟_ 19 توہِہ اُوسو ونؠک تام یِی سمجھمُت زی اسٕؠ چِھ توہِہ برونٛہہ عزُر کران۔ اسٕؠ خدایس حٲظر زٲنِتھ مسیحس منز کتٕھہ کران۔ بؠیِہ ہے ٹاٹھؠو! یِہ سورُی کینٛہہ چُھ تُہنزِ ترقی باپَتھ._ 20 تکیازِ بُو چُھس کھوژان ینٕہ تؠوتھ سپدِ زِ بُو لبونٕہ تِتھ یِتھ توہؠ آسٕنؠ یژھان چُھسو تٕہ مے تِہ لبؠونٕہ توہؠ تیوتھ یوتھنٕہ توہؠ یژھان ٲسؠو مے زِ توہِہ منز سپدن لڑایِہ، ضِد، شرارت، فِرقٕہ، عٲبت غٲبت، تہمت، تھیکُن تٕہ فساد._
21 تٕہ پتٕہ ییلِہ بُو یمٕہ تٕہ مؠون خدا کرِ مے توہِہ برونٛہہ کنِہ خجِل تٕہ مے پؠیِہ واریاہن خٲطرٕہ یشتاوُن یِمو اثر گناہ کرمٕتؠ چِھ تٕہ تؠمِہ ناپاکی تٕہ حرامکٲری تٕہ شہوت پرستی نِشٕہ سرزد سپٕدؠ تٕہ توبٕہ کوٚرُکھنٕہ._