2 یتھٕہ کنؠ مے ییلِہ دوؠمِہ لٹِہ حٲضر اُوسُس تٕہ گوڈنکِس اُوسُم ونمُت تِتھے کنؠ ونٕہ بُو ونؠ غٲر حٲضری منز تِہ تِمن لوکن یِمو اکثر ٲسٕؠ گناہ کٔرمٕتؠ تٕہ بؠیِہ ونکھ تمام لوکو برونٛہہ زِ اگر دوبارٕہ آس تٕہ درگُزر کرونٕہ بُو._ 3 تکیازِ توہؠ چھو امِچ دلیل ژھانڑان زِ مسیح چُھ مے منز کٹھہ کران تٕہ سُہ چُھنٕہ تہنٛدِ باپَتھ کمزور کینٛہہ بلکہ چُھ توہِہ منز زوروار._
4 آ سُہ آو کمزوری ہنٛدِ وجہ کِنؠ مصلوب کرنٕہ مگر خدایِہ سٕندِہ قُدرتکِہ وجہ کنؠ چُھ زندٕہ تٕہ اسٕؠ تِہ چِھ تَس منز کمزور مگر تَس سٲتؠ سپدو خدایہ سٕنٛدِ تؠمِہ قُدرتٕہ سٲتؠ زندٕہ یوسٕہ تہنٛدِ باپَتھ چھے._ 5 توہؠ آزمٲیو پنُن پان ایمانَس پؠٹھ چُھوا کِنٕہ نٕہ۔ پنُن پان پرکھأؠو۔ کیا توہؠ چُھونا پننِہ باپَتھ یِہ زانان زِ عیسیٰ مسیح چُھ توہِہ منز؟ ورنٕہ توہؠ چُھونا مقبول._
6 مگر بُو چُھس اُمید کران زِ توہؠ کرؠو معلوم زِ اسٕؠ چِھنٕہ نا مقبول._ 7 تٕہ اسٕؠ چِھ خدایَس دعا کران زِ توہؠ مَہ کرؠو کانٛہہ بدی۔ نَہ باپَتھ زِ اسٕؠ سپدو مقبول معلوم بلکہ امِہ باپَتھ زِ توہؠ کرؠو نیکی، چاہے اسٕؠ کیازِ یِمونٕہ نامقبولٔی گنزرنٕہ._
8 تکیازِ اسٕؠ ہؠکونٕہ حقّس خلاف کہین تِہ کرِتھ._ 9 ییلِہ اسؠ کمزور آسو تٕہ توہؠ ٲسؠو زوراور تٕہ اسٕؠ چِھ خوش۔ بؠیِہ چِھ ییہ دعا تِہ کران زِ توہؠ بنیُو کٲمِل._
10 امِہ موجوب چُھس بُو غٲر حٲضری منز یمٕہ کتٕھہ لؠکھان تاکِہ حٲظر ٲسِتھ پؠنٕہ مے تؠمِہ اختیارٕہ موافِق سختی کرنؠ یُوس خداوندن مے توہؠ تیار کرنٕہ باپَتھ دیوٚت نہکِہ لُہرانٕہ باپَتھ._ 11 غرض ہے بائیو! خوش روزؠو، کٲمِل بنؠو، اطمنان تھٲیُو، اکھ دِل ٲسِتھ روزؠو، برادری تھٲیُو تٕہ خدایِہ سُنٛد محبت تہٕ برادری ہُنٛد آگُر آسِہ توہِہ سٲتؠ._
12 پانٕہ وٲنؠ کرؠو پاک بوسٕہ کرِتھ سلام._ 13 ۔ سٲری مُقدّس لوکھ چُھو توہِہ سلام ونان._
14 خداوندِ عیسیٰ مسیح سُند فضل تٕہ خدایہ سُند محبت تٕہ روحُ القدسٕہ سٕنٛز شراکت روزِن توہِہ سٲرنٔی سٲتؠ سپدان._