2 ۔ یِہ زندگی سپٕز ظٲہر تٕہ اسِہ وُچھ تٕہ اؠمِچ چِھ گوٲہی دِوان تٕہ امِہ ابدی ہٕنز خبر چُھو توہِہ دِوان یُوٚسٕہ ببَس سٲتؠ ٲس تٕہ اسِہ پؠٹھ چھے ظٲہر سپٕزمٕژ۔ 3 ۔ یِہ کینژھا اسِہ وُچھمُت تٕہ بُوزمُت چُھ توہِہ تِہ چُھو امِچ خبر دِوان تاکِہ توہؠ تِہ ٲسؠو سٲتؠ شریک تٕہ سٲتؠ شراکَت چھے ببَس سٲتؠ تٕہ تسٕندِس فرزندَس عیسیٰ مسیحَس سٲتؠ۔
4 ۔ تٕہ یِمٕہ کتٕھہ چِھ اسؠ امِہ باپَتھ لؠکھان زِ سٲنؠ خوشی سپدِ پُورٕہ۔ 5 ۔ تَس نِش بُوزِتھ یُوس اسؠ توہِہ تام چِھ واتناوان سُہ چُھ یِہ زِ خدا چُھ نُور تٕہ تَتھ منز چھؠنٕہ رَژھ تِہ انِہ گٹٕہ۔
6 ۔ اگر اسؠ ونو زِ سٲنؠ شراکَت چھے تَس سٲتؠ تٕہ پتٕہ پکو انِہ گٹِہ منزؠ تیلِہ چِھ اسؠ اپُزیٲرؠ تٕہ حقس پؠٹھ چِھنٕہ عمل کینٛہہ کران۔
7 ۔ وَاگر اسؠ نُورٕہ منزؠ پکو یتٕھہ پٲٹھؠ زَن سُہ نُورس منز چُھ تیلِہ چِھ اسؠ پانٕہ وٲنؠ شراکت تھاوان تٕہ تَسٕندِس فرزندَس عیسیٰ سُند خون چُھ اسِہ تمام گُنہو نِشٕہ پاک کران۔ 8 ۸۔ اگر اسؠ ونو زِ اسؠ چِھ بے گناہ تیلِہ چِھ اسؠ پننِس پانَس دھونکٕھہ دِوان تٕہ اسِہ منزٕہ چُھنٕہ پزَر۔
9 ۔ وَاگر اسؠ پننؠن گُنہَن ہُند اقرار کرو تٕہ سُہ چُھ سانؠن گُنہَن معاف کرنَس منز تٕہ اسِہ چُھ تمام ناراستی نِشٕہ پاک کرنَس منز پٔزِیُور تٕہ عٲدِل۔
10 ۔ اگر ونو زِ اسِہ کوٚرنٕہ گناہ تیلِہ چِھنٕہ اسؠ سُہ اپُزِیُور قرار دِوان تٕہ تؠمسُند کلام چُھنٕہ اسِہ منز۔