2 مےٕ چُھ تہندِ باپتھ خدایہ سُند ہؠو غأرت تکیازِ مےٕ چُھ تُہند رشتہ اکےؠٔ شوہرس ساتؠٕ گونڑمُت تاکہ بُو کرَو توہی پاک دامن انہرشِہ ہندٕؠ پأٹھؠٕ مسیح ہس نِش حاضِر._ 3 مگر بو چُھس کھوژان یوتھنہِ کونِہ یہ سپدِ زِ ؠتھ پأٹھؠٕ سُرفن پننِہ مَکارِی ساتؠٕ حوّاہس دھونکہٕ دیوت تِتھے پاٹھؠٕ گژھنہٕ تُہندٕؠ خیالات تہٕ تؠمِہ خلُوصہٕ تہٕ پاک دامنیِ نِشہ ڈلنؠٕ ؠِم مسیحس ساتؠٕ گژھن آسن._
4 تکیازِ یوس یوان چُھ اگر سُہ کانسِہ دوؠِمس عيسٰى سُند اعلان چُھ کران.ؠمسُند نہٕ اَسِہ کور یا کانہ دوؠِم رُوح چُھو توہِہ مؠلان،یُوس نہٕ مُیولمت اُوس یا دوؠِم خوشخبری میلؠو یوسنہٕ اسِہ قبول کرمژٔ أس تیلہ چُھ تہند برداشت نفیس._ 5 بُو چھسنہٕ پنُن پان تمو افضل رسولَو نِشٕہ کم کؠنہ سمجھان._
6 تہٕ اگر زن تقریرس منز بے شعُور چُھس مگر عِلمکہ اعتبار نہٕ کؠنہ بلکہ اَسِہ کور سُہ پرؠتھ کتھِ منز تمام لوکن پؠٹھ تُہندِ خاطرٕہ ظاہر._ 7 کیا یِہ چھا مؠون خطا زِ مےٕ واتنأو توہِہ نِش خداۓ سنٔز خوشخبری پنُن پان پست کرِتھ تاکہ توہی بیُو تھزر._
8 مےٕ لوٹؠٕ باقی کلیسیاء یعنی تمونِشہ نِیم اُجرت تاکہِ تُہنز خدمت کرٕہ._
9 تہٕ ییلِہ بُو توہِہ نِش اُوسس تہٕ بُو اُوس محتاج گومُت توتِہ ترونہٕ مےٕ توہِہ پؠٹھ بار تکیازِ مکِدُونیہ پؠٹھٕ یِتھ کرٔ بایٔو میانؠٕ ضرورت پورٕہ.تہٕ بُو رودُس پؠتھ کتھِ منز توہِہ بار تراونس لُوب تہٕ رُوزٕہ تِہ._ 10 مسیح سنٔدِ پزرُک قسم یُوس مےٕ منز چُھ تہٕ یِہ کرنہٕ نِشہٕ روکاؠنہٕ مےٕ اخیاہکِہ علاقہٕ منزٕہ کانہ شخص._
11 کؠمہ خاطرٕہ؟کیا امِہ خأطرٕہ زِ بو چُھسنہٕ توہِہ ساتؠٕ محبت تھاوان؟تِہ چُھ خدا زانان._ 12 مگر یہ بو کران چُھس تِی روزٕہ کران تاکہ موقع ژھانڑن والؠن دِمنہٕ موقع.بلکہ ؠتھ کتھِ تِم فخر چِھ کران تَتھ منز دراۓ اَسےٕ ہیِؠِ._
13 تکیازِ یِتھ لوکھ چِھ اپُزٕؠ رسول تہٕ دھونکہٕ بازِی سان کأم کرن والؠٕ تہٕ پنُن پان چھ مسیح سنٔدؠن رسولن ہنٔدِؠ ہمشکل بناوان._ 14 تہٕ کؠنہ تعجُب چُھنہٕ،شیطان تہِ چُھ پننِس پانس نوأنِی فرشتن ہُند ہمشکل بناوان._
15 ونیٕ اگر تِہندٕؠ خادِم تِہ راست بازِی ہنٔدؠن خادمن ہندٕی ہمشکل بناون تہٕ کانہ بٔڑکتھ چھؠنہٕ مگر تِہُند انجام آسِہ تہنزَن کامِؠن موافِق._ 16 بُو چھسو بیِہ ونان زِ مےٕ مہٕ سمجھن کانہ بےوقوف ورنہ بےوقوفیٔ زانِتھ کرِن مےٕ قبول زِ بوتہِ کرٕہ کم کؠنژھا مخر._
17 .یہ کینژھا بو ونان چُھس تہِ چُھنہٕ خداوند سنٔدِ طورہٕ کؠنہ بلکہ گویا نادأنِی ساتؠٕ.بیہ چُھس تؠمِہ جرأتہٕ ساتؠٕونان یُوس فخر کرنس منز چُھ آسان._
18 پتہِ بیِہ تہِ واریاہ جسمأنِی طورٕہ فخر چِھ کران بو تِہ کرٕہ._ 19 تکیازِ توہیٕ عقلمند آسنہٕ کؠنؠٕ چُھو توہیٕ خوشِی سان نادان سُند برداشت کران._
20 ییلِہ کانہ توہِہ غلام چُھو بناوان یا لوٹان چُھو.یا کانہ پھساوان چُھو یا پنُن پان چُھ کانہ تھبد زانان یا کانہ تہندِس بتِھس چپاتھ لایان تہٕ توہی چھؠُو برداشت کران._
21 .مؠون یِہ ونن شرمندگی ہندٕہ طورٕہ صیح زِ اسؠٕ چھ کمزورن ہندٕؠ پأٹھؠٕ مگر ؠتھ کونِہ کتھِ منز کانہ دلیر چُھ"اگر زن یہ ونُن بےوقوفی چھے"تہٕ بُو تِہ چُھس دلیر._ 22 کیا تِم عبرأنِی؟بوتِہ چُھس کیا تِم چھا اسرایٔلی؟بُو تِہ چُھس.کیا تِم چھا ابراھیم سنٔدٕؠ اولاد؟بوتِہ چُھس._
23 کیا تِم چھا مسیح سنٔدٕی خادِم؟میون یہ ونُن چُھ بیٕقل گِی زِ بُو چُھس زیادۓ پہن،محنتہِ منز زیادٕہ.قأدس منز زیادٕہ،کوڑٕہ کھینس منز حدٕہ کھوتہٕ زیادہ،موتکؠس خطرن منز رُودمت._ 24 مےٕ کھؠیؠٕ یہودؠن نِش پانژِ لٹِہ اکِہ کم زتجی زتجی کوڈٕہ._
25 تریِہ لٹہِ لویِہم لورؠو ساتؠٕ اکِہ لٹہِ کورہس سنگسار تریِہ لٹہِ پیوس جہاز فُٹنکِس مصیبتس منز رات دوہ گزورُم سمندر منز._
26 بُو رودُس باربار سفرس منز دریاون ہندؠن خطرن منز،ڈاکون ہندؠن خطرن منز.پننِہ قومکٕؠن ہندؠن خطرن منز.غأر قومن ہند طرفہٕ خطرن منز._شہرکؠن ہندؠن خطرن منز.سمندرکؠن خطرن منز.جنگن ہندؠن خطرن منز.اپزِؠن بایٔن ہندؠن خطرن منز._ 27 .محنتس تہٕ مشقّتس منز.باربار ہوشیاری ہنٔدِس حالتس منز.بوچھہ تہٕ ترؠشہِ ہندِس حالتس منز.واریاہ لٹہِ فاقہٕ کَشِی منز،سردی تہٕ ننگے آسنکِس حالتس منز چُھس رودمُت._
28 باقی کتھو علاوٕہ یمن ہنٔز نہٕ بوذ کرِ کرٕہ چھے مےٕ تمام کلیسیاہن ہنٔز فکر پرؠتھ دوہ روزان._
29 کونِہ کمزوری ساتؠٕ چھنہٕ بُو کمزور کؠنہ سپدان کانسہٕ ہنٔدِ ٹھوکرٕہ کھؠنہِ ساتؠٕ چُھنہٕ میون دل دُکھی گژھان؟_ 30 اگر فخر کرنویٔ چُھ ضروری تہٕ تمن کتھن پؠٹھ کرٕہ بُو فخر ؠمِہ میانِہ کمزوری مطلق چھے._
31 خداوندِ عيسٰى سُند خداتہٕ بب یمسُند ہمؠشٕہ تام حمد چُھ سپدان چُھ زانان زِ بُو چھسنہٕ اپُز ونان._ 32 دِمشق شہرس منز اُوس تؠمؠٕ حالمن یُوس اَرتاس پادشاہ سنٕدِہ طرفہٕ اُوس میانِہ رٹنہٕ باپتھ دمشقین ہندِس شہرس پؠٹھ پہرہ تھوومُت._
33 پتہٕ آس بو ٹوکرِ منز دارِ کؠنؠٕ دؠوارٕ پؠٹھؠٕ بُون تراونہٕ تہٕ بُو بچیوس تمسٕندیو اتھو نِشہٕ._