2 ۔ تٕہ سُوۓ چُھ سانؠن گُنہَن ہُند کفارٕہ۔ سانِنٔی گُنہَن ہُند یُوت نٕہ کینٛہہ بلکِہ تمام دُنیاکؠن گُنہَن ہُند تِہ۔
3 ۔ اگر اسؠ تَسٕندؠن گُنہَن پؠٹھ عمل کرَو تیلِہ سپدِ امِہ سٲتؠ اسِہ معلوم زِ اسِہ چُھ سُہ زونمُت۔ 4 ۔ یُوس کانٛہہ یِہ ونان چُھ زِ مے چُھ سُہ زونمُت تسٕندؠن حُکمَن پؠٹھ چُھنٕہ پزَر۔
5 ۔ آ یُوس اکھاہ تؠمسٕندِس کلامَس پؠٹھ عمل کرِ تَس منز چُھ یقیناً خدایہ سُند محبت کٲمِل سپُنمُت۔ اسِہ چِھ امے سٲتؠ فکرِہ تران زِ چِھ تَس منز۔
6 ۔ یُوس اکھاہ یِہ ونان چُھ زِ بُو چُھس تَس منز قٲئِم تیلِہ پزِ امِس تِہ تِتھے پٲٹھؠ پکُن یِتٕھہ پٲٹھؠ سُہ اُوس پکان۔ 7 ۔ ہے ٹاٹھؠو! بُو چُھسنٕہ توہِہ کانٛہہ نو حُکم لؠکھان بلکِہ سُوۓ پُرون حُکم یُوس گوڈٕہ پؠٹھے توہِہ میُولمُت چُھو۔ یِہ پُرون حُکم چُھ سُوۓ کلام یُوس توہِہ بُوزمُت چُھو۔
8 ۔ تاہم چُھسو بُو توہِہ اکھ نو حُکم لؠکھان تٕہ یِہ کَتھ چھے تَس پؠٹھ تٕہ توہِہ پؠٹھ یِوان تھاونٕہ تکیازِ انِہ گٹٕہ چھے ختم ہؠوان گژٕھنؠ تٕہ حقیقی نُور چمکُن چُھ شروع گومُت۔ 9 ۔ یُوس اکھاہ یِہ چُھ ونان زِ بُو چُھس نُورَس منز تٕہ پننِس بٲیِس سٲتؠ چُھ دُشمنی تھاوان، سُہ چُھ ونؠُک تام انِہ گٔٹسٔی منز۔
10 ۔ یُوس اکھاہ پننِس بٲیِس سٲتؠ محبت چُھ تھاوان، سُہ چُھ نورَس منز روزان تٕہ ٹھوکر چُھنٕہ کھؠنٕہ وۄل۔
11 ۔ مگر یُوس پننِس بٲیِس سٲتؠ دُشمنی چُھ تھاوان، سُہ چُھ انِہ گٹِہ منز تِہ انِہ گٹِہ منزٔی چُھ پکان تٕہ یِہ چُھنٕہ زانان زِ کوٚت چُھس گژھان تکیازِ انِہ گٹِہ سٲتؠ چِح تَس ٲچَھن کاژٕہ تؠمبر پؠمٕتؠ۔ 12 ۔ ہے شُرؠو! بُو چُھسو توہِہ امِہ باپَتھ لؠکھان زِ تہٕندِ ناوٕہ سٲتؠ سپدؠ تُہندؠ گناہ معاف۔
13 ۔ ہے مالؠو! بُو چُھسو توہِہ اوٕہ موکٕھہ لؠکھان زِ توہؠ اُوٗ تَس شیطانَس پؠٹھ غٲلِب۔
14 ۔ ہے بزرگو! مے چُھو توہِہ امِہ خٲطرٕہ لؠکھمُت زِ یُوس ابتداء پؠٹھ چُھ، توہِہ چُھوُۄن سُہ زونمُت زِ توہؠ چُھو مضبوط تٕہ خدایہ سُند کلام چُھ توہِہ منز قٲئِم روزان تٕہ توہؠ اُوٗ تَس شیطانَس پؠٹھ غٲلِب۔ 15 ۔ تٕہ مٕہ تھٲیُو دُنیاہَس سٲتؠ محبت نَہ تِمن چیزن سٲتؠ یِم دُنیاہَس منز چِھ۔ یُوس اکھاہ دُنیاہَس سٲتؠ محبت چُھ تھاوان تَس منز چُھنٕہ ببٕہ سُند محبت آسان۔
16 ۔ تکیازِ یِہ کینژھاہ دُنیاہَس منز چُھ یعنی جِسمٕچ خوٲہِش، ٲچَھن ہُند تماہ تٕہ زندگی ہُند فخر، سُہ چُھنٕہ ببٕہ سٕندِ طرفٕہ کینٛہہ بلکِہ چُھ دُنیاہکِہ طرفٕہ۔
17 ۔ دنیا تٕہ تؠمِچ خوٲہِش دونوے چِھ مٹان روزان مگر یُوس خدایِہ سٕنزِ مرضی پؠٹھ چُھ پکان سُہ چُھ تاابَد قٲئِم روزان۔ 18 ۔ ہے گوبرؠو! یِہ چُھ ٲخری وقت تٕہ یِتٕھہ کٕنؠ توہِہ بُوزمُت چُھو زِ مسیح سُند مُخٲلِف چُھ ینٕہ وۄل۔ حالانکِہ ونِکؠس تِہ چِھ واریاہ مُخٲلِفِ مسیح پٲدٕہ گمٕتؠ۔ امِہ سٲتؠ چُھ اسؠ زانان زِ یِہ چُھ ٲخری وقت۔
19 ۔ تِم چِھ اسے منزٕہ درامٕتؠ مگر اسِہ منزٕہ ٲسؠ نٕہ۔ اوٕہ موکٕھہ زِ اگر اسِہ منز آسہَن تیلِہ روزہَن اسِہ سٲتؠ مگر دراۓ امِہ موجوب زِ یِہ سپُد ظٲہر زِ تِم سٲری چیھنٕہ اسِہ منزٕہ کینٛہہ۔ 20 ۔ تٕہ توہِہ چُھو آمُت تَس قُدرتَس سٕندِ طرفٕہ مَسح کرنٕہ تٕہ توہؠ چُھو سُورُئ کینٛہہ زانان۔
21 ۔ مے لؠوکھنٕہ توہِہ امِہ موکٕھہ زِ توہؠ چُھونٕہ پزَر زانان بلکِہ اوٕہ موکٕھہ زِ توہؠ چُھو تَتھ زانان بؠیِہ امِہ موکٕھہ زِ کانٛہہ اپُز چُھنٕہ پزرٕکِہ طرفٕہ کینٛہہ آسان۔ 22 ۔ تَس ورٲۓ کُس چُھ اپُزِیُور یُوس عیسیٰ سٕندِس مسیح آسنَس انکار چِھ کران؟ مسیح مُخٲلِف چُھ سُوۓ یُوس ببَس تٕہ فرزند سُند انکار چِھ کران۔
23 ۔ یُوس اکھاہ فرزند سُند اِنکار چُھ کران تَس نِش چُھنٕہ بَب کینٛہہ۔ یُوس فرزند سُند اقرار چُھ کران تَس نِش چُھ بَب تِہ۔ 24 ۔ یِہ توہِہ گوڈٕہ پؠٹھے بُوزمُت چُھو تِی رُوزِن توہِہ منز قٲئِم۔ یِہ توہِہ گوڈٕہ پؠٹھے بُوزمُت چُھو اگر تِہ توہِہ منز قٲئِم روزِ تٕہ توہؠ تِہ رُوزؠو فرزندَس تٕہ ببَس منز قٲئِم۔
25 ۔ تٕہ یمؠُک توہِہ اسِہ سٲتؠ چُھ وعدٕہ کوٚرمُت سُوٚ چھے ابدی زندگی۔
26 ۔ مے چھے یِمٕہ کتٕھہ تِمن ہٕندِ باپَتھم لؠچھمژٕہ یِم توہِہ فریب چُھو دِوان۔ 27 ۔ تٕہ تُہند سُہ مسَح یُوس تَسٕندِ طرفٕہ چُھ آمُت کرنٕہ توہِہ منز چُھ سُہ قٲئِم روزان تٕہ توہؠ چُھونٕہ امِکؠ محتاج کینٛہہ زِ کانٛہہ ہؠچھنایو توہِہ بلکِہ یِتھ پٲٹھؠ مسَح یُوس تَسٕندِ طرفٕہ کرنٕہ چُھ آمُت چُھو توہِہ سارے کتٕھہ ہؠچھناوان تٕہ سُہ چُھ پوز، اپُز چُھنٕہ۔ تٕہ یِتھ پٲٹھؠ تؠمؠ توہؠ ہؠچھنٲیُو تِتھے پٲٹھؠ چُھو توہؠ تَس منز قٲئِم روزان۔
28 ۔ غرض ہے شُررؠو! تَس منز رُوزؠو قٲئِم تاکِہ ییلِہ سُہ ظٲہر سپنِہ تٕہ اسِہ آسِہ دلیری تٕہ اسؠ گژھو نٕہ تؠمسٕندہ یِنٕہ وِزِ تَس برونٛہہ کنِہ شرمندٕہ کینٛہہ۔
29 ۔ اگر توہؠ زانان چُھو زِ سُہ چُھ پٔزؠ زِیور تیلِہ ٲسِؠو توہؠ یِہ تِہ زانان زِ یُوس اکھا پزرٕچ کٲم چُھ کران سُہ چُھ تؠمسٕندِ سٲتؠ پٲدٕہ سپُدمُت۔