¹ Yenshe mukuru muprisita asharwa mukati ka vantu, aketerwa kutenda mutendo we zintu za Nyambe, okutiye nahe e nseberezo ye zihewa nezi tabero ze zibbi. ² Awora kutenda navo kava shuwisisi mi navo niva homiwa, kakuli neye aazya manta. ³ Kevaka lyezo, neye avotere okutenda ezi tavero ze zibbi, vulyena atenda kuzibbi za vantu. ⁴ Kwaazya ozyo ahinda oku kutekiwa kwa vulyaho. Mbita, ozyo nashaliwa shina ndi Aruni. ⁵ Mwinjira ifwana, nanga Kiresite kali nali temba yemwini okuli hanjika ye ndo muprisita mukuru. Kono, ozyo kaamba kwakwe naataye, ''Oli mwanangu; shunu ndavimi Esho.'' ⁶ Kwina nenja vulyena naamba mwi chivaka chimwinya, ''Oli muprisita kutwara ko kakumani. Kentendero ya Melusedeki. ⁷ Muma zyuva akwe enyama, Kiresite nareta e ntapero noku kumbira koku shumpura hawa nezi nsozi kwa Nyambe, ozyo awora kuma ramwina ku rufu, mi naashuiwa kevaka lyo vuharo bwakwe voku rapera. ⁸ Nanga kali Mwana, nali zyiya okushuwa kwezina zoku shandiswa. ⁹ Na tendiwa nenja mi naava vulyaho, ku muntu yenshe ozyo amushuwa, nokuva o muhazi oko kakumani. ¹⁰ Na tendiwa kwa Nyambe okuva o muprisita mukuru kenjira ya Melekisedeki. ¹¹ Zingi tuwora kuamba za Jesu, kono kukavavu hawa oku toroka shina aho shemuli vakavavu kukushuwa. ¹² Nali kali mbovulyaho nali muli bazyiizi, mushishaka ye zyumwi ezye ami zyiize ezintu ze mirao ya Nyambe nezywi lyakwe. Nimwa zoka vashaka o muzilili kali zilyo zikwesi! ¹³ Kakuli yenshe vulyo anywa muzilili azya nenja ezo azyi zezywi lyoku ruka, kakuli ashili mudana. ¹⁴ Kono ezilyo zikwesi nza vantu vakulite. Avo mbavena kevaka lyoku kura kwavo vakwesi oku shuwisisa koku zyiva oku shara ovu rotu kuvu zwisa muvubbi.